ذبحتني خيانته الله يصبررررررررني

مساء الخير كيفكم بنات بطرح عليكم مشكلتي ياليت تقبلوني بصدر رحب مالي الا انتم بعد الله ماقدر اشكي لاحد من الاهل صعبه يكبرون المواضيع وتصير مشاكل وطبعا انا ماسجلت الا بعد مااقتنعت انكم بتعطوني الحل بعد الله سبحانه وتعالى

انامتزوجه من ولد عمي لي سنتين ونص وعلاقتنا على خير مايرام مثل اي زوجين متحابين وهومن النوع الحبوب اللي يبغى يخدمك باي طريقه والحمدالله كل طلباتي مجابه ويحبني وانا احبه ومو مقصره معه ابد ماتخيلون يابنات من كل النواحي الكلام وبالبيت وشغله والطبخ والعلاقه الخاصه يعني مثل اي زوجين حياتهم هاديه

المهم بدت مشكلتي من عشر شهور زوجي مدمن نت وكنت اجلس معه عادي يدخل منتديات ومواقع اشعار وبالمسن مع اصدقائه ومره وانا اشتغل مريت من عنده ولاشافني لقيته يكتب رساله يكلم بنت ويقول (حقك علي لاتزعلين) انا انصدمت بغيت اموت ماتوقعته ولاواحد بالميه يكلم بنات

بعد ماراح الدوام فتحت جهازه ولقيت عنده بالمفضله موقع اسمه (×××) موقع تعارف وقلة ادب انا فتحته ولقيته متعرف على بنات وفيه وحده مرسله له رقمها انا مت من القهر وجلست ابكي كل الصبح

انا من النوع الكتوم بس اتعب اذا كتمت ولااقدر اكل ولاشي ويبان علي غصب لاسيما هذي اول مشكله تواجهني معه يعني المشاكل الي قبل كلها تغلي واشياء سخيفه ماتتعب مثل هالمشكله

بعد ماجاء من الدوام لاحظ علي التعب ولااكل وانا اسوي نفسي عادي بس مااقدر عاد هو ضاق صدره وجاء يكلمني وش فيك ومن اللي يضايقك اوريه شغله وماعاش من يزعلك

انا مودي اصارحه بس ماقدر انفجرت وقلت له انك تكلم بنات وتدخل مواقع تعاراف وصار بيني وبينه مشاده كلاميه وهواش وقعد يحلف لي انه مايعرف غيري وان الموقع لصديقه يدخل فيه بالاستراحه من جهازه المهم جلست اصيح قدامه مهو من النوع الخواف الي مايحب الدموع وضعيف قدامها وجلس يترجاني ويحلف اني الوحيده بقلبه ومايفكر بغير وبلعتها انا وسكت ورضيت وش اسوي اخرب بيتي مالي الا السكوت

بعد مده يعني اربع شهور صار يجلس الا الفجر على النت ولايعبرني انام الحالي وهومقابل النت وانا ساكته وهو على هالحال يمكن شهرين انا خلاص مليت يوم راح الدوام فتحت جهازه ولقيته يدخل على موقع التعارف ومطور علاقته صاير يرسل كلام حب وغزل وهن يرسلن له ارقامهن وهويستقبل ويرسلن مواقع اباحيه وهو يستقبل

رحت فتحت سجل المحادثات وش لقيت يسولف مع بنت ومعلمها انه متزوج ويقول لها غيري صورتك واسمك عندي الحكومه طبعا يقصدني انا تخيلوا يسولف معها بالمسن وانا عنده ولا دريت ومرسله رقمها بالمسن وهو يقولها خلاص حفظته ابدق واقطعه وسجلي رقمي

انا انهرت وجلست ابكي وجتني مثل الدوخه وارتفع الضغط علي ورحت المستشفى وهو لاحظ وضاق صدره وتغيرت عليه خلاص مااقدر اكلمه ولااقدر اقول لهلي اهلي واهله معقدين من النوع الي ما يتفهم ويكبرالمشاكل عشان كذا كتمت وتعبت وجلست على هالحال يومين وهو تعب مره لاني اقولكم هو من النوع الحساس

وهو شاك في السالفه وجاء ويقول وش مضايقك ادري انا تكلمي وشو عاد انا انهرت ماودي اصارحه بس خلاص مااتحمل اكتم اكثر من كذا وقلت له انك تدخل مواقع وقلت له كل شي هو جلس يحلف انه مايكلم بنات وماادري ايش وان موقع التعارف يدخكله من باب الفراغ والتفرج

وصارت بيننا هوشات وجلست مااكلمه ثلاث ايام وهو تعب مايطلع من البيت وبس يلاحقني يبغاني ارضى وانا مطنشته الا ان جلس مثل الندمان يكلمني ويبوس يدي ويحلف مايعيدها

انا شكيت ان عنده رقم ثاني وشلون يرسلن له وهو يقول حفظته وجواله الي معه مستحيل يعطيهم رقمه لانه الاساسي وحسيت ان عنده ثاني بس هو حلف وقال انا ماعني لا هاذا

مرت الايام وتراضينا وهو صار مايفارقني وللمعلوميه هو ماتغير علي من جميع النواحي بس يسهر على النت من ناحية الكلام الحلو والعلاقه الخاصه ماقصر


المهم امس فتح جواله وقال ارسلي الصور لك عاد انا رحت اباخذهن من الرسايل الا لقيت يرسل لرقم نفس الرسايل اللي يرسلي الحب والغزل واشياء قويه مرسلها لنفس الرقم انا اخذت الرقم وحفظته عندي ابطلع رقم وابدق اشوف من يرد بنت ولا رجال

فتحت جهازه اليوم ورحت موقعه النت لوق لقيته حاط بجنب اسمه بالموقع الرقم الي اخذته من جواله

اللحين صار الرقم له ويرسل نفس الرسايل اللي يرسلي لبنات ابليس انا اللحين الرقم عندي وطلعت رقم ثاني وش تنصحوني فيه


لاتقولون لاتصارحينه هذي ثالث مره مااقدر اصبر اكتب لكم وانا تعبانه ومن شدةالتعب استفرغ وانتم بكرامه اي شي اكله اطلعه من التعب وش تنصحوني فيه اعتبروني اختكم


وادعوا لي ان الله يسخره لي ويبعد عنه بنات الحرام


ملييييييييييييييت اكتب ودموعي على خدي من التعب والبكاء

انا طرحت مشكلتي بمنتدى ثاني والله يجزاهم خخير اللي دعوا لي واللي عطوني رايهم بس مااستفدت منهم وياليت الاقيه منكم يالغالين واعذروني على كثر الهذره الله يفرج لي


امييييييييييييييييييييييييييين


ساعدوني الله يوفقكم وما تفقدون حبيب لكم ويجزاكم الف خير

273 تعليق 31,655 مشاهدة

شاركي في النقاش

سجلي الدخول لإضافة تعليق.

التعليقات

266
  1. @aasl_sdr

    الله يعينك اول شي اكثري من الدعاء له بالهدايه والاستغفار
    نصيحه مني واجهيه بكل شي وشيلي عفشك وروحي بيت اهلك لاتعلمين احد من اهلك بس قولي له يانتي يالنت وهالبنات لانه خواف وراح يخاف على سمعته وبيته
  2. والله رحمتك مع ان ماعندي خبرة بحلول الخيانة الزوجية لكن مااقول الا استمري بمراقبتة وذكرية بالحلال والحرام وادعي له بجوف الليل ولاتخلينة يجلس على النت كثير و اشغلية بطلبات بطلعات وانتِ وذكاءك

تابعي تجارب أخرى من هذا القسم.