شاركي في النقاش

سجلي الدخول لإضافة تعليق.

التعليقات

2,084
  1. أم اياد 2009
    اوكسي صباح الفل عامل ايه يا حبيبتي اخبارك ايه وميعاد مع الدكتور امتى
    صباح الخير يا ام اياد ... ميعادى النهاردة مع الدكتور ... ادعيلى آخد الحقنة التفجيرية اليوم علشان اتفقت خلاص على اجازة الاسبوع الجى .. والحمد لله ماسألتنيش ليه ... المفروض دى تبقى اجازتى السنوية وآخدها زى مايعجبنى
  2. دانة حلم عمري
    طيب يا أوكستي أنا مش عندي ميله الجديد ربنا يكرمك تديني الميل بتاعه إذا عندك يا قلبي
    انا لسة من فترة قصيرة بعتاله رسالة على الميل اللى بيقولوا اتسرق ورد عليا ... اما الميل الجديد مع نفين وهى كتبت مشاركة بيه بس مش فاكرة امتى ... ممكن تعملى بحث فى مشاركات نفين زان شاء الله تلاقى الميل
  3. @am_ayad_2009

    oxygenatom
    صباح الخير يا ام اياد ... ميعادى النهاردة مع الدكتور ... ادعيلى آخد الحقنة التفجيرية اليوم علشان اتفقت خلاص على اجازة الاسبوع الجى .. والحمد لله ماسألتنيش ليه ... المفروض دى تبقى اجازتى السنوية وآخدها زى مايعجبنى
    ربنا يوفقك يا حبيبة قلبي
    والحمد لله ان مديرتك وافقت على الاجازة ومن غير اسئلة كمان
    يارب يارب ترجعى الشغل وانتى حاااامل
  4. Neevooo
    ههههههه مجررررررررررررمة وعاوزة تغلبيني بس على مين يا ماما دة انا ماما هو انا بموووووت فيكي من شوية ؟ و ان كان ع اللسعان فانت شايطة يا قلبي و محدش لحقك من البوتوجاز دة مرمش و بيطير البرج اللي فاضلك اما فرفش فمش هيلاقي حاجة يطيرها فهيطي…
    ماشى ياعم الجامد انت بس عايزة اقولك على حسب كلام الدكتورة ويارب يكون صح واشوفه على خير بالف صحة وسلامة هما ان شاء الله فرفشة ومرمش صلحى بقى الا البت تزعل من خالتها وهيبقى غلط فى حق الزلط





  5. @boba_boba

    مصريه وبحب مصر
    وليه ذكرت أسمي أنا بالذات ومذكرتشي اسماء التانين:angry2: وخصوصا اني اتأخرت في الدخول وانا اللي رجعت بعد فتره وقلت انا زعلانه منكم لانكم مردتوشي عليا عموما انتي متعرفيش ظروف التانين ايه برده عشان تحكموا عليهم والمفروض ان لما واحده تفيد …
    مصرية
    شوفى بقى افتحى ودانك كويس وقبل ودانك ياريت تفتحى قلبك كمان لو سمحتى عشان تفهمى كويس الكلام اللى هقولهولك ده وده طبعا يرجع ليكى عاوزة تفهميه ازاى ولو مش عاوزة تكلملى قراءة وكلامى مش يهمك برضه شئ يرجعلك

    انا بس حبيت اوضحلك كام نقطة كده مع ان البنات ماشاء الله وضحوا كل شئ
    شوفى انتى ياحبيبتى بتقولى بالحرف الواحد""انتي متعرفيش ظروف التانين ايه برده عشان تحكموا عليهم""

    طيب ماهو الكلام ده برضه انتى مش عملتيه لانك اتهمتى نيفو انها تقصدك مع انها قالتلك بصراحة انها ماتقصدكيش انتى واكيد هى قالت كده طبعا مش لانها مجبرة تقول كدة ولا لاسمح الله خايفة منك بس قالت كده لانها فعلا ماتقصدكيش
    وانتى معرفتيش تقدرى ظروف نيفو اللى اضطريتها اصلا تقول كده لانك مكنتيش معانا من الاول وشوفتى البنات اللى بيدخلوا يطلبوا المعلومة ويبقوا مستعجلين جدا على الرد ولو لاقدر الله محدش رد عليهم يفضلوا يقولوا زى ماطمطم كده قالتلك المصرين والبنات فى التجمع على اساس يعنى انهم دافعين لنا مثلا ومش فاهمين انه ماينفعش حد يطلب خدمة من حد لوجه الله وبعدين يلومه على تقصيره كده على طول لا وايه بيبقى كمان ظالمه لان البنات هنا بصراحة مش بيقصروا واللى بيقصر هو اللى بيدخل مستعجل ومش فاضى يدور على اللى رد على اساس المفروض ان الخدامين بتوعه يجيبوله الرد لغاية اوضة النوم

    وبالنسبة بقى لانك بتقولى ""والمفروض ان لما واحده تفيد وحده في المنتدي بيبقي لوجه الله ومش منتظره منها اي شئ""

    طيب مين قال اننا منتظرين اى شئ من البنات اللى بيدخلوا يستفادو ؟
    بس الكلمة الطيبة صدقة ودى برضه مش ضرورية لو اللى استفادة بالمعلومة مش عاوزة تقولها يعنى مثلا انا سالت البنات على معلومات ومحدش رد عليا لازم التمس اعذار يعنى انا نفسى مش عارفة الاجابة مين قال بقى انهم عارفينها او المفروض يبقو عارفينها؟
    واحنا هنا مش دكاترة عشان معلوماتنا تبقى جاهزة وحاضرة للاجابة على كل سؤال بس كل واحد عنده معلومة حتى لو مش اكيدة بيدخل بيقولها وبنتناقش فيها لوجه الله تعالى
    بس اللى مطلوب ان اللى يشارك معانا جديد يفتح قلبه ويعرفنا ويفهمنا وبعدين يحكم علينا

    تعالى اضرب لك مثال
    بس خلينى اسالك سؤال الاول
    انتى لما دخلتى الموضوع بتاعنا وشاركتى وكنتى طالبة معلومات مثلا وانا للاسف معنديش رد للمعلومة دى
    من حقك تزعلى منى؟ طبعا لا <<اسمحيلى اجاوب من وجهة نظرى

    ثانيا لو انا سالتك دلوقتى على معلومة وهى عندك ومش حابة تديهالى لانك مش متاكده منها ينفع ازعل منك بالعكس احترمك وممكن اقول انك ما اخدتيش بالك من سؤالى واوجهه لك مرة تانية وتالتة

    مصرية عارفة محدش هنا بيكره حد ولا بيكون قاصد يتجاهل حد ولو شفتى هنا لوم بين البنات وبعضهم ومعاتبة
    فده عشان العشم ياحبيبتى احنا هنا بقالنا تقريبا سنة او اكتر مع بعض وكل يوم بنزيد وبنفرح جدا لما بنزيد عارفة ليه عشان ده بيتنا وبيتنا بيكبر لما كل يوم واحدة جديدة تدخل تسكن معانا فيه
    وكمان عشان العدد بيزيد ففرص الحمل الحمد لله بتزيد نسبتها لانها نسبة من التوتال
    فالامل عندنا بيزيد وبيتجدد جوانا وده بيدينا دفعة فمستحيل نكون حاسين اننا بنضيع وقت هنا
    عشان كده لو سمحتى اسحبى اسفك اللى انتى بتتاسفيه ده لانك ولا ضيعتى وقتنا ولا حاجة
    لان لو وقتنا فعلا ضاع يبقى انتى واحدة من الناس اللى بنتكلم عليهم داخلة تاخد معلومة وتجرى مايهمهاش تفيد زى مااستفادت مننا
    وانا مظنش انك من النوعية دى يا مصرية ياللى بتحب مصر وبنات مصر وان شاء الله ظنى مش هيخيب فيكى

    لو كلامى زعلك فى حاجة ياريت تعاتبينى وماتشيليش فى قلبك منى والعتاب لغة الاحباب وحظك بقى يكون ده اول رد منى ليكى

    يانيفو
    مصرية عشمانة فينا عشان كده قالت الكلام ده بس بعد كده لما تعرفنا نبقى نعلق لها الفنكة لو عملت كده تانى
    على فكرة يامصرية ياريت تقرى الاجزاء اللى فاتتك كلها << اهو منها عقاب ليكى على عدم معرفتك بينا واهو برضه تتعرفى علينا اكتر

تابعي تجارب أخرى من هذا القسم.