ماااساة والله ماساه

استغفر الله العظيم واتوب اليه
توني جايه من عند صديق لي تعرفت عليه من التحفيظ ما قد اشتكت لي في حياتها الا اليوم تاثرت من قصتها حيل وبالقوة قدرت اوقف دموعي وقعدت تواسيني وكأن المشكله مشكلتي ادري اني غلطت والمفروض انا الي اصبرها بس ماقدرت قصتها تخلي اي انسان يفكر الف مره في حياته قبل مايشكي ويذمر على شي كاتبه ربه له قبل مايولد
بدأت قصتها منذ طفولتها حيث كانت تشتكي من الام متفرقه لم يجد لها الطب علاج راحت عند مشعوذين بسبب جهل والديها رحمهما الله على بالهم انهم شيوخ يخافون الله في عباده فبدأت اول معاناتها كان واحد منهم يصب عليه ماء بارد مع ثلج والمكيف شغال قدامها وكانت ترتجف من البرد وابوها كان خايف عليها قالها المشعوذ حسبي الله عليه هذا الي فيها يرتجف مو هي صدق ابوها والبنت مو قادره تتحمل صرخت صرخه مدويه واخذ يضربها بسوط ويقوله اطلع والبنت من الضرب الي اخذته قالتله خلاص طالع طالع كان كل واحد من اخوانها مو فاضي لها كل واحد وراء شغله وكان ابوها وامها هم الوحيدين الي كانو معها رغم جهلهم ومعاناتهم وكان املهم الوحيد بعد الله هذولا المشعوذين زادت حالتها اكثر ودوها عند واحد غيره طلب منهم يجيبو ديك وربط صديقتي الغاليه وخلا الديك يدور حولها وهي خايفه ترتجف وبعد ما اغمى عليها وقامت ذبح الديك قدام عيونها وهي صابره بس عشان تفرح امها وابوها
تركت الدراسه وهي بسنه رابع بسبب حالتها السيئه ورغم مرضها فكانت تحمل في قلبها قصه حب لم تكتمل كانت تحب ابن عمها وهو يحبها وكان كل اقاربهم يعرفون انه نهايه هذا الحب الزواج بس للاسف لماتوفي ابوها الله يرحمه ويسكنه جنات النعيم خطبها من اخوانها بس ماكانو موافقين بسبب مرضها راح ولدعمها في طريقه وخطب وحده ثانيه وهي مازالت تحبه وتدعيله بكل خير لانه مواقفه معها كثيره ومن المواقف الي اعجبتني كانت مريضه جدا من كثر مرضها ماقدرت تمشي والديه كبار بالسن فما قدرو يحملوها حملها وغطاها بشماغه ودخلها المستشفى بعد شهور توفيت امها بين يديها انهارت وحاولت انها تنتحر عاشت عن اخوها وزجته وكانت شبه شغاله ولكن ماكانت تقولي بالعكس تمدح فيها مدح مو طبيعي تقول انا 24 ساعه نايمه وانا صدقتها بس اختها قالت العكس وبعد ثلاث شهور دخلت تحفيظ ومن هنا انا تعرفت عليها كنت اشوفها مرحه مبتسمه متفائله اذا شفتوها ماتقولوا انه هذه مريضه ابد الا اذا بدينا نسمع تبدأ صديقتي تتأثر وتحس كأن شي خارج منها وتلتوي بشكل غريب بس ماشاء الله عليها صبرت وهي اللحين حافظه خمسه اجزاء من القران ماشاء الله اسال الله ان يعوضها خيرا من الي فقدته
دلتها احد الاخوات على شيخ ممتاز في جده وراحتله ومن هنا عرفت انها مصابه بحاله نفسيه وبدأت العلاج والحمدلله تحسنت حالتها كثير بعد ماكانت تقدر تقراء سورة البقره اللحين ماشاء الله حافضتها
تقدم لها واحد الله يسامحها (لانها ماتبيني ادعي عليه) على قولت اخوانها ملتزم وغني وطيب جاء عندهم يوم الخميس عشان يشوفها وشافها وشافته وقالهم برد عليكم الخميس الجاي ماأنتظر اللين يجي الخميس جاء الجمعه وجاب خواته معاه حست انه الحياة ابتسمت لها من جديد من كثر مامدحها قدام خواتهاتصل عليهم يوم الخميس قلهم اسف مشغول راح اجيكم الخميس الي بعده رسل رساله يوم الخميس قال انا اسف الله يسعدها بلي احسن مني كان متزاعل هو وزجته وكان بيطلقها وبياخذ صديقتي بس تصالح هو وزوجته يوم قال انه مشغول .
انقهرت صديقتي شوي والي حولها كلهم يبكون عليها وانا معاهم بس اعجبتني لما قالت ربي ارحم بي منكن حسيت انها مؤمنه بقضاء الله وقدره من كل قلبها ماشاء الله عليها يارب اسعدها وبدل همومها واحزانها افراح وجمعها بوالديها في جنات النعيم والله انها محتاجه لدعائكم لانه فيه خطاب كثير يبغوها وهي رافضه تقول الحياه الي عايشتها احلى من حياة كثير ناس وفكره الزواج شايلتها من بالها تقول ماتبي تظلم احد معاها رغم انه كل الصفات الحلوه فيها دخيلكم لاتنسونها مالها احد بعد الله غيركم