انــــطردت من بيـــــــــــــــت ابــــــــــــــــــــوي!!

مالها داعي المشاكل ومدام ان امك لها دور خاص وش المشكله ...صحيح ان لكم حق فالبيت وصحيح انلكم حق على اخوك وزيارته
بس بنت الناس مو مرتاحه منك يعني بالغصب تروحين لها .؟
انا ماقلت كلامي هذا علشان ابين ان الحق معها لا ..اكيد هي غلطانه بس من عافنا عفناه لو كان غالي ..ومدام الحمدلله امك بور لوحدها المفروض من قبل ماتقول لكم هذا الكلام اني ماعاد تروحين لها خاصه بعد اللي شفتوه منها ..
وتمنى ماتقولين لأخوك الا اذا وصلت السالفه اهانه لأمك او ضرر عليها ببس مدام انها فوق فالدور الثالت وزوجة اخوك الطيبه هي بالدور الثاني يعني ماعلى امك خوف ..ولاتخربي بين اخوك وزوجته

بس اذا قال لكليش ماتجي عادي قولي زوجتك تقول كذا وكذا ... اما اذا ماقال شيء خليك على وضعك والله يهدي سركم ويألف بين قلوبكم

مستحيل اخبي عن اخوي موضوع زي هذا حتى لو امي محلفتني انا بتكلم اصلا عشانها
انتي مو عندها دايم ولو لاقدر الله صار لك شي من بيدري عن امك دامها مو قادرة تتكلم لو بكرة تستقوي عليها هالادمية المتخلفة
بتروح فيها الضعيفة لاتسكتين خليها تخاف وتبلع ارضها الي ماتخاف ربها
مو غصب اكيد تجونها بس هذي ماتبي امك لحالها يعني السالفه مو فيك في امك
ماتبي امك وانتي شوفي الي مايبي امك وش بتسوين له تتفرجين ؟؟؟؟؟؟؟

ايوالله انك صدقتي ياختي
انتي اليوم موجوده والواحد مايدري عن الدنيا وكلنا نعيش اليوم وماندري بعد شوي بنكون بالدنيا والا عند رب العالمين
لازم تضمنين حق امك وتعلمينهم انها موب لحالها واللي يمسها حتى لو بكلمه مايلوم الا نفسه

والله ياختي كلمي أخوك وحطي مرته قدامك وقدامه وناقشيهم ترى لكم في البيت مثل ما له هو وإذا الأخت متضايقه تطلع من البيت هذا اللي ناقص

اذا اخوك الثاني طيب اتفاهموا معاه وبدون علم امك واجتمعوا مع اخوانك انت واختك عشان خاطر امك واتحسبي عليها دعوة المظلوم مستجابه