ملف استشارة مطبخية مصرية عربية 3

تسلمي يا قمر شوفي أنا كنت عملت الكريمة بـلبن ساقع مش مية بس حاسة إن طعمها خفيف مش السمك يعني اللي في العلب بتبقى لها طعم مختلف

بالنسبة للسويسرول أنا عملت مقدار واحد في اكبر صينية مستطيلة عندي بس لما جيت الفه اتكسر فعلا معايا بس لما طلع من التلاجة تاني يوم كان كويس و ماسك نفسه و غطيته بـالشيكولاتة كان تحفة ما شاء الله بس يا ريت لو تعرفي تنزلي مقاس الصينية بتاعتك و ممكن اجيبها منين وجزاكي الله خيرا

طيب يا بنات أنا كنت عاملة النهاردة البسبوسة بتاع أبلة دون و حصل حاجة مش فهمت إيه السبب لما قطعتها للتقديم كان الشربات مش واصل لتحت يعني كل البسبوسة من فوق شربت الشربات لكن القاع مش وصله شربات خالص مع إن كمية الشربات كانت كتير زي المقدار بالظبط


حاجة كمان أنا جايبة فرخة مخلية عشان أعمل تشيكن رول حد جرب يعملها قبل كده بتكون حلوة فعلا ولا إيه رايكم ؟

التشكن رول حلوة يعني تغيير لو مش عايزة تعملي بانيه عادي
شوفي إنتى ممكن تعمليها بالطريقة التقليدية وممكن تعمليها بالطريقة دي أنا أخدت فكرتها من الشيف حسن بس هو مش قللاها بعد كده
شوفي ياستى تجيبي الفراخ وبعد ماتتبليها كويس وتسيبيها شوية تفرديها قدامكم وتحشي كل قطعة بتشكيلة الجبن اللي إنتى عايزاها وتلفيها بفويل كويس زي البوبوناية بس لفيها كام لفة عشان المية مش تدخل جواها وبعد ماتخلصي كل القطع ياأما تسلقيها في مية مغلية وفيها شوية ملح وبهارات لمدة 10 دقايق ياإما تسويها شوية على البخار يعنى تلت ساعة
بعدين تفكيها وتسيبيها تبرد شوية وتعمليها بعد كده بالبيض والبقسماط عادي وتقليها
اطريقة ده حلوة أوي لقطع الفراخ اللي مش منتظمة أوي يعنى عشان مش تفتح منك في الزيت لأن بعد السوا الأول بتكون خدت شكل إسطواني منتظم

بصى يا امانى الكاتل انا مبحبهاش لانى بخاف من تأين المية ففى البيت انا معنديش كاتل لكن فى الشغل مضطرة لان مفيش بديل
بالنسبة لابنك متخليهوش يخرج بالنهار من غير صن بلوك بيعمل تغطية كاملة يعنى معامل الحماية فيه اعلى حاجه فى عندنا نوع اسمه فوتو ديرم فى الصيدليات مش عرفش ده ممكن يكون موجود فى مصر ولا لأ اسالى عليه
النمش علاجه الوحيد يبعد عن الشمس او يحط صن بلوك وهو مع الوقت هيخف شوية

انا عملت معايا نفس الحركة بس انا مكونتش حاطة بيكنج بودر قلت يبقى هو ده السبب لان دى كانت اول مرة تحصل معايا
وممكن كمان تكونى حطيتيها فى فرن اوطى من المفروض فطولت على ما استوت فتحسيها نشفت ومسامها اتقفلت فمشربتش الشربات خصوصا انها المشكلة دى من تحت بس يعنى الجزء المعرض مباشرة للنار