ملف استشارة مطبخية مصرية عربية 3

شكرا يا ام مرام وانا اسفه للمره المليون انى خليتك تحطى الميل بتاعك انا ضفتك وبعتلك عليه ابقى اكدى عليا الرساله وصلت ولا لاء



ماشاء الله تسلم ايدك يا ام كريم بالف هنا وشفا



لوزة ماشاء الله تسلم ايدك بس ياريت تقوليلنا الطرق بقه بالتفصيل الممل جدا

ماشى يانورا ابقى اسأل عليه واخلى بالى بقى فى الصيف اكتر وبلاها كاتيل خلاص نشترى براد جديد وامرنا لله
مبروك يا فراشه العجانه وبالنسبه للكريمه انا برضه بزود على اللبن الساقع شوية شربات خفيف بكون شايلاه فى التلاجه عندى وبرضه بيطلع طعمها جميل
كتكوته بالنسبه للبسبوسه قد يكون قوامها اتقل من المعتاد او الشربات مش سخن كفايه او كميته قليله او ممكن البيكنج بودر اما السويسرول انا قبل كده كتبت طريقه انا بعمله وبيطلع جميل ومش بيتكسر لو حبيتى ابقى جربيها هاتعجبك
بنات للعلم فقط من كام صفحه كنتو بتتكلمو عن السمان حبيت اقولكو انالسمان البلدى بيبقى ليه موسم محدد بيكتر فيه عندنا وحجمه بيبقى صغنطط قد حجم العصفوره مش بيزيد عن كده وغير كده بيبقى كله مزاااااااااااااارع وبصراحه انا دقت النوعين وهناك فرق البلدى اطعم بكتيييييييير
سؤال اخير جبت قرعه وعايزه اقتراحات ليها غير القرع العسلى عشان ولادى مش بيحبوه ياريت تفيدونى

ماتزعليش يا بسوم بالنسبه للشورما انا بتبلها من بليل والاول طبعا تكونى مقطعه ةاللحمه بتاعتك لشرايح رفيعه وتبليها بخل وملح وفلفل اسود وبهارات وسماق وبصله مبشوره وكوب زبادى وتسيبيها تشرب التتبيله دى وبعدين فى طاسه وشوية زيت تشوحى شراتيح اللحمه لحد ما تنشف ميتها تروحى ضايفه بصلتين مقطعاها وفلفل رومى متقطع شرايح طوليه برضه وكمان طماطمايه متقطعه وشوية خل وبهارات وتشويحى كل المكونات دى مع بعض لحد كله ما يندمج مع بعض وتكونى مجهزه عيش الشورما وسلطة طحينه وياسلاااااام على الطعم وبالنسبه للتفريز لو اللحمه طازه يعنى مش مطلعاها من الفريزر ممكن تشليها بتتبيله بتاعتها انما غير كده مش ينفع ماشى يا جميل