طريق الايمان (خبرات متبادله حول مراكز العقم في مصر )الجزء العاشر

ام اياد ... ازيك يا حبيبتى اخبارك ايه ... ربنا يهون فترة منع الحمل دى وتحملى من اول تنشيط ...

حبيبتى ليا طلب عندك لو ممكن تليفونات مركز الشرق الاوسط علشان زوجة اخى حتروح لدكتور عادل يوم 18 الشهر ده ... التليفونات ضاعت منى ومش لاقياها علشان احجزلها

أوكستى...
صباحك فل يا قلبى...الأمانة وصلت ....و معلش البلوظة اشتغلت....
عموما الفايل اللى عندي كبير اوي...فهارفعه على اي موقع و ابعتلك اللينك حالا....

بس المهم.....قوليلنا عملتى إيه امبارح عند الدكتور......

مش بطنش والله يا هدى انا سايبة الجزء التاسع وماقرتش حوالى 15 صفحة فى آخره ... اعمل ايه بس افوق من العملية وارجعلكم تانى . متابعة التنشيط كنت بروح للدكتور 3 مرات فى الاسبوع وارجع البيت الساعة واحدة من عنده.وتانى يوم بصحى الساعة خمسة ونصف علشان الشغل. دعواتكم معايا ... انا بكرة ان شاء الله سحب البويضات ... ربنا يكرمك يا هدى ويرزقك قريبا بالذرية الصالحة

بوبا...
صباح الفل و الورد و الياسمين....
نصيحة من أختك...بلاش مربى الكرنب ديه بالذات يا قلبى...
ممكن تغطسى فيها يا قلبى ومتطلعيش تانى....خلى بالك و ربنا يستر.....

قوليلنا يا قمر....استعديتى لنزول مصر و لا ايه الأخبار

السلام عليكم ورحمة الله وبركاته

ازيكم يابنات

صباحكم قشطة وعسل
بلاش الحاجات الي تنفخ البطن دي
ههههههههه


نيفو يا صباح الروقان والجمال

اكيد جوزو جاب لك حاجات حلوة وهو جاي




اوكسي صباحك فل وشربات وعسل وقشطة وحشتيني والله جدا
ربنا يكرمك يارب المرة دي ونفرح بيكي والله بدعي لك من جوة قلبي


شوشو ام انوس وبكبكة ربنا يقومك بالسلامة عاملة ايه

ندى ان شاء الله حامل وهنبارك لك قبل ما جوزو يسافر
ناوية تحللي امتى ؟