شاركي في النقاش

سجلي الدخول لإضافة تعليق.

التعليقات

3,117

  1. @frashalrbyaa_1

    لوزة حبيبتى
    منتظرين طريقتك في السويسرول
    أنا كمان بعمله بطرق تانية غير البن الساخن
    منهم طريقة من كتاب نرجس ده تحفة ب 4 بيضات بس الكمية اللي بتطلع معايا من كيكة اللبن الساخن من 4 بيضات أكتر بكتييييييييييييير بس كيكة نرجس ده بقى حكااااااااااية مش ممكن تتكسر أبدا وانتى بتلفيها
    وكمان في طريقة كنت واخداها من موقع أجنبي ده بقى حكاااااااااااااااااية بس الخيبة إني مش فاكرة مقاديرها
    شوفي شكلها عامل إزااااي

  2. *فراشةالربيع*
    لوزة حبيبتى منتظرين طريقتك في السويسرول أنا كمان بعمله بطرق تانية غير البن الساخن منهم طريقة من كتاب نرجس ده تحفة ب 4 بيضات بس الكمية اللي بتطلع معايا من كيكة اللبن الساخن من 4 بيضات أكتر بكتييييييييييييير بس كيكة نرجس ده بقى حكااااااااااي…
    بسم الله ماشاء الله ربنا يسعدك يارب
    كل وصفاتك تحفه يارب تعرفي المقادير
    قريبا وتخبرينا بها بحبك في الله ومشكورة .

  3. ابله دينا ربنا يطمنا عليكي يارب وتنورينا قريبا
    ام احلي كريم احنا في انتظارك عاوزين فصل
    تعليم معجنات مع فصل للحلويات لفراشه الربيع هتبقي مدرسه
    طبخ والله فكره حلوة وطبعا مع الحبيبه لوزة
    مستكه ومرمر البتول وفين طير الحرم وكهرمانه
    ومني وحبيبه وباقي البنات وحشتوني جدا بس البرد
    هنا صعب قوي وكنت تعبانه ودراعي الشمال كان
    هيموتني الحمد لله الان احسن وطبعا رقبتي كانت
    وجعاني جدا زوجي خوفني من الخشونة كله بسبب
    الجلوس علي الكمبيوتر ربنا يشفي مرضانا ومرضي
    المسلمين بحبكم قوي وربنا يديم علينا نعمه ومشكورين.

  4. @dndon_zayd

    المشاركة المقتبسة غير متاحة.

    ازيك ياام كريم عاملة اة كوكو ولولو عاملين اة
    اسمحيلي ممكن اقولك رايي انا رايي انك تحطي الطرق دة في ملف منفصل عشان الكل يستفيد بس تحطلنا هنا طبعا رابط الموضوع عشان في ناس زيي بيدخلو على الملف دة على طول وبرضة خدي براي الاغلبية
    ياجماعة انا كنت عايزة اعمل مكرونة بالصوص الابيض مش المكرونة الباشاميل لا مكرونة بالصوص الابيض السائل دة ياريت حد يقولي اعملها الزاي عشان جوزي كان كلها في مطعم وعجبتة اوي وعايزني اعملهالو فاكرني طباخة عالمية:hahaha::hahaha:

  5. @dmoaa_altayb

    دندونة زايد
    ازيك ياام كريم عاملة اة كوكو ولولو عاملين اة اسمحيلي ممكن اقولك رايي انا رايي انك تحطي الطرق دة في ملف منفصل عشان الكل يستفيد بس تحطلنا هنا طبعا رابط الموضوع عشان في ناس زيي بيدخلو على الملف دة على طول وبرضة خدي براي الاغلبية ياجماعة ان…
    بصى يا جميل اللى بعملها على طول

    بجيب بصلة صغيرة و احمرها فى حتة ذبدة بس بخليها بيضا يعنى مش تغمق ابدا و بعدين بضفلها ماشروم ياخد لون بس
    و بعدين لو عندك كريمة يبقى ضيفى لها و لو مش فية يبقى حطى شوية دقيق فى كوباية لبن او اكتر حسب ما انتى عايزة الصوص كتير او لأ و بعد ما الصوص يتقل شوية ضبطى الملح و و شوبة فلفل ابيض و ضيفة المكرونة المسلوقة و تكون يا اما شرايط يا اما بنا ( اللى هى القلم بتاعت الباشميل ) و بعدين ممكن تزودلها ريحان اكل بيبقى طعمة تحفة فيها و ترشى عليها جنبة مبشورة موتزرايلا او شيدر او حتى رومى و بالهنا و الشفا

تابعي تجارب أخرى من هذا القسم.