اصديقتي خافت ان احسدها على الحمل

الله يرزقنا الذريه الصالحه
الي تقربها عيونا ولايحوجنا
الخلقه يارب الرحمنا برحمتك

الله يرزق الجميع ياحبيبتي

الله يرزقنا الذريه الصالحه
الي تقربها عيونا ولايحوجنا
لخلقه يارب ارحمنا برحمتك


خليها على ربنا هو بيده كل الامور ووالله ماتدري الوحده وين الصالح فيه

صارت لي موقف ماتصدقين فيه قريبه لي دايما اواسيها وتواسيني بتأخر حملنا انا وهي

لكن شاء الله و حملت قبلي انا فرحت لها والله من قلبي دايما ادعي لها في صلاتي في كل شي والله يوم دريت انها حامل ادعي ان الله يتمم حملها ويعوضها خير

لكن المصيبه انا اخفت حملها عني والله يابنات انها تكلمني تقولي ابي رقم وحده تعالج واعطيها وهي حامل انا داريه بس ماحبيت اقول شي قلت على راحتها تقول الله يرزقنا انا واياك واقول ان شالله وتقول اني الشهر اكل كلوميد وش رايك بس اخذتها على قد عقلها اقولها ايه والمواقف كثيره

وبالاول والاخير اقولك ياختي لاتهمك وخلي اتكالك على ربنا هو بأيده كل الامور

وفوضي امرك اللى الله
وعليك بالدعاء والاستغفار والاكثار من قول لاحول ولاقوة الا بالله


واسفه اذا كنت طولت عليكم

ما ادري ابكي وإلا اضحك على مثل ذي المواقف

مره سألت عمتي ام زوجي شفيها مرت ولدك شكلها تعبانه رايحه المستشفى كان تقول فيها الدورة متعبتها .. كان اقول في نفسي الحمد لله أنا ما أتعب إلى درجة اني اروح المستشفى .. وبعدين قلت لأمي عن السالفه كنت اقولها كل ما تعبت تروح المستشفى ما تصبر .. إلا أمي تقول أكيد حامل وما يبون يعلمونك .. وانا صرت اقول لها لا هي من النوع الي ما يخبي .. وبعدين فكرت وقلت يمكن صحيح كلام أمي لاني اشوف شكلها فيها لوعه .. وبعدين صرت ما اشوفها تعطي بنتها الأولى حليب وقمت اقولها عن حسن نيه ليش ما تعطين بنتك حليب كانت تسكت .. وبعد فتره عرفت انها حامل من الناس وبعدها بكيت قلت يمكن خايفين أحسدها أو خايفين على مشاعري مع ان معاملتهم طيبه معاي .. بس المفروض يقولون لي الصحيح ....

ان شاء الله ربي يرزقني ولا اعلمهم ويسمعون من الناس ..والله يرزقكم جميع وتصير ذي المواقف ذكرى