طريق الايمان (خبرات متبادله حول مراكز العقم في مصر )الجزء العاشر

حبيبتي ما هو دة اللي بقوله
انها فعلا حلوة جدا بس كمان طويلة جدا
و احنا اتفقنا اننا نعرض المعلومة اللي تفيد الناس
و اللي عاوز يستزيد يدور بنفسه
و كمان طول فترة عرض الموضوع هتخليهم يجرّوا الصفحة و مش هيقروا و بالتالي مش نبقى عملنا حاجة
انا عاوزة اجبرهم يقروا و يستفيدوا
عارفة الطفل اللي بتدوريله على اي وسيلة عشان ياخد الدوا ؟
هي دي الفكرة
و فكرة التلخيص مش معناها اني انقص منها شيء مهم بس اللي اقصده نوصل المعلومة في اقل عدد ممكن من الكلمات
فاهماني ؟

ربنا يوفقك يا وداع

و مبروك لشفاء زوجك بس لو ممكن سوال لانه ممكن يفيدنى اوى ازاى اخذ علاج للبروتستاتا و هى مالهاش اعراض و المضاد الحيوى الى اخذه اسمه ايه علشان برضه نتناقش مع الدكتور لانى انا شاكة انه البروتستاتا هى السبب و خصوصا انه جوزى عنده حصوة بالكلى و مش عارفين نزلت كلها و الا لسه

شوووووووشو تسلمى يا قمر بس بجد انا المرة مش مشغلة الهسهس خالص و مش بافكر باى اعراض جانبيه و مش ناوية اوقف التنشيط و الله بس من امبارح وصلت لحالة مش تهيات احتباس كامل بالبول تعبت جدا جدا
و رحت للدكتور النهاردة قالى لا مش من الحقن المهم لسه البويضات ما وصلتش للحجم المطلوب و هنكمل حقن تانى و الله المستعان
وجع البطن من البويضات بيكون محتمل بس انا رجلى مش قادرة احطها على الارض و احتباس البول ده حاجة فظيعة و كده اتاكدت انه يمكن يكون المبيض عامل مساعد بالالام الرهيبة دى ضاغط شوية على المثانة لانى اول مرة اخذ تنشيط
و الله خوف ماما مش ماثر على دلوقتى خالص كان قبل كده مخلينى مش هتحرك بس خلاص الحمد لله التاثير راح خالص لانه مفيش حل غير كده و انا باخذ بالاسباب
و ربنا يكرمك يا اشتقت دائما واخذة بالك منى يا قمر

اه مين اللى اخذت دورى عند الدكتور و اخرتنى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سميرة سعيد المغنية

من بعيد مش باين عليها السن لانها رفيعه جدا جدا لاقصى درجة و كانها طفلة
بس من قريب باين انها سيدة بس طبعا مش بعمرها

اهلا يا سمية فعلا سارة معانا بالملف عملت عندهم بس اللى انا شايفاه عيب مهم عندهم مش عارفه ده عيب و الا ميزة انه كل مرة تروحى تتابعى بيكون دكتور النساء مختلف انا عن نفسى ما افضلش كده احب كون الدكتو راللى متابعه معاه واحد علشان يكون عارف الحالة كويس و ربنا يوفقك


زينب شوفى يا قمر التلقيح الصناعى اى مركز اخصاب مساعد بيكون عنده انا باعمله دلوقتى مع دكتور اسماعيل و ربنا يكرم التكلفه 850 جنيه اجره من غير الادوية و الاجمالى تقريبا هيوصل ل 2500 جنيه

ماما يارب يا ماما ربنا يكرم بالذرية الصالحة التى تقر بها عينك يارب
ممكن اسالك بما انك دكتورتنا هل لو اخذت مضاد حيوى (لانه عندى احتباس بول ) دلوقتى يوثر على جودة البويضات انا النهارة اليوم التاسع من البريود؟


وداع ليه الدكتورة مش زودت لك التنشيط انتى بتاخذى حقن و الا كلوميد؟

اوكسى ان شاء الله ربنا هيكرمك و تفرحينا

توتا بجد انا مبسوطة جدا من كلامك مع دكتورحسام عجبنى جدا انه بيتكلم معاكى و بيحاول يلاقى تفسير علمى للموضوع و ما شاء الله عليه علامة بمجاله ربنا يكرمك يا توتا و واضح انك مثابرة و ربنا يقويك اكثر و توصلى لحلمك يارب
بصراحة كان نفسى اروح له لولا الزحمة و القعدة اللى ما اقدرش استحملها بحالتى دى بس لما شفته بالتليفزيون كان كريقته رائعه وواثق من نفسه جدا و بيراعى شعور المريضة بالفعل

نيفو عندك حق ب سانا لما لقيتك بتجمعى عدد كبير من المعلومات قلت يمكن هتحطيهم بملف مخصوص

رمااااااااااااااال انتى فين يا رمااااااااااااااااااااااااااال طمنينا عليكى و على مامتك

اخر اخبارى رحت للدكتورو كالمعتاد بيتكلم باقتضاب جدا و بنشد الكلام من بقه بجد اتضايقت منه جدا لانه اول مقابلة كان بيتكلم و مرحب قوى و تانى مرة لما شكين انه فى تكيس طبعا ما كملتش عنده 3 دقايق و خلصت الكشف و كان مقتضب جدا
ثالث مرة كان مشغول بالمركز و عنده عمليات قلت يمكن مش فاضى و مفيش وقت بس المرة رحت له العيادة و العيادة بيقدر يتكلم براحته
بس يعنى زوجى يساله السوال 4 مرات ما يردش و لا كانه سامع حاجة
حاجة تضايق بس برضه ما سبتوش الا لما جاوب عليه صحيح كلمة و ربع بس ماليش حل غيره و الا ازاى يكون متابعنى و مش عاوز يرد عليا و لما سالته كم بويضه ضحك قوى ؟ مش عارفه ليه كانه سوال غريب
هو شاطر بس اللى مضايقنى فيه انه مش عاوز يتكلم يادوب عمل سونار و خرج من غير ما يقول و لا كلمه و قعد يكتب الروشته فيها اسم الحقن علشان اكمل هو ده طبيعى يعنىانه الواحد يدخل و يخرج من غير ما يتكلم مع الدكتور؟