عزيزتي والله انا كنت بنفس مأساتك .. مااااااااااافي ارادة .. بس في كم حركة سويتها قدرت ابدأ فيها بالرجيم .. زي ما تقولي تشجيع للنفس.. يعني مثلا
1 اعلق صوري القديمة وانا نحيفة في الغرفة
2 اتفرج في الانترنت صور الناس اللي نحفوا قبل و بعد
3 اختفي عن انظار الناس فترة عشان لما يشوفوني و يقولوا اني نحفت اتشجع اكتر..
انا باحكيكي كيف بدأت شديت على نفسي في الرجيم اخر مرة و استمريت ..انا بدأت من 3 شهور و نزلت 12 كيلو .. صح في ناس حتقول انا اقدر انزلها في شهر و الا شهرين .. بس ايش ميزة النزول البطئ .. لما اتعزم و الا الخبط يوم وااااااااااااحد تاني يوم ما الاقي نفسي زدت و الحمد لله
نزلت السوق و اشتريت بنطلون اتهبللللللللللت عليه .. اصغر مني بمقاس يعني كان يطلع الين فوق بس ما يقفل .. (عشان لا يكون التحطيم عنيف) .. المهم اشتربته غالي عشان ما يهون عليا ارميه و في نفس الوقت اتشجع .. و معلقته برة الدولاب داخلة خارجة اتفرج فيه .. و قبل كل وجبة اروح اقيسه .. طبعا يجي وقت الوجبة والموضوع في بالي .. قعدت على دا الموضوع اسبوعين يوم عن يوم اشوف الازرار يقرب من الفتحة .. و ما انتهى الشهر غير دخلو في بعض .. لكن الحق ماني مرتاحة لسة فيه ..
بس ما تتخيلي الفرحة بالانجاز اللي سويته.. قلت يا بنت هيا خليني ادخل الشهر التاني عشان البسه و انا مرتاحة .. و رحت كمان اشتريت بنطلون تاني نفس المقاس
.. و ما خلص الشهر التاني غير الاتنين البسهم و مرتاحة فيهم تماما .. المهم حاليا انا مشترية مقاس اصغر بس لسة ما قفل .. لكن المقاس الحالي (اللي هوة كان ما يدخل زمان) صار مرتاح مرة..
طبعا يوميييييييييا 3 مرات و احيانا اكتر اقيس الجديد .. و لو توريه لأحد قريب منك اختك امك صديقتك قد ايش باقيلك منه راح تتشجعي
الخلاصة .. لما تتحدي نفسك و تخلي الهدف امام عينك راح تتشجعي لكن اهم شي لا تقولي انا بانزل في شهر و الا شهرين قولي سنة .. و الله السنة تعدي بسرعة و انتي مانتي حاسة و نفسيتك ماهي مضغوطة
وانا حاااضرة في لي وقت لو تبغيني عالخاص تفضفضي ..تسألي .. تكتبيلي عن انجازاتك في الرجيم اي شي تحبيه .. مرررة لا تردي نفسك احنا اخوات و في الهوا سوا
أنا مو عارفه ايش اسوي بحياتي انا خلص شكلي حنتهي
متابعة النقاش، صفحة 2