الى عاشوا فى الغرب سنوات ورجعوا الى السعوديه تعالوا نسولف مع بعض

سبحان الله ترى انطباعات الناس تختلف انا ما سافرت يعني زوجي يوم راح انا رفضت راح لحاله بس بنت خالتي راحت مع زوجها دراسة في بريطانيا وكانت تقول الحياة مرة صعبة وزوجها يقضي اليوم في الجامعة بس تشوفه في الليل وطبعا ما كان لها علاقات قوية مع احد لان لغتها ضعيفة وكانت ايام نكد في نكد والثانية صديقتي مع زوجها في بلجيكا وتقول بعد بالرغم من الطلعة والنظافة بس الحياة صعبة من الناحية الاجتماعية مع انه لهم الحين سنة بس اولادها للحين يحنون عليها عشان الرجعة

اختى شاطى حياك مااعتقد ان قصدهم الخلطه على الاقل الى كتبوا هنا
اختى ام محمد يمكن ترى هذولى فى اول سنه ----اول سنه مره احسها كابوس بس اذا تعودتى على البلد وصرتى انتى تدبرين امورك
خلاص تستانسين

ارحم كل وحده تتمنى الغربه

صدق الناس مدري كيف تفكر
على بالكم ان العيشه برا هي اللي بتطوركم وتجيب لكم السعاده
كوني جديه اكثر في حياتك وش اللي حلمي اعيش برااا
اذا انتي مو مرتبه بحياتك ومو سعيده مافيه شي هناك بجيب لك السعاده
يعني الشجره الخضرا بتعلمك كيف تربين عيالك ولا كيف تعاملين رجلك ؟
بالله عليكم كيف تفكرووون

لا اله الا الله استغفره واتوب اليه

الي أعجبني :
1-أني أطلع ممكن لحالي ومافيه احد بيينقد .. ولا فيه احد بيعترضني ويغازل كنه ماشاف حرمة رغم اني كبيرة ! ولا احد بيقول وجع بنت الفلان طالعه لحالها ..! واصلا حتى لو آذوني ماحد بيرحمني بيقولون جايبتها لنفسك ! محد قالك تطلعين لحالك !! يعني حسيت اني انسان !
2-السيارة طبعاً .. افتكيت من الخوف بسبب ركوبي مع هنود لحالي ! وعلى طاري الهنود والبنغال ماعندهم هنود وبنغال احلا شي !
3- استقلاليتي الاقتصادية انا سيدة اعمال
4- الناس تاركينك بحااااااااااااااااالك واذا طلبتي فزعه زي 999 مثلا طوالي يجون وينقذونك اصلا قانون 3 دقايق ماوصل الاسعاف عندك لك الحق برفع دعوى
5- الخدمات ومستحيل تلاقين احد غبي ولا يستغبي الكل يحاول قدر استطاعته يؤدي عمله على اتم وجه مو زينا تروحين تكلمين الموظفة قدامها دله القهوة و صينية الحلا ولو تموتين ماردت عليك ! ولا الموظفين الرجال !
6- ماعندهم واسطات
7- احترام لحريتك الشخصية و سواء انت ليبرالي او متدين او اي شي ماراح احد يآذيك وبنفس الوقت لا تمشي آرآئك على الكل شي حلو .. مو زينا الليبراليين يتحكمون بالبلد !
8-الصداقات للأسف حقيقية ! مو زينا ممكن تصادقك لأنك خليجية غنية وعينها على زوجك او تصادقك بس كذا وناسة .. لأ صداقة حقيقية
9-القوانين و الانظمة .. الشوراع نظيفة لان فيه قانون يمنع رمي المخلفات مثلاً ... ومافيه لعابين زي عندنا ممكن اخواننا العرب يكونوا نصابين هناك القانون يمشي على الكل ومحد فوق القانون الي براسة نصب واحتيال بيروح فيها
10-مو لازم محرم بالمحاكم .. وانا ماعندي محرم فكل شي حلو
11- ترابط المسلمين ..! عكس البلاد الاسلامية !
12-الشعب كله مو مسلم لكن يطبق الاسلام !!!
13- المستشفيات مافيها نصابين ولعابين احسن من عندنا انا مريضة عشان كذا يهمني
14- أحلا شي بعدت عن أهلي (((مشاكل عائلية




وش الي فقدته عن السعودية ؟
1- صوت الآذان خمس مرات باليوم
2- الدفـا لأني أحب الحر
3- الحرم لأني احب مكة
4- احساس اني بوطني ..شعور لا يوصف
5- اتحسف على الاعمال التجارية اقول لو اني مسويتها بالبلد اخدم بها عيالنا وبناتنا ؟ مع اني اعرف مستحيل اسوي شي طالما اني حرمة + ماعندي محرم !!! بس احساس !
6- اللغة شويتين مع اني متعلمتها من يوم وانا صغيرة بس رجعت نسيتها
7-مافيه اختلاط .. مع ان احيانا يكون فيه اختلاط لو من بعيد تكلمين المدير وكذا و يكون اسوأ شي قسم بالله مو زيهم هم فيه حدود !







الله يكتب الي فيه الخير