تنبيه من خل البلسميك

بسم الله الرحمن الرحيم

والصلاة على افضل الخلق سيدنا محمد صلى الله عليه وسلم خاتم الانبياء والمرسلين

الحذر الحذر اخواتي العزيزاات من خل البلسميك

فتره شريت خل البلسميك من سوبرماركت من كثر ما شفته على قناة فتافيت وعلى وجه الخصوص المطبخ الغربي

وعلى طووووول ما صدقت خبر رحت وشريت .. وشفت بكذا وصفه للخوات في منتديات ثانيه تستخدم هالخل وتشعت

المهم استخدمت منه ملعقة شاي للسلطه

قلت ابي اعرف شنو استخدامات هالخل ودخلت مواقع اجنبيه وعرفت انه يعمل من العنب المطبوخ وخل النبيذ ولكن دون كحول

شكيييت بالامر ولمن شفت الغرشه اللي عندي فعلا من المحتويات خل النبيذ وقلت لزوجي يساللي عنه

وفعلا ساللي عنه شيخ عندنا في البحرين وقال انه يعتبر من الخمور ووالعمل جاري على سحبه من المحلااات والسوبرماركتات

على طول رحت وصبيته الله يعزكم في المغسله الا وريحته ااوووووووف الحول كريهه تاسفت ليش اني شريته وبس واخذتها درس اني ما اشتري شي الا اول اقرأ عليه

اخذو الحذر خواتي وربي الشاهد ما بغيت من ورا هالتنبيه الا الخير لكم والاجر من الله

لان فيه مثلي نسااء تشتري من غير علم

اللهم قد بلغت الله فاشهد

29 تعليق 26,992 مشاهدة

شاركي في النقاش

سجلي الدخول لإضافة تعليق.

التعليقات

29
  1. @lbn_20

    والله شكيت من شكلة
    و استغربت انو ينباع عندنا
    جزاااك الله خير
    ياليت المشرفات يثبتون الموضوووع


تابعي تجارب أخرى من هذا القسم.