طريق الايمان (خبرات متبادله حول مراكز العقم في مصر )الجزء العاشر
متابعة النقاش، صفحة 158
شاركي في النقاش
سجلي الدخول لإضافة تعليق.
التعليقات
1,570oxygenatom شىء عجيب ... المفروض يوقف اللوكرين خالص ... انا حالى ما اتعدلش غير لما وقفت ابر الديكبتيل لانها بتوقف عمل المبيض واحنا مش ناقصيين ... الابر دى بتتاخد لتجنب فرط التنشيط اللى هو مستبعد معانا يا ماما
المره الي فاتت يا اوكسي وقفلي اللوكرين تماما صحيح البويضات كانت 7 لكن الي حصل ان هرمون الlh ارتفع جامد وبوظلي البويضات والاستروجين انخفض من 119 الى 73 واالبويضات لقوها فاضيه ما عدا اثنين ولاجنه طلعت ضعيفه جدا وما انقسمتش انا لازم اخذ اللوكرين عشان هرمون lh عندي عالي جدا المره الي فاتت كان اداني 10 لوكرين بس من اول يوم تنشيط الlh كان 6 وعلى اخر يوم وصل الى 12 المره ده اداني 25 لوكرين والlhلحد النهارده الحمد لله 3ونص بس خايفه بعد ما نقصت الجرعه لحد 15 لوكرين يرجع يرتفع ثاني ربنا يسهل يارب- اوكسي ركزلنا في الدعوات يا حلوه ربنا يكرمنا انا وانت يارب يارب يارب
فاطمة الزهراء912 اللهم من اعتز بك فلن يذل، ومن اهتدى بك فلن يضل، ومن استكثر بك فلن يقل، ومن استقوى بك فلن يضعف، ومن استغنى بك فلن يفتقر، ومن استنصر بك فلن يخذل، ومن استعان بك فلن يغلب، ومن توكل عليك فلن يخيب،... اللهم اكرم اختى اوكسى وارزقها الذر…
وانا يعني يا فطومه ما استهلش دعوه حلوه زي دهرمـــــال د زينب .. حبيبتى ربنا يكرمك بالحمل قريبا يارب .. بس لفت انتباهى كلمة " من الاخر عقم مجهول " انا سمعت دكتور عادل قال كتير اوى ان الجملة دى مش صحيحة وان مفيش حاجه اسمها عقم مجهول لا اكيد فى سبب ياحبيبتى بس انتى مش اكتشفتيه علشان كده قبل ما …
بصى ياريمو اولا تسلمى يا جميل على دعائك ليا ولبك بالمثل ان شاء الله وياستى ياريت زى مابتقولى واحمل على اهون سبب بس بصى يا جميل فى حكاية عقم مجهول السبب انا اقصد انه غير معروف يعنى ممكن مثلا يكون الوسط بتاع المهبل غير مناسب للحيوانات المنوية او فيه اجسام مضادة ودة بيتعرف باختبار عينة بعد الجماع وفى الحاله دى بدل مااعمله ساعتها التلقيح الصناعى هيساعد فى ان يحصل حمل وبردة احب اقولك ان فيه نسبة 15%من انواع العقم بتكون كل الفحوصات سليمة ومع ذلك مافيش حمل
اما بالنسبة ليا يا ستى فانا كنت عاملة منضار البطن تشخيصى وجراحى لازالة التصاقات حول الانابيب والى ممكن تعوق حركتها والمفروض طبعا ان فى المنظار اتعرف حالة الرحم وهو كويس الحمد لله والمبايض بردة كويسة الحمد لله ودة طبعا اتعرف من خلال المنظار وبالنسبة للانابيب فهى كويسة بس فى واحدة منهم عضلاتها ضعيفة بس طبعا كل الحاجات دى المفروض ماتمنعش الحمل الطبيعى اوكى
بالنسبة لهرمون البروجبسترون فهو كان طبيعى بس والله مش فاكرة كام لانة من فترة والتبويض عندى منتظم اما بقى البرولاكتين فكانت نسبته اعلى من الطبيعى بحوالى 10 واخدتله علاج والحمد لله
يبقى فاضل تحاليلfshوlhودول انا ماعملتهمش لان بالسونار ماكانش ظاهر تكيس بس ان شاء الله هاعملهم لانى سمعتكم انه ممكن تكون الخلل فى الهرمونات بس كل شئ منتظم وربنا يكرم ان شاء الله ولو طلعو كويسين هاتوكل على الله واعمل التلقيح الصناعى يمكن ربنا يجعله سبب فاهمانى يا قمرNeevooo د / زينب اولا انت دكتورة ايه بالظبط اوعي تكوني صيدلانية احسن ريحة الادوية عبأت الملف هههههههه اسمك من دلوقتي اوووووزي التوقيع سجل مدني المنطقة نيفوووو
ههههههههههههه والله انت عسل يا نيفو بقى انا بقيت اووزى دة انا فطسست على نفسى من الضحك خصوصا ان انا بقى دكتورة اية ؟؟؟؟؟؟؟؟؟؟؟
وااخدة بالك معايا انا ياستى دكتورة بيطرى فكدة انت جبت اسم فى الجون
اه على فكرة تسلمى يا قمر على كلامك انت ورمال وربنا يكرمكم يارب زى مابتحبو تفعوا غيركو ويرزقكم الذرية الصالحة
مواضيع مشابهة
تابعي تجارب أخرى من هذا القسم.