المشتكى لله ضايعه ودلوني انظلمت وبتطلق ردو ا قبل ماسوي شي اندم عليه

يابنات المشكله لاختي
وهي تنتظر منكم نصيحه اخت لاختها ااحنا ذبحتنا الحيره ومو عارفين نتصرف وكل مشكله اصلا نحلها بالصمت لكن هذي
تبغى تصرف طلاق وطفل بيضيع ارشدونا بعد الله بحل




اختي صار لاهل زوجها فتره يحارشونها ويبغون المشاكل ومو لاقين حجه عليها لانها
ماخلت لهم ولا فرصه لا تتكلم ولا تعطيهم عليها كلمه نهائي يامرون وهي عليها التنفيذ بكل شي
هي مو ساكنه عندهم في شقه فوقهم وتنزل قليل واذا نزلت ماحد يعطيها وجه وكل كارها من اول زواجها مع انها ماخلت طريقه هدايا وعزايم وكل شي
لكن بالبدايه زوجها كان مطلق وحده قبلها واذا حاولوا يفتنون ويحرشون هو وقف لهم يقول خربتوا حياتي قبل اللحين لا
اختي صابره وسكاته حتى حاول يرجع زوجته السابقه وماتكلمت والطليقه تشرطت عليه ورجعت ولده له

المهم اخر بلاويهم
العمه صباح الله جايه تفتح مواضيع تقول
انه اخوه طرد مرته لاهلها لانه اختي غلطانه عليها بقصه شرف وعرض \
هي قريبتها كانت على علاقه مع زوج اختي زمان وقالت لاختي عنها قالت لها اختي ادري بس عشان تعرف انها ماجابت شي جديد تقهر اختي فيه ولازادت واختي طبعا دافنه الموضوع هذي اعراض ناس كيف تتكلم فيها
المهم زوجه اخوه هذي متهاوشه مع رجلها و قالت انه اختي تعايرها بقريبتها وفضحت نفسها وقريبتها وذكرت القصه لهم وطردها زوجها

وزوج اختي بعد هالكلام االلي سمعهانه اختي ذاكره الموضوع للناس قال امشي لاهلك واذا اهلي طلبوا طلاقك جاك من غير اي شي زياده
واللي هامه ومخوفه انه قصه البنت اللي انتشرت وهو خايف اخته تطلق بسبببه
لانه زوجه اخوه اللي بدات المشكله معطيه اخوها اخت زوج اختي
وززوجه اخوه اللي نشرت الموضوع عن اهلها لكن مومصدق هالشي ومتهم اختي انها سولفت بما ان الموضوع وصل للناس

الزبده اختي تسكت وتنتظر الطلاق او فييه تصرف افضل تسويه وترفع الظلم عنها
هي من الصدمه كل اللي قالته ماصدقها لانهم هم اللي بانين الكذبه على زوجها وفيه تفاصيل اردى كلها توضح انه اختي خرابه بيوت بكلمه قالتها من غير اي قصد وحوروا السالفه حتى يوصلون لطلاقها باي طريقه
والله عالم وحده بطيب النوايا وانها ماحفرت لاحد ولا خربت بيت احد حتى طليقته من زمان قالت اذا رجعت له بسكات بمشي ولالي اي كلمه
لانه مو انا اللي اخرب بيتها
اللحين بس المصيبه عرفنا من الصادق من الكاذب وطليقته كانت معها حق تهرب وتبغى الفكه
لكن النصيب ومايسوي وكان الله في عونها على بلواها

بنات امانه تهجم وتجريح مانبغى الظلم ظلمات يوم القيامه
واللي ماعندها اي حل ترفع الموضوع بدعوه تفرج الكرب

قسم بالله حاجه تحط العقل بالكف حنا مومتعودين على كذب وظلم وجور بالشكل كل عمرنا بحالنا
حسبي الله ونعم الوكيل

ادري القصه مشربكه لكن امانه محتاجين حل اقراوا بتركيز يابنات تفهمون علي

48 تعليق 3,487 مشاهدة

شاركي في النقاش

سجلي الدخول لإضافة تعليق.

التعليقات

47
  1. @am_alamyr2009

    لا حول ولا قوة الا بالله
    الله يكون بعونها ويستر عليها
    احترت ما ادري وش اقولك
    ان شاء الله البنات فيهم الخير والبركه

    رفع
  2. @aldnya_aalmtny_3

    معقوله كل شي علراسها ورجلها يعني مايعرف مرته كلشي يصدق اهله صج اني مافهمت نص القصه لان كلامك مداخل مع بعضه والشخصيات واجد بس السبب بهذا كله اختك ليش تسكت المفروض توقفهم عند حدهم من الاول

تابعي تجارب أخرى من هذا القسم.