طريق الايمان (خبرات متبادله حول مراكز العقم في مصر )الجزء العاشر

ماما و اوكسى و توتا انتوا بعد التنشيط بتابعوا التبويض يوم ايوه و يوم لا ؟

أوكسي حبيبتى ازيكبصي ياستى انا عملت حقن مجهري لانى كنت لما باخد منشطات علشان التكيس وكده بيطلع لي بويضات حجمها كويس وكثيره وطبعا جربت كللل حاجه وعملت تلقيح صناعى 7 مرات وطبعا محصلش حمل غير مره واااحده ونزل في اخر الشهر الثانىالمهم لما نزلت مصر ورحت لدكتور في القاهره قالولى انتى كده جربتى كل حاجه لازم تجربي الحقن المجهري كتطور طبيعي للخطوات اللى مشيتها بسعلشان كده عملت وكل الخطوات مشيت تمام بس محصلش حمل وفي اجنه مجمده هناك لسه مش عارفه هنزل امتى ارجعهم في الرحم خصوصا انى مش عارفه اخس خااااااالص ومحبطه جدااااا

حبيبتى رأى كوكر بردة كويس .. بس انا رأيى انك تعملى تحليلك فى اليوم بتاعه فى مبرة العصافرة بس تعملى تحليلين واحد عادى والتانى رقمى التحليل العادى علشان تعرفى وانتى واقفه ان كان فى حمل ولا لا وبأمر الله لما تطمنى وتكونى حامل يبقى اعملى الرقمى .. لو مش طلع فى حمل فى التحليل العادى يبقى تصبرى يومين كمان وتعيدية بس تعملى ساعتها الرقمى فاهمانى والتحليل العادى مش هيغلط خالص يااوكسى وهيكون دقيق بأمر الله .. وبصى انا عملت ايه .. لما جه معاد تحليلى عملت تحليلين فى نفس اليوم واحد يبين فى حمل ولا لا والتانى رقمى .. وعرفت من الاول انى حامل واخدت النتيجة وانا واقفه طبعا ودكتورة التحاليل قالت لى اكيد حامل بدون شك .. بعدها طلبت انى اعمل الرقمى واستلمته تانى يوم .. وفى النهاية القرار ليكى ياحبيبتى وعلى فكرة الصبر فى الامور دى واجب جدا انا كمان صبرت كتير اوى ومش هتصدقى انا قعدت تقريبا اسبوعين بعد معاد البيريود وكان زوجى هيتجنن بس صبرت علشان لما اخد النتيجة يكون مفيهاش شك من اى ناحية وعلشان مبحبش احط نفسى فى موضع الشكوك .. وان شاء الله يا اوكسى تكونى حامل ياروحى

انتى تايهه اوى يا هدى .. اهدى كده وركزى دلوقتى انتى فى اليوم الكام اصلا .. وبعدين ازاى بتاخدى تنشيط وتقعدى خمس ايام كاملين بدون متابعه !!!
انا تابعت ياحبيبتى كل يوم فى التلات ايام بتوع التبويض .. وكنت واخده منشط عادى مش كنت بعمل عملية زيك ..
وليه بويضاتك ضعيفه اوى كده ؟؟؟ برغم انك قولتى ان مش عندك تكيس وانك تمام يعنى المفروض مع التنشيط اللى اخدتيه ده كله تبقى طلعتى بويضات حجمها كويس احسن من ده بكتير
ده اولا ثانيا ياحبيبتى بعد البويضة ما بتخرج بتسيب وراها كيس وبيبان فى السونار انه الجراب اللى كانت فيه البويضه مش البويضه وبيتعرف طبعا ان البويضه خرجت من الكيس او الجراب ده ده لان شكل الكيس مش بيكون طبيعى وبيكون مختلف عن شكلة لما بتكون البويضة فيه .. فاهمانى .. علشان كده لما تعملى السونار بعد خروج البويضه المفروض ان الدكتور يعرف ان كانت خرجت او لا ولانى عملت السونار ده فى مرة بعد خروج بويضه من البويضات وشفت الكيس والدكتورة بتاعه السونار ورتهولى وشرحت لى الكلام اللى قولته لك ده ..
مش عارفه اقوللك تعملى ايه بصراحة انتى مشيتى خطوات ملخبطة ومش مترتبه .. ومش عارفه تعملى ايه .. ياريت حد غيرى يفيدك انا قولت لك اللى اعرفه