شاركي في النقاش

سجلي الدخول لإضافة تعليق.

التعليقات

1,042
  1. @hbh_aabd_alaathym

    حبيبتى سكره
    ميرسى جدا يا قلبى على الشرح هعد احاول كده ان شاء الله بس على موضوع ثانى بقى لان ده خلاص مع نودى وانا متفائله بمكانه ده متشكره جدا لتعبك
    وانا حلوه يا شباب الحمد لله ما تقلقوش عليا
    بس عرفت غلاوتى

    وانتم غالين جدااااااااااا ومعوضنى بجد
    ربنا سبحانه وتعالى اهداكم ليا

    الحمد لله رب العالمين

    شباب ماسنجر امبارح







    بووووووووووووووووووووووووووووسه كبيرررررررررررره



    ام سلمى الى تبعنا هتروحى هيبر طب خلاص يالا بقى وقولى لنا؟

    انا بقى رحت كارفور بتاعنا اقولكم ؟؟
    جبت لكم اخبار تجننننننننننننننننننننننننن
  2. ام باسل*
    السلام عليكم ورحمه الله وبركاته مبارك الجزء الجديد ودوما مجتمعين اخوه فى الله متحابين فى جلاله ندعوه الرحمن الرحيم ان يظلنا فى ظله يوم لا ظل الا ظله اولا جزاكم الله خيرا جميعا على سؤالكم عنى والحمد لله اولادى وانا بخير والحمد لله ارحب بكل…
    ازيكم يا بنات عاملين ايه rhomaانتى كمان وحشتينى جدا ربنا يخليكى

    ام احمد انتى اللى منورة وان شاء الله مش هغيب عليكم تانى انا جبت من السياحة والتسوق حاجات جميلة جدا واسعارها معقولة اى واحدة عاوزة تسال عن مفارش السرير او الصينى او اى حاجة تسالنى وانا هاقول لها ان شاء الله وسلامى ليكم كلكم:kiss:
  3. @umhabeba

    reemahmed
    ازيكم يا بنات عاملين ايه rhomaانتى كمان وحشتينى جدا ربنا يخليكى ام احمد انتى اللى منورة وان شاء الله مش هغيب عليكم تانى انا جبت من السياحة والتسوق حاجات جميلة جدا واسعارها معقولة اى واحدة عاوزة تسال عن م…
    هى الظاهر بقى انها عدوى وهاعمل زيكم :hahaha:
    اديها دش ورغى
    la rosa
    ميرسى جدا جدا حبيبه قلبى على ردك واهتمامك الله ينولك كل اللى تتمنيه يارب هانتظر الصور بفارغ الصبر وياريت كمان تقولى لى على المحل اللى فى روكسى
    واسعاره وعنده ايه كمان معلش هثقل عليك اعمل ايه انت الوحيده :heart:
    don
    ,الله انت دمك خفيف وزى السكر اديها ياستى شباشب على كيفك مش اسمك لوحده اللى المفروض اعدى عليه ولو انى مش باقدر اعدى على اى حد ههههههى
    هبه عبد العظيم
    ولو انك بتتريقى على صح بس المهم انك عبرتى الدنيا منورة بيكم :D ايه رايك؟؟؟؟؟
    وكل اللى حلقولى :232: برضه ميرسى
    مش عارفه لو كنتش باجرى ورى حبيبه وساره طول اليوم وابوهم كمان احيانا
    يمكن والله كان الواحد يبقى له نفس يرغى معاكم
    يالله زمان
  4. ام حبيبة دخلتي بس قولتي مش عاوزين رغي ودردشة وبعدين لاقيناكي فتحتي علي الرابع مش مهم الكل في الاول بيقول كده وبعدين مش بيعرف يمسك لسانه

    المهم انتي نورتي انتي وحبيبة وسارة بس وحياتك بلاش تطيري شباشب الله يكرمك عليهم لحسن احنا مش ناقصين مش قصدي حاجة يا دون انا بس باحذر عشان الكل يوطي راسه
    ان شاء الله البنات يفيدوكي في الموضوع ده ولاروز اهي قامت بالواجب

    بالنسبة بقي للدردشة احنا بنعمل بعد كل جزء تلخيص ممكن تاخديه من لاروز برضه ده بيكون الخلاصة من غير دردشة
  5. @dh_ahmd_1

    ألف مبروك ياجماعة على الصفحة الجديدة دي ماشاء الله شرحة وبرحه والفيو بتاعها يجنن .. بس مش كنتوا تستنوا شويه على النقل لما البياض ينشف ..

    على سيرة البياض انا كنت عاوزه عنوان الراجل بتاع الدوكو الي دهن الجدران شغله ماشاء الله حلو اوي كنت محتاجاه عشان بقالي مدة بدور على نجار بس يكون معرفه يركب لي البلاطين المخلوعين من جدار اوضة النوم .

    قبل كل حاجه شكرا قوي قوي لكل الي سألوا علي واخص بالذكر تيته بطه وطنط نعمة وجدوا حسنين وعم ابراهيم بتاع الجرايد ..

    سكرة هانم ..

    انا ياستي من محافظة الغربية .. وبالمناسبة دي ابقي فكريني اقولك على موقف حصل لي مرة زمان بسبب حكاية انتي منين دي ..

    هبه..

    والله زمان كان رأيي زي رأيك ده بالظبط لغايه ماحصل لي موقف .. طلبت خدمة من وحده اعرفها خدمتها كتير جدا وتملصت مع انها تقدر تعملها.. فحز في نفسي جدا موقفها .. وقعدت اقول في نفسي نفس الكلام الي انتي بتقوليه دلوقت بالظبط .. بالحرف .. ليه انا دايما اخدمهم وهم لاه .. ليه مبيتصلوش غير لو عاوزين خدمة .. .نفس الكلام .. المهم رحت حالفه وقلت والله ماعدت اساعدهم في حاجه تاني لاهم ولا غيرهم وهبقى زي كل الناس واتبع نفس المنطق .. فوجئت وفي نفس اليوم بناس تانيين تطوعوا لتخليص الخدمة الي كنت عوزاها وكمان لقيوا واسطه تممت لي بقية الاجراءات .. شفتي .. انا كنت محتاجه من قريبتي شئ صغير وهي رفضت فربنا بعت لي الي عمل لي الشئ ده وزيادة كمان ..

    من وقتها تاكدت انه ولو كنت بخدم الناس قيراط فربنا بيرده لي اربعه وعشرين .. مش شرط على يد نفس الناس .. المهم انه بيترد ومن عند الي مبيضيعش حق ..
    هيكون ايه اكتر من ان الرسول عليه الصلاة والسلام قال في مامعنى الحديث .. إن لله خلقا اختصهم لحوائج الناس .. أولائك الآمنون من عذابه يوم القيامة .. وفي احسن من كده جزاء ..

    الخلاصة .. سيبك من كلام الدكتور ( أمبير) وخليكي مع كلام ربنا واكيد هتبقى انتي الكسبانة.. وصدقيني ياهبة .. والله الدنيا لسه بخير ..

    أم حبيبة ..

    والله كلامك صح مية في المية .. انا كنت عاوزه اقول الحكايه دي من فترة بس كنت محرجة اوي وخايفه كلامي يتفهم غلط او حد ياخذه ككلام موجه له شخصيا .. فقررت اسكت خاصة وان الموضوع حساس ويلزمه جراح متمكن .. فعلا ساعات بلاقي صفحة كاملة شات بس والمشكلة مش ببقى فاهمه بيتكلموا عن ايه وده بيخلي من الصعوبة اني اتابع في بعض الاحيان ..

    وعلى هذا فأنا بضم صوتي لصوتك في بقجه وحده وبطالب واناشد السادة المسؤولين عن هذه الصفحة بالنظر في الموضوع بعين الرأفة وأن يشملوه باهتمامهم بما يصب في النهاية لمصلحة الوطن والمواطنين ..

    وعشان نمسك العصاية من النص .. بصوا ياجماعه ارغوا زي ماانتم عايزين ( خاصة ان الواحد اخذ على الرغي وبقيت اول وحده برغي ) بس بشرط ياريت كل مشاركة يكون فيها شئ مفيد .. يعني قولي كل الي نفسك فيه لاصحابك وشاتي زي ماانتي عاوزه بس حطي في الآخر لينك لحاجة مفيدة او معلومة صغنونه او حتى نكتة بايخة اي حاجه المهم متخليش المكالمة تروح هدر .. ولو مفيش في بالك حاجه مفيدة يبقى على الاقل نخلي كل يوم شاته وحده بس لكل عضوه يعني اكتبي كل سلاماتك وتحياتك واحتراماتك في مشاركة وحده وابعتيها وحاولي متبعتيش تاني غير اليوم الي بعده ...

    وبالمناسبة ياجماعه مش عارفه بقالي يومين كده عندي الظاهر فايروس ولا ايه الكيبورد بتكتب حاجات لوحدها كده . .. حاجه غريبة .. ومنها شويه الكلام الي فوق ده دي تصاريف كيبود.. يعني مش مسؤوليتي واعترض عليه جملة وتفصيلا .. وابراءا للذمة فانا سجلت محضر بالواقعه دي 36 أ قسم الخانكة .. ده للعلم بس

    وقبل مانسى .. سؤال والله في بالي من امبارح وانا قاعده اغسل الاطباق كده جالي خاطر .. هي الصفحة دي للعرايس ومستلزماتهم بس ولا ممكن نتكلم فيها عن اي حاجه تانيه مثلا مش شرط تكون تهم العرايس .. بيتهئ لي ممكن صح؟

تابعي تجارب أخرى من هذا القسم.