ياحبيباتى
عقب ماكتبت لكم الرد الاخير
كلمنى المغرب وقال بنطلع قلتله وين قال ما ادري بس اتجهزي بنطلع
قال العيال خلي الخدامات ايسبحونهم وايجهزونهم للنوم وانتى معاي
المهم تعوذت من ابليس وطلعنا بعد صلاة المغرب ،
وين انروح وين انروح ، واعطي اقتراحات
قررنا على موووول دبي الراااااااائع والأكثر من رااائع طبعا يوم السبت والعالم اجازات وحسيت اني مسافره ، رحنا على النوافير الراقصه منظر ولا في الخيال
اخترنا مطعم من المطاعم المقابلة للنوافير والمنظر
اكثر من رائع بصراحة كانت الليلة حلوة
عقب كلمت
ابوي علشان ابغى اسلم عليه تقريبا من 5 ايام ماشفته ، وخلال يلستنا قال جدام ابوي انه بتكون عندة اجازو تقريبا 4 ايام وشكله بيسافر مع ربعة وقال اسم البلد والله انى انصدمت لانه قال بلد ثاااااااااااني وفرحت وقالت الحمدالله انه غير
اووووووووووووف ارتحت اخير
حبيباتى زوجي باجر يوم ميلادة وطلعت البارحة ويا اختى وخذتلة هدايا حلوة وقررت اطلبلة كيكة حلوة هو ايحبها واسويلة بارتى انا وعيالى
على فكرة بتكون اول مره اشارك عيالى في يوم ميلادة
اخليه يسافر واتكدر وإلا شو اسوي ؟؟؟؟
متابعة النقاش، صفحة 5