اللي تعاني من ميلان الفك السفلي وسوت عمليه تدخل الله يحرم وجهها عن النار/ قديم

في دكتور تقويم بالرياض غير عبدالله الدريس .. لان اقرب موعد بعد شهر ..

قلت استغل الفرصه لوجودي في الرياض هالفتره ..

وشدل تنصحون ؟؟ انصحك بالدكتور عادل الهدلق في عيادات ايمح اكثر من رائع والله هذا عن تجربه كما ذكرت سابقا

مركز امج

4836060

اي الادريس والنوح مع بعض على طووول واذا حولووك لمستشفى خالد الجامعي
النووح يتكل على واحد مصري اسمه (وليد عبدالله) محترم هالادمي مررررررررررررررررره


وانا مع الي يبغا يغيرووون الموضووع

السلام عليكم ...كيفكم بنات ...

بنات مشكلتي انا عندي بروز في الفك العلوي ...كنت اراجع عند مستشفى الملك فهد بالحرس الوطني ...المهم قال لي الدكتور انه عندك بروز بالفك العلوي وراح نركب لك التقويم لمدة سنه اوسنتين ...وبعدين نجري لك العمليه ..بس مو الحين راجعين اذاا توقف النمو عندك يعني بعد خمس سنوات ....وانا خفت من نتايج العمليه لاانه كسر للفك العلوي .. المهم انا مااعجبني انه اصبر على كذا ...لين خمس سنوات ...فطلعت ورحت مستشفى التخصصي ونفس الكلام لاكن يقول انه في امل بالتقويم يرجع ورحت كذا مستوصف ونفس الكلام واغلبهم يشجعوني على التقووويم ...

المهم ركبت التقوووووويم في مستشفى خاااص على حسابي بدون اني ابلغ الدكتور اوخلي الدكتور يتفق مع اللي بمستشفى المللك فهد عشان العمليه ..وصار لي فيه ثلاث سنوات ..صحيح اسناني تعدلت والفك رجع بنسبه85 % بس مااعجبني انا ابغى اسناني تصير متطابقه والفك العلوي يصير مطابق للفك السفلي يعني نفس المستوى ...

وودي ارجع مره ثانيه للمستشفى واسوي العمليه ومحتاااااااره ودي اقولهم انه ركبت وكذا عشان على طول يسون لي العمليه ...

فـ أبسالكم ...فيه وحده سوت هالعمليه ونجحت وعند أي دكتور في مستشفى الملك فهد بالحرس الوطني في الرياض ... واذاا كنت انا يعني مراجعه عندهم يعني لي ملف عشان ابوي وكذا ..

اسويها بدون مبلغ ولا ادفع ..؟؟؟


محتاجه مساااعدتكم ...؟؟؟؟اللي عندها خبره وتعرف تقووووول بليز ؟؟؟