احبه ويحبني بس....؟؟؟

والله مادري من وين ابدا بمشكلتي ادري بتقولون تافهه وماتحتاج كل ذا التفكير بس انا حساسه مرررررره :confused: ويمكن هذا اللي متعبني
انا عندي اخو اكبر مني بأربع سنوات :10_1_103v ومن يوم احنا صغار وبينا مشاكل وهوشات :f226: يوميه عاديه زي اللي تصير بين الاخوان بس كنت يوم اني صغيره اقول متى اكبر بس عشان اتخلص من هالمشاكل :16:
لكن والله وهذا اني كبرت انا عمري 18
بس مافيه فايده صح مافيه هوشات وضرب زي يوم كنا صغار بس فيه............
والله مادري وش اسميه بصراحه ماحس انه اخوي ماقدر اسولف معاه لما اتكلم معاه يحاول ينشغل بشي ثاني دايما يحاول يقاطع كلامي ليش مادري؟؟
ولما يسألني يتكلم من طرف خشمه؟؟


احسه يبي يحتقرني وبس

وحاولت اتقرب منه وجبت له هدايا مره لما شرا سياره ومره لما توظف يعني انا حريصه انها ماتمر مناسبه الا وانا استغلها
وهو ولا همه الله يهديه
والله يابنات انا احبه واغليه بس احيانا يجيني احساس اني كرهته لاني مليت من هالمعامله
امي مره سألته ليش محتفظ بالملخصات حقات ثالث ثانوي قال عشان اختي تستفيد منهم عساها تجيب نسبه
ومرره كان يقول لم ابوي الصيف الجاي بسافر انا واهلي بس بشرط اختي تنجح و تجيب امتياز


ليش هو يقول كذا الا انه يحبني :39: بس ليش هالمعامله
ابيكم يابنات تدلوتي على طريقه تقربني منه والله هوغير باقي اخواني هو الوحيد اللي ماكأنه اخوي
حتى عندي اخو اكبر مني بخمس سنوات كأنا اصدقا الحمدالله :heart:
انا لما اشتكيت لوحده من اقاربنا قالت لي طنشيه واذا ناداك اسفهيه واذا سألك لاتعطينه وجه اعتبريه مو موجود بالبيت وبعدين هو بيتسنع معاك
انا ماقدرت اطبق اللي قالته حسيت انه بيبعدني عنه اكثر
اما بنت عمي تقول عامليه كأنه طفل عنيد :baby2:



انتم وش رايكم يابنات حواء ؟؟؟؟

انا مابي اخسر اخوي لانه هو عزوتي في هاالدنيا

27 تعليق 4,448 مشاهدة

شاركي في النقاش

سجلي الدخول لإضافة تعليق.

التعليقات

27
  1. @othab

    شوفي حبيبتي جربي طريقة بنت عمك
    مااقول طنشيه تماما لكن لا تبينين له انك مهتمة فيه
    يعني خليك عادي مثلا لما تجين تصبين الشاهي لاخوانك لا تصبين له
    ولما يقول ليه ماصبيتي قولي : نسيت وصبي له

    وانتبهي ترى فيه فرق بين انك تطنشينه وبين انك تكونين جفسة معه

    وشوفي كيف النتيجة , بعض الناس اذا قربتي منهم بعدوا واذا بعدتي قربوا

    ولا تضنين انه يتعامل معك بهذه الطريقة لأنه مايحبك
    لا , لكن الناس اجناس
  2. @myson_4

    بصراحه معظم السعوديين كيذا للاسف الشديد
    مايبينون حبهم لخواتهم وبعض بالعكس احسن الاخوان
    بس مثل ماقالت وثاب لا تعيرينه اي اهتمام
  3. @orod_bydaaa

    غاليتي اسمحيلي كلامي راح يكون قاسي يمكن لكن في وجهة نظري انه هذي هي الحقيقه

    اختي بقولج شيء ارضي بالواقع ،،، هذي شخصية اخوج ما راح يتغير يمكن لو تزوج تتغير شخصيته شوي ،،، لكن بيظل مثل ما هو مهما حاولتي ،، هو اخوج وهذي شخصيته ،، بقولج شيء اخوج هذا شخصيته ما يهتم لشعورك فهمتي ،، يعني تفرحين تزعلين عاادي عنده ....

    واكبر دليل

    ما ذكرتيه



    شفتي اهتم لأي جانب الدراسه ،،، بس ،،، ما فكر قال ناخذ اختي معانا تستانس لا فكر قال لو جابت امتياااز ؟؟؟؟؟؟؟؟؟

    هالنوع من الشخصيات يهتم بالجانب مثلا العلمي الوظيفي يعني تاخذين شهاده تتوظفين تحصلين راتب ،،، مثل هالنوع من الأمور

    واسمحيلي ولا تزعلي مني تراها وجهة نظر

تابعي تجارب أخرى من هذا القسم.