اولا سلام لاحلى منتدى والصينيه هذي اختراع امي والله كل من ذاقها استغرب الطعم ويطلبونها مني كثير وعيالي ادمان عليها واتمنى انها تعجبكم بس ابي دعوه خالصه لوجه الله انه ربي يشرح صدري وينور دربي بالايمان ويشافيني ويسخر اعيلي وزوجي اسفه طولت عليكم بس والله محتاجه دعوه منكم دعوة المسلم لاخيه المسلم مستجابه:44:
الحين اقول لكم المقادير:cook:
انا المقادير عندي حسب الصينيه وهي بايركس وسط
بيض مسلوق ومقشر ومقطع دوائر
بطاط مسلوق ومقطع دوائر
نصفهم بالصينيه نحط بيض بعدين بطاط وهالشكل حتى تملي الصينيه حبه بيض وحبه بطاط
الحين نحط عليها هالخلطه
نجيب شوربة ماجي ونسويها مثل اللي مكتوب عليها وبعدين نشخلها وناخذ بس الماي الشعيريه مانبيها
نخليها على صوب
نجيب الحين علبة زبده كامله ونذوبها على النار بس انتبهوا لاتحترق
نحط عليها ثلاث ملاعق اكل طحين ونقلبها معاه شوي لحد ميتغير لون الطحين ونقلبها عدل بمخضة الحليب
بعدين نصب عليها ماي الشوربه ونفلبه لحد ماثقل بس مو واجد
نحطها على البيض والبطاط ونرش الوجه بقسماط ونحطها الفرن من تحت بس 10دقايق ومن فوق حتى تحمر وجربوها مع الخبز وادعولي
وان شاء الله اذا اعجبتكم اقول لكم طريقه عيش مشهوره امي فيها وماظن الكثير يعرفها لاني عمري ماذقتها عند احد
شاركي في النقاش
سجلي الدخول لإضافة تعليق.
التعليقات
53مواضيع مشابهة
تابعي تجارب أخرى من هذا القسم.