شاركي في النقاش

سجلي الدخول لإضافة تعليق.

التعليقات

1,514

  1. @mlak_125

    صاحبة الموضوع
    كروشاات محد يعرف خبر عن ام صباح؟؟

    صار لها جم يوم مختفيه وعلى حسب علمي انها دخلت التااسع

    اتمنى اللي تعرف شي عنها تخبرنااا وان شاء الله تكوون ولدت بالسلامه

  3. @ampamp_ord_albhrynampamp

    صباح النور..
    شخباركم بنات؟؟ وشخبارش ملآكـ ان شاءالله تكونين بخير والنونو بخير..

    شكلها ام صباح ولدت ماليها لا حس ولا خبر...

    امس كان عندي موعد بالمستشفى عشان اتطمن على البيبي, ومو بس جذي اول البارحة ولدي سوى جريمة في روحه طاح على الكرسي وتنفخت عيونه وكلش قلبي عورني عليه, والحمدلله جات سلمية وما صاده شي بس نفخ خارجي..
    نصيحة لا تروحين محلات جدعلي اغلبهم اسعارهم فوق, والفلين كلش ما يسوى وتالي ما بتحتفظين فيه.. يعني خسارة بيزات على الفاضي..
    الرفاع عندهم واجد محلات واسعارهم متفاوتة في الغالي وفي الرخيص اذا دخلتين الدواعيس, قلت لش روشان كل مرة بتروحين له بتشوفين عنده توزيعات غير شكل وكل شغلات التزيين موجودة عنده لو حبيتين تشترين وتسوينهم بروحش..
    توزيعات الصابون والبودر مال جونسون ماادري ليش ما حبيتهم, احس كأنه عازمين احد على الحمام!!
    وحطي في بالش انش مو بس بتشترين توزيعات, لازم بعد شوكلاتة بروحها ومعجنات او كيك حق التقديم.. الحين موضة..
    خلني اتاكد من جنس البيبي عشان ابتدي اجهز في التوزيعات على الاقل.. الباقي يهون.. واكيد بخبرش ان شاءالله عن المحلات اللي عندهم اسعار وشغلات حلوة.. بس لا تستعجلين..

  4. @mlak_125

    صاحبة الموضوع
    && ورد البحرين&&
    صباح النور.. شخباركم بنات؟؟ وشخبارش ملآكـ ان شاءالله تكونين بخير والنونو بخير.. شكلها ام صباح ولدت ماليها لا حس ولا خبر... امس كان عندي موعد بالمستشفى عشان اتطمن على البيبي, ومو بس جذي اول البارحة ولدي سوى جريمة في روحه طاح على الكرسي…

    هلا والله حبوبه

    انا الحمدلله بخير و ان شاء الله ما يشووف شر ولدج والحمدلله انها صارت نفخ مو شي اكبر :( مسكين حطي له عليها كمادات

    محل روشان هذا اسمع عنه بس ما دله حبوبه اذا ماعليج امر وصفي لي مكانه او عطيني رقمهم اذا تعرفينه
    انا مفكره اسوي 30 حبة مراضع داخلهم حلاوهـ للصغار لانهم يحبوونها :42: و اعتقد 30 حبة بتكفي لان احناا ماعندناا وايد صغار بالعائله :(

    وبسوي 100 حبة كاكاو للكبار ويمكن اكثر من 100 بعد مادري لحين ماقررت

    واحب اقولج حبوبه اليوم كنت في رامز :42: وشفت عنده سلال تنفع للتوزيعاات صح شوي صغنونه يعني مو داك الزوود حجمها بس مزينه فيه وردي وفيه ازرق و بـ900 فلس بس :icon28: وانتي ماعليج الا تصفين فيهاا الحلاوة المزينه واذا تبين تقدرين تلصقين دبدوب صغنون في السله وتسوين فيها حركاات انا فكرت اخذها حق اصف فيها المراضع الي ابي اسويهم لانها تشيل تقريبا 15 حبه و اله انتي شرايج؟؟:42:

  5. @am_aalaaaaaaoy_1

    سلااااااااام
    هلا وغلا بكل الكروشات والله يعينكم

    عزيزتي ملاكـ رحت قبل ليلتين الى محل بيبي بورن وعجبني شغلهم
    ركزت اكثر شئ على شغل سرير الطفل الي بستخدمه في بيت ابوي
    اني خذيته من مذركير بس القماش ما عجبني وابغي اسوي لي طقم كامل

    كان حلو شغلهم قال لي اذا الستاند من عندي يصير ب30 واذا الستاند من عنده ب25
    عاد اني استغربت احنا مشترينه من مذركير ب28 و عند بيبي بورن يساوي 5 ادري على
    حسب النوعيه والماركه بس لو دريت ما خذيته من مذركير

    بس بعد ابغي اروح النجم الجميل اجوف شغلهم شلون وهذا الي بالمنامه قلتي عنه ما ادلي
    المنامه وزوجي اكثر شئ كل مشغول ويا دوب نطلع نقضي لنا كم شغله بعد مالي خلق افتر
    ادور بأي داعوس بالمنامه

    وابغي اروح بعد قطايف الي قلتوا انه بالرفاع علشان اشوف اغراضهم وسوق واقف بعد ولو
    اني شفت محلين بسوق واقف ولا عجبني شغلهم

    ويعطيج العافيه وما تقصرين حبوبه تعبناج معانا

    بعدين تعالوا شنو سالفة المنتدى اول امس كل ما ابغي اشارك ما يصير
    يقول ليي شاركتين اكثر من 3 مرات خلال 24 ساعه وما يصير تشاركين
    الا لما تمر على مشاركاتش 24 ساعه ليش ويش السالفه انتون بعد جذي؟؟

    صراحه تضايقت لاني كنت ابغي ارد على ملاكـ و اول مره اجوف نظام جذي بالمنتديات
    ولا اقدر ارسل رسايل الى الاداره فأذا تعرفون شنو السالفه انقذونا

    والله يعطيكم العافيه

    والله يعينا على التوزيعات اكو نتابع بصمت ونسجل الاماكن ونشوف بعد ما نفرغ من البيبي ومن نفسنا
    رغم ان وايد شاغلتني سالفة التوزيعات احسها هم على قلبي خصوصا ان اول مولود وبيولدون
    معاي ثنتين او ثلاث من اهلي وتعرفون الناس تقارن واني الوحيده بكر فيهم فلازم اسوي شئ
    يليق بالبيبي

    وانتوا ما راح تقصرون

تابعي تجارب أخرى من هذا القسم.