السلام عليكم ورحمة الله تعالى وبركاته
اخباركم اخواتي نتمنى تكونو بخير
قلت نغيب عليكم نشوف واش غادي تتوحشوني او لا زعما بغيت نشوف محبتي هههههه
المهم بنات راه ما بقى والو يوصل عدد الردود 1500 ان شاء الله شكون غادي تفتح التجمع الجديد ؟؟؟ لعل وعسى يكون على ايدها الخير
وتكثر الافراح بالتجمع القادم ان شاء الله
اولا نباركو لاختنا لطيفة ومبروك ما تزاد عندها الله يسعدها ويهنيها يارب ويقويها على تربية الصحيحة ان شاء الله
وعقبال ما نفرحو باختنا نادية وكل الاخوات ان شاء الله
بالنسبة لاخباري اليوم اول يوم للدورة الله يكرمكم من بعد الاجهاض وحمد لله على كل حال
صراحة احساسي اليوم غريب عجيب ماعرفت كيف دايرة نفسيتي اللهم لك حمد على كل حال ويارب يعوضنا في القريب العاجل
هدى: الله اكبر يا اختي فاجئتيني صراحة كي قريت انك الزوجة الثانية والله ما كنت نتمناها ليك لاني عارفة هاذ المجتمع كيف داير
ربي يكون في عونك وصافي وبما ان راجلك مزوج وعندو اولاد فغير نساي انو يدير تحليل لان ديما غادي يقول لك راه عندي اولاد
الله يكون في عونك ويكتب لك الي فيها الخير
ام هبة ربي يخليك اختي ولهلى يخطيك ازين ديما مفكراني بارك الله فيك
يارب يا اختي نفرح بك في القريب العاجل ونشوف وليداتك بين يديك
نصيحتي ليك الرقية ثم الرقية ثم الرقية وسورة البقرة يوميا لمدة 40يوم عارفة غادي تجيك صعيبة في الاول
غير عمري النية وتوكلي على الله وربي يسهلها ليك ان شاء الله
شوفي شحال تنضيعو وقت كثير في الحياة وممكن تكون ساعة في النهار بقراية سورة البقرة يكون فيها فرج لنا
الله يدير لك الي فيها الخير
حبيبة : اختي سمحيلي غبت وما جاوبتك على اسئلتك خاصني جلسة معاك باش نشرح لك مزيان التحاليل والهرمونات
المهم اختي الكينة الي عطاتك الدكتورة مزيان غير العيب ديالها هي الاعراض الجانبية دوخة والعصبية والقلق واحيانا حتى التقيؤ
كنت نفضل انها تعطيك دوفاستون لان ماعندو حتى اعراض جانبية وطريقتو نفس طريقة الكينة الي وصفت لك
ولكن كنعتقد ان ثمن ديالو شوية غالي حوالي 80 درهم واكثر
بالنسبة لتحليل التبويض كيكون في اليوم 21 من دورة انا كنت في المغرب كنديرو مباشرة في المختبر غير كنت ندخل على دكتور مختبر وهو يكتب ليا الورقة كيف تحليل الي دار راجلك
ماعرفت واش عندكم لازم تجيبي ورقة من عند طبيبة هنا لازم نجيب ورقة من عند طبيبة لان ماعندهم مختبرات مستقلة كلها بالمستشفيات
هاذ تحليل كيبين لك واش حصل عندك تبويض او لا يعني واش مبايض ديالك كتنتج بويضات ناضجة صالحة للتخصيب
واحد حاجة اخرى قولي ليا كيفاش شخصتي بان عندك تكيس وانتي ما عمرك درتي تحاليل هرمونات
او فقط شخصتيه من عدم انتظام الدورة او سبق درتي سونار وقالو ليك عندك تكيس على مبايض!!!!
بصراحة استغربت لان تكيس ماشي غير عدم انتظام الدورة الي يدل عليه كاين اشياء كثيرة تسبب عدم انتظام الدورة
من غير التكيس
المهم انتي شرحي ليا حالتك مزيان وانا ما غادي نبخل عليك بالي كنعرف وعيوني ليك ازين
والله يفرحك يارب في القريب العاجل
بعمرانية على سلامة اختي شغلتينا عليك والله حتى سولنا فيك نتمنى تكوني بخير ويارب يرزقك بالذرية الصالحة في القريب العاجل
انه على كل شئ قدير
ميار: مرحبا بيك بين اخوات اختي في الحقيقة صعيب الواحد يعطيك نصيحة في حالتك لان الوضع ديالك شوي معقد
الله يفرج همك انا حاجة الوحيدة الي نقدر نقول لك فكري مليون مرة قبل ما تاخذي اي قرار واستخيري
بالنسبة ليا اذا مزوجة راجل يسكر وما يصلي انا شخصيا نمنع روحي من الحمل مني ماشي نقلب على الحمل
لاني غادي نفكر في اولادي وحياتي غذا قبل ما نفكر في غريزة الامومة
اش ذنب الاطفال الي غادي نولد ونكرفسهم مع اب غير صالح يكون مسؤول او قدوة ليهم
طبعا هاذا رأيي شخصي وماشي بظروري تاخذي به غير شرحت لك وجهة النظر
لان كل واحد فينا عندو ظروف الله العالم بها اكيد الي مصبرك عليه غير ان عندك اوضاع اصعب من الي انتي عايشاها معاه
مانقول ليك غير الله يكتب لك الي فيها خير
وماغادي ننساك من الدعاء في ظهر الغيب
بقية البنات سلامي ليكم كاملين سمحولي ظهري ضارني بزاف ما قادرة نطول في جلسة
ღ¤ஐﻬ تجارب وخبرات متبادلة بتاخر الحمل بالمغرب العربي ﻬஐ¤ღ (( الجزء الثاني))
متابعة النقاش، صفحة 296