السلام عليكم ورحمة الله وبركاته ..
كيفكم حبيباتي ان شاء الله بخير ..بقولكم مشكلتي وان شاء الله تعطوني رايكم .. هل انا الغلطانه ولا هي ..؟؟
كانت لي جاره طيبه تزوجت وجات للشرقيه وهي عروس وتعرفنا عليها انا وجارتي الثانيه ..وهي ساكنه في الحاره جمبنا ..وهي طيبه وحملت وجابت ولد ..ومر على تعرفنا عليها سنه تقريبآ وبعدين جاهم نقل للجنوب منطقتهم ..وحزنا على فراقها ..ونقلت وتواصلنا معاها بالمكالمات والرسائل ..وكانت ترسل لنا صور عيالها ونرسل لها صور عيالنا يعني ماشاء الله كنا سمن على عسل ..وفي يوم من الايام غيرت جارتي رقم جوالها لرقم جديد وارسلت لي رساله تقول هذا رقمي الجديد ..وبقي رقمها القديم مخزن عندي ..وماقالت لي بأن رقمها القديم أعطته زوجها وبقى رقمها القديم مخزن باسمها في جوالي ..وفي عيد الفطر الماضيه ارسلت لها رسالة تهنئه بالعيد على رقمها القديم والجديد وماكنت ادري ان رقمها القديم مع زوجها ولا قالت لي ابدآآآ .. :mad:
المهم ثاني يوم جاني اتصال من رقمها القديم الظهر الساعه 11 وانا كنت نايمه ومارديت ..والعصر صحيت وشفت رقمها وقلت فلانه وش تبي ورجعت دقيت عليها ورد زوجها وانفجعت وقلت هذا رقم فلانه قال دقي على رقمها الجديد ..ورجعت دقيت على رقمها الجديد ..وكلمتها عادي وقلت لها جاني اتصال من رقمك القديم الظهر وانا نايمه ورجعت دقيت ورد علي زوجك ..قالت انا أعطيت رقمي القديم زوجي قلت لها الله يهديك كان قلتي لي من أول كان مسحته من عندي قالت حصل خير ..وقلت لها مين اللي دق الظهر لأن الاتصال جاني من رقمك القديم وانتي تقولين مع زوجك قالت ما أدري ..وقلت لها تراني ارسلت رسالة تهنئه بالعيد على ارقامك وماأدري بأن القديم مع زوجك قالت لي عــــــادي كثير يغلطون ويرسلون عالقديم ..قلت حصل خير وكلمتها وعادي كنا نضحك ومبسوطين ...وقفلت الخط ..
وشكلها راحت وقالت لزوجها ليش دقيت على صديقتي اللي هي انا الظهر ..وشكلها اتهاوشت معاه ..بعدها بساعه رجعت دقت علي وقالت لي اسمعي يافلانه زوجي يبغاني أقاطعك وما أكلمك ويقول انك مش كويسه ..انا هنا انفجعت وقلت لها ليه ..قالت يقول لي انك اتصلتي عليه العصر ...قلت لها وقفي ..الرقم القديم ماهو رقمك ..قالت لي نعم رقمي واعطيته زوجي قلت لها انا ما أدري بأنه مع زوجك والخطأ عليكي لأنك ماقلتي لي بأنه مع زوجك ..وبعدين قلت لها مادام رقمك القديم مع زوجك مين اللي دق الظهر علي منه ..قالت ماأدري قلت لها أجل زوجك اللي داق وانا قمت العصر وشفت رقمك ودقيت أحسبه انتي داقه من رقمك القديم طلع لي زوجك ..وش يبي زوجك يدق الظهر ..؟؟ قلت لها اسمعي يافلانه انا انسانه بنت رجال ومحترمه وماني راعية هالخرابيط ماسويتها في مراهقتي عشان اسويها وانا متزوجه وعندي طفلين ..وقلت لها كلام زوجك عني كبير وفيه حق ..لانه اتهمني وهو اللي دق من رقمك الظهر ..وكمان انتي غلطانه ماقلتي لي بأن رقمك القديم اعططيتيه زوجك ..كان مسحته نهائيآ وهالحين جايه تقولين زوجي يقول عنك مش كوسه ..وقلت لها خلاص علاقتي فيك انتهت نهآئيآ ولا أعرفك ولاتعرفيني ..:44:
عشان تتأكدين انتي وزوجك انكم ظلمتوني وانا انسانه أخاف ربي وماعمري جرحت أحد ..وقلت لها حصل خير وخلاص اللي بيننا انتهى ..ووالله يابنات انه يحز في نفسي فرقاها واني ماأكلمها بس وش اسوي اتهمني زوجها ..وهو اللي داق من رقمها القديم ..وانا مثل أي وحده يكون عندها رقم صديقتها القديم فكرتها هي داقه علي وماأدري بأن الرقم مع زوجها لأنها ماقالت لي بأنه معاه ..
وهالحين هي جايه زياره للشرقيه وبتمر على جارتي الثانيه يومين وتسأل عني وتقول لها وين فلانه خليها تجي بشوفها تقصدني ...وتبغى تشوفني اذا جات للشرقيه وش رايكم اقابلها بعد اللي سوته فيني ..وبيني وبينكم نفسي أقابلها لاني سامحتها وماعمري شلت في خاطري على أحد...وزوجي يقول اذا كلمتيها أو رديتي عليها ياويلك ..لأنه كان جمبي يوم تخاصمت معاها بالتلفون وكان يبغى يدق على زوجها يقول له وش تقول على زوجتي ويهاوشه بس ..أنا منعته هذاك اليوم لأني ما احب المشاكل ..والله يستر عليهم
ابي رايكم اقابلها اذا جات للشرقيه عند جارتي الثانيه ...لانها تسأل مني ..وجارتي الثانيه تدري بالقصه وقلت لها وتقول لي خلاص قابليها عندي وقولي لها ليش تسوين فيني كذا ..وانا بقف معاك ...>>هذا كلام جارتي الثانيه ..وش رايكم انتو بالله ..
وزوجي مايدري بأنها جايه للشرقيه وتبغى تقابلني ..والله ماراح يوديني لها ,,عشان أقابلها بس بصرفه بقول له بروح لجارتي فلانه ..وهو مايدري بأن هاذيك جايه من السفر عندهم ..وبقابلها وش رايكم اقابلها بعد اللي سوته فيني ولا لا ..
كل وحده تحط نفسها مكاني وتقول لي وش بتسوي لو هي مكاني ..تكفون ..
ارجوكم ردو ابي رأيكم ..وامي تقول لا تقابليها ...:44:
الموضوع مغلق