السلام عليكم ورحمة الله وبركاته
اول شي انا دخلت الشهر العاشر يعني عوشرت احذت 12 يوم رحت يوم الخميس المستوصف قالت وضع البيبي تمام لكن بسوي لك تحويل على المستشفى اللي تبين تولدين فيه عشان يتابعون حالتك ويولدونك بالطلق الصناعي انا رفضت وتميت اصيح وقلت لها ممكن تخليني لين السبت هي رفضت بعد ماشافتني ابكي ومو راضيه اروح قالت خلاص السبت تصيرين موجوده عندهم بالمستشفى قات لها في خطر اذا تاخرت قالت لا بس احتمال يقل المويه المهم طلعت من عندها ورحت مستوصف ثاني قالت لي نفس الكلام طلعت من عندهم ورحت اتمشى بالممشى بعدين رجعت بيت هلي جاء يوم الجمعه رحت اتمشى وزوجي مصرعلي انه يوديني المستشفى وانا خايفه مره بكيت ومانفع البكى وداني غصب علي ورحت مستشفى الخاص اللي ابي اولد فيه بعدين ودوني على طول غرفة الولاده مافيه تفاهم وشافة حالتي الدكتوره المناوبه قالت تنويم وبكره يجي الاستشاري ويقرر انا عييت ومارضيت اتنوم طبعا كان الجمعه ومافيه دكاتره وبنتظر لين بكره المهم طلعت على مسؤليتي ورجعت من بكره لصباح اللي هو يوم السبت ويدخلوني غرفة الولادة بعدين قالت لي السستر روحي للدكتوره تشوف حالتك ورحت لها العياده انا وزوجي وقالت ان شاء الله راح نحط لك طلق صناعي قلت اوكي قالت ولازم توقعون على قيصريه قلت لا وزوجي عيا انه يوقع وتمينا نرفض وقالت لازم اجل نتفاهم مع الاستشاري ودقت عليه وصار بغرفة العمليات يسوي قيصريه وتمت تتصل عليه وهو بالعمليات المهم استاذن وطلعنا من عندها وتمينا بالسيب جالسين نفكر وقال زوجي:arb: اوديك مستشفى الحرس قلت له اخاف منهم :44: لا ماابيهم وبعدبن قلت له ودني الولاده بس ترى انا اول مره اجرب مستشفى الولاده لاني اخاف منهم على مااسمع من الناس المهم طلعت وبعدين بنروح الولاده خفت ودقيت على اختي وراحت معي وبصراحه كان الطوارء مليان وزحمه سوولي اللازم وحجزوني وبعدين رحت لغرفة التنويم وركبوا علي التخطيط حق الجنين وطول الوقت ماسوو شي غير كذا وقالوا لي بكره ولاده يعني يوم الاحد واقعد احاتي وخايفه موت وقالو الصباح جا الاحد وانا احاتي جاء الصبح واستنى الدكتور اللي قالوا بيجيك ولا جا واسال عنه وقالوا بيجيك وانتظر الظهر الا جا الساعه وحده وشافني وقاسني وقال ده مفتوح 1سم خلاص على بكره انتي والد قلت وانا ابكي لا تعبت من تالانتظار وانا خايفه احاتي الولاده ابي افتك وانت جاي تحط طلق صناعي يادكتور حط لي وحط لي تحميله وبعدين الساعه 7ونص حط تحميله ثانيه وبديت اعفر من الالم وهلكت هلاك ومتحمله جات تاساعه 11 وجات سستر قاسته قالت 6:icon28:سم ونزلوني غرفة الولاده ودوني غرفة التحضير وانا ماادري وش هالغرفه فيها سراير كثيره وفي وحده تطلق معي وتصارخ صراخ وانا افكر انهم يولدونها طبعا بينا ستاير وانا اتلم وكاتمه نفسي المهم اخر شي حسيت بشي زي البراز (عذرا)والم شديد واصرخ براز وينقلوني بسرعه على السرير ويودوني غرفة الولاده وتقولي السستر خوذي نفس وادفعي وانا احاول بس ماهنا قوه المهم بعد عدة محاولات صرخت صرخه:09: دينصوريه متواصله والا تقول هذا في راس يطلع والحمدلله طلع ورتني اياه وقالت ولد شوفيه وبعدين حطته بسرير الاطفال طبعا هذا تقريبا الساعه 1وربع ليلا يعني دخلت بيوم الاثنين والحمدلله عدت على خير بس مت من البرد :icon33:مولعين المكيفات حسبي الله عليهم من سسترات
طبعا طول ما انا موجوده بغرفة متنوه وانا اقرا ورد تسهيل الولاده وانفخ بمويه وامسح على بطني
اليوم لي 13 من النفاس :26:
مبوك لي ولام لين اللي اسبقتني وسوتها بس اشوى اني مادريت الا بعد ماصرت اطلق وصرت متحمسه للولاده اكثر
شاركي في النقاش
سجلي الدخول لإضافة تعليق.
التعليقات
87- مبررروك ماجاكي .. والحمدلله على سلامتكـ ...
ويتربى بعزكم إ ن شاء الله ..
بارك الله لك في الموهوب وشكرت الواهب ورزقك الله بره - مبرووك والحمد لله على السلامه ومبروك المولود
- ألف مبروك والحمدلله على سلامتك وسلامة البيبي وعقبالي وعقبال الكروشات
- الف مبرووووووك..والحمد لله على سلامتك...
بس ياليتك كبرتي الخط..تعبت وانا اقرأ... - مبررروك ماجاكي .. والحمدلله على سلامتكـ ...
ويتربى بعزكم إ ن شاء الله ..
بارك الله لك في الموهوب وشكرت الواهب ورزقك الله بره
مواضيع مشابهة
تابعي تجارب أخرى من هذا القسم.