ابغى حل سريع ....انقذوني ادخلوا لا زم

اول شي احب اسال عليكم واقولكم مشكلتي الله يكرمك عندي السوس ذبحني مليان في الادراج ودواليب المطبخ نظفت بالكلوركس ومطهر العملاق وبرضوا ماراحت المصيبه الكبيره دخلت في البهارات وهي مقفله كيف مدري الله يسعدكم اللي عندها حل تخبرني لانه حرام البهارات والدقيق كله رميته وهو جديد ابغاكم منكم حلول لوتكرمتم وتجاربكم ولا تسفهوني ولابزعل انا جيتكم لاني عارفه انوا اخواتي ماراح ينسوني وكلنا هنا اكيد يد وحده

15 تعليق 1,473 مشاهدة

شاركي في النقاش

سجلي الدخول لإضافة تعليق.

التعليقات

15
  1. @halh_2_1

    الله يكون بعونك يا غالية
    اظن دولاب المطبخ عندك خشب نوعيته غير جيدة علشان كدة يجيه سوس .
    بالنسبة للبهارات ضعيها في الفريزر وطلعي فقط للإستخدام اليومي وماتظل خارج الفريزر وقت كثير وكدة بتكون اجود وما بيطالها السوس وخاصة لو كنتي ساكنة في منطقة ساحلية مثل جده .
    حبيت ادخل واعطيكي الي اعرفه وارفع الموضوع لأحد يفيدنا اكثر .
  2. عندي نفس المشكلة ودواليبنا ألمنيوم وسكنة في جدة .. والسوس جاب لي المرض والقرف ما خلا شي مانخره .. وكمان عندي مشكلة النمل جايب لنا المرض .. آخر شي نخر الجبنة الكيري وماقصر السوس دخل من الفتحات اليي سواها النمل وعفنت الجبنة وطلعت فيها ريحة ماتنوصف وطلعت فيها يرقات السوس ......... منتهى القرف يومها جاني غثيان الين تاني يوم .

    ومرة اشترينا بطاطس وطلعت فيها عتة وكملت الناقص وبهدلتنا مررررة .. جبت لها نفتالين ورميته بين الرفوف وجبت خباطات الديان وصرت كل ما اشوف وحدة طايرة اقتلها وخفت بشكل ملحوظ بس لسة باقية ماراحت .
  3. @fakdh_amha505

    السلا م عليكم انا كانت عندي نفس المشكله وتبهذلت بس دورت في الادراج فلقيت العله في الرز ورميته بعدها الحمد لله مافي اي شيء كنت اتضايق من المطبخ وان احد يشوفه بيتوقع اني وسخه ماانظف بس الحمدلله رب العالمين الحين كلو تمام

تابعي تجارب أخرى من هذا القسم.