اللي تعاني من ميلان الفك السفلي وسوت عمليه تدخل الله يحرم وجهها عن النار/ قديم

مرحبا بنات انا ابشركم رحت للاستشاري بمستشفى الملك عبد العزيز التخصصي بالطايف وطلب مني اروح لدكتور تقويم وبعد مااخلص تصليح اسناني وتنظيفها واركب التقويم وانزله ارجع له واعطاني استماره يعبيها لي طبيب التقويم وعلى اساسها الاستشاري يقرر العمليه ورحت لطبيب التقويم وحولني على الدكتوره وسحبت لي عصب في واحد من اسناني وباقي ضرس واحد فقط يبغاله تنظيف لانه مسوس وبعدها ارجع لدكتور التقويم لانها قالت لي الطبيبه ماشاء الله اسنانك ماتحتاج لاني من زمان منظفتها وحاشيتها ووو ففرحت انها اختصرت لي المده والوقت والان موعدي الثاني لتنظيف الضرس تقريبا يعني شهر ويعطوني موعد مع طبيب التقويم واشوف متى يحدد لي موعد تركيب التقويم بس انا فرحانه لاني باسوي العمليه متشجعه واحس اني خايفه منها واختي دريم بالله كيف كانت العمليه احسك مره متازمه
السلام عليكم

اتمنى اتجاوبوني...

انا الحين سابع اسبوع من العملية

وبعده في انتفاخ بوجهي ...

بعد العملية كان يخف ببطء والحين احسه وقف

هل في امكانية يخف بعدين..

ياليت اللي سووا العملية يقولولي متى خف عنهم الانتفاخ في الوجه بشكل كلي؟؟ والاخت مريم مره خوفتيني لما تقولي ماصار تغير لوجهي وبشرتي انعدمت انتي عفوا سويتي العمليه في كل الفكين ام السفلي فقط ارجوكي طمنيني وبالنسبه للاخت اللي تقول اختها صارت ماعاد تتحكم في ريقها هي ايش كانت اصلا مشكلتها ميلان في الفك السفلي ام ماذا ارجوكي ردي علينا انا جدا متابعه للموضوع وخلي باقي الاخوات يستفيدوا انتي كيف اختي دريم تتحكمي في ريقك ام لا انا اتمنا اسوي تعديل للفك السفلي لان الاستشاري قالي انا دوري اشيل الفك السفلي من مكانه وارجعه لورا ابغا اصير طبيبعيه وماانحرج من فكي واكون واثقه من نفسي ياربي ساعدني

تسلمين @ innocence @ عالافادة.... عطيتيني امل انه يخف .... ****اااااالله يخف ... شكرا

الله يسلمج اختي صمتكـ حديث عيونكـ

مـــريم ..عاد انتي احبطيييييييني اهىء اهىء خاصة يوم قلتيلي ان الدكتور قالج احتمال يتم.. الله يستر

نورانية.. بعد العملية الواحد يقول حق عمره ((اللي يبي الدح لا يقول اح)) يعني الموضوع يبيله صبر وبس وحطي فبالج كل شي عادي وبمر.. اكثر العذاب اهو اول يومين و بعدين العذاب ان الفكين مسكرين وما تقدرين تاكلين وفي الم اذا مسكتي وجهج واذا اتكلمتي كثير يعني الاريح ما تتكلمين الا عالخفيف لان العملية طازه وفي صعوبة فالنوم وبعد اسبوعين الحمدالله كل شي راح الالم وغيره ماشي غير الفكين مسكرين وانتظري لين ما يفتحولج اياه ..الاغلب يكون خلال شهر يفتحونه بعدين يعطونج لاستيكات انتي اتحطينها وعند الاكل اتشلينه... وعن الريق هي في صعوبة اول الايام بس بعدين خلاص...
صدقيني كل شي عااااادي وانا اصلا ما كنت خايفة بالعكس متحمسة والحمدالله كل شي زين والنتيجة مرضية وحلوة ما عدا الانتفاخ اللي فوجهي انتظره يخف هاللي مازمني الحين




انا مو سعودية يعني مو فالسعودية سويته ^ـــ^

انا عمليتي بالفك العلوي فقط... سوولي بعد اكثر من سنتين ونص من التقويم

طبعا كان في اتفاق بين دكتور التقويم والجراح والاتفاق كان ظروري ومهم

الله يسلمج

up

الف حمدا لله على سلامتك يا اخت دريم ياحليلك خلصتي ونحن باقي مشوارنا طويل وفرحتيني الله يفرحك بالمعلومات ولما تقولين النتيجه مرضيه الله يفرج ويسهل لنا زي ماسهل لك ويرضينا ياربي بالنتايج وانتي سويتيها بالحكومي ولا الخاص وهل فقط العمليه بالفك السفلي عندك وهل تشوفين انه فكك صار طبيعي مثل باقي الناس انا اللي خوفتني الاخت اللي تقول اختها تعبت وصارت سنه ماتقدر تتحكم برياقينها فعلا اقلقتني على العموم يعطيكي العافيه ورجاء اختي دريم ابقي على تواصل معانا