((تجمع لأمهات الأولاد المراهقين من 13 سنه الى 18 سنة تعالوا نستفيد))

ارجو من المشرفات مايحذفوا الموضوع نظرآ لاهميته لكل أم عندها مراهقين بالبيت ومعاناتها معهم

ملفنا هذا لتجمع الامهات اللي عندهم اولاد من الفئة العمرية من 13 سنة وحتى 18 سنة

تعرفون هالعمر هذا يعتبر عز المراهقة بالنسبة للولد وفرض الرأي والتسلط واللامبالاة

انا عندي ولدين الله يحفظهم لي يارب ويحفظ اولادكم واولاد المسلمين اجمعين

واحد عمره 15 سنة والثاني عمره 17 سنة تعبوني جدا ومايتقبلون رأيي ودائما طق وهواش مع خواتهم الصغار والمصيبه الأعظم انهم متخاصمين مع بعض مايكلمون بعض صار لهم سنة ونص حاولت بشتى الطرق اني اصالحهم وفشلت الله يوفقكم عطوني حلول

ودائما يحطموني ويفشلوني قدام اهلي وقدام ابوهم على بالهم ينكتون الله يصلحهم

والكبير يبي يسوق سياره وانا رافضه نهائيا وهو يزن علينا الله يهديه

يا امهات نبي نجتمع في ملفنا هذا ونفيد ونستفيد من بعض ونصبر بعض ونطبطب على بعض

ونشوف حلول لهذا العمر الحساس وكيفية التعامل معهم بدون وجع راس ومشاكل

كل وحده تدخل وتفش خلقه هنا ونهون على بعض

57 تعليق 9,408 مشاهدة

شاركي في النقاش

سجلي الدخول لإضافة تعليق.

التعليقات

53
  1. @alhml_alodyaa100

    روووووووعه الموضوع اختي

    ودي والله استفيد
    معي واحد مجنني ومسوي نفس الكلام على اخوانه واخواته اللي اصغر منه
    صحيح عمره اصغر من السن اللي ذكرتيه
    بس حركاته ومعاملته كانه 15 سنه
    ابوه نافخ ريشه علينا

    وتعببببت والله معه

    ياريت اللي قد جربوا هذي الاعمار الحرجه يدلونا على حلول عمليه
  2. @saab_tkrary

    السلام عليكم ورحمة الله وبركاته

    الله يصبرك خبيبتي وصبرني حتئ انا ولدي عمره 14سنه مطلع عيوني يبغئ باي طريقه يفرض شخصيتوا
    بس انا بصراحه خلئ له كلمه في بعض الاموار هذه سن المراهقه متعب
    حبيبتي اكبر غلط انه اولدك مايكلموا بعض لمدة طويله خلي لكي موقف اذا متتصالح انت اخوك انا ماكلم ولا واحد منكم واحرامي الكبير من السياره واصغير احرمي من اي شئ هو متعلق فيه

    تقبلئ مروري
  3. لاتشكين فابكي ..............
    ابني الكبير مناهق .قصدي مراهق .....خخخخخخخخخ عمر 13 سنه وتعالي شوفي المهايط والمشاكل اللي تصيرمع اخوانه اللي اصغر منه وحتى اخوه اللي في ثالث صار يقلده ...........مسوي فيها رجال ....ومشيناها ...مسوي فيها ...زاحف برضه مشيناها ....لكن يتذابح مع اخوانه ويضربهم وهذا اللي ما مشيناه !!!!!!!!!!!كنت باضربه والله مسك يديني واول مرة يسويها ,,,,,,,,يغلط ونزعل منه ويرجع يعتذر بس بعد ايش ؟بعد مااكون مابقيت دعوة شينه الا ماقلتها ........
    ماودي ادعي عليه بس هو ينزفزني مع اني اذا قارنته بغيره اشوف ولدي افضل من المراهقين الاخرين .........الله يصلحه ويهديه
    والله هذي المرحله من اصعب مراحل النمو !!!!!!!!ولكن الله يعديها على خير ويقدرنا لتربيتهم على طاعة الله ورسوله وبر نا عند الكبر ..آمين
  4. @ansanh1

    مانقول غير الله يحفظهم ويهديهم يااااااااااااااااااارب مالنا الا الدعاء الله يصلح ايالنا ياااااااااااااااااااارب

تابعي تجارب أخرى من هذا القسم.