ماشاء الله تبارك الله اللهم لاحسد الله يهنيك ولايغير عليك وحتى انا شرطت بيت شرعي بس سولي شقه فوق بيتهم بس للنوم اما المطبخ معاهم يقلون لين تستقرون بس انا احاول استقل مع انا مانطول اذا رحنا لهم بس والله ماآخذ راحتي خصوصآ ان اخوانه دايم موجدين وكل شويه اطب في واحد واحيانا يتعمدون يدخلون ويسون انفسهم مايدرون بس وش نسوي كلمت زوجي وهو ماهوراضي نستقل لحالنا
هذا اللي يخليني اقول الزواج عندنا عائلي يعني كنك ماخذه العايله كلها يأثرو بحياتك بزوجك بتربيتك لعيالك اللي تبتلى بحموله كذا الله يعينها لازم تكون حازمه وتحط خطوط حمراء ما يتجاوزونها لان غالبا النوعيه هذي تحب تحزن اللي يجيها
لما يقولو اكلك ماصخ جيبي ملاحه وقولي ضيفو حسب الرغبه وكن الوضع عادي لان هدفهم ايثارتك ولما يتمادو قولي المطاعم كثير حسسيهم انه مو همك رضاهم بعدها هم اللي بيدورو رضاك
اذكر عمتي كانت كذا لما اجيب لها اكل تقول اكل فلانه احسن منك وانا انقهر وفلانه رايحه راده بفطور وغدا ولا احترام ولا تقدير
ولما اجيبلها ترده واحنا كل يوم الطباخ علي وحده واقوم اسحب عليها يوم يومين ملت فلانه من صباح الله خير وهي قايمه وانا انام علي راحتي متي ما قمت
وين الفطور ليش ما سويتي قلت راحت علي نومه ليما ياست مني