السلام عليكم..
في موضوع صار لي من كم اسبوع ومن ساعاتها النوم ماجآ عيني قبل 7 سنوات تقريبا" خطبني واحد من قرايبنا وكنت ابيه ويبيني بس ابوي رفض وصارت مشاكل عرفنا بعدها انا مو لبعض هو تزوج والله رزقه بولدين وعاش حياته وانا كنت ادرس ورفضت اتزوج لين اتخرج تخرجت وتوظفت ولله الحمد بس صار اللي ماتوقعته نفس الرجال هذا اللي رفضه ابوي رجع وخطبني لأن الأمور تصلحت مع اهلي واهله من فتره يعني وابوي ماعنده مانع وانا عارفه مارجع وخطبني إلا لأنه للحين يبيني بس ماادري ماابي اظلم نفسي معه وهو متزوج وعنده عيال وماابي اظلم زوجته وبنفس الوقت ابيه والله اني مخنوقه صليت الأستخاره وحسيت براحه بس ماني متخيله بيوم اني اخذ على مره لاوالمشكله اني فقدت الأمل من زمان شوروا علي تتوقعون زواجي منه يسببلي مشاكل ولا اوافق..والله ماادري وش اسوي خواتي يقولون لاتاخذينه على مره انتي توك صغيره انا عمري 27 مااتوقع اني صغيره ..انا مالي بوجع الراس بس والله اني ابيه..
وش تنصحوني فيه؟؟؟انا قلتلكم مشكلتي لاني اشوف تعاونكم مع بعض ياليت اللي حكيمه تشور علي او اللي تزوجت على مره..شوروا علي وش اسوي؟؟
الموضوع مغلق