شاركي في النقاش

سجلي الدخول لإضافة تعليق.

التعليقات

1,350
  1. صاحبة الموضوع
    miro
    دون انا كالعادة متاخرة بس الف الف مليون مبروك مش على الجزء الجديد لكن على نجاحك وقيمتك اللي بتكبر وسطنا :27: بصي بقى عشان الكلمتين اللي فاتوا دول :30: دون بليز ركزيلي على الاكلات اللي مبتاخدش وقت في التحضير والعمايل يعني دقتين واقلب :ic…
    طاجن لسان العصفور بالعصاج

    نص كيلو لسان عصفور (كيس) – 2 معلقة سمنة – ربع كيلو لحمة معصجة بالصلصة
    الطريقة
    نسلق اللسان عصفور زى ما بنسلق المكرونة
    بالضبط
    ونشطفها برضة بالماء البارد
    ادهنى طاجن فرن او صينية بايركس بالسمنة
    نضع طبقة من لسان العصفور و نسويها بالمعلقة
    وبعدين نضع طبقة من العصاج عليها
    ثم طبقة من لسان العصفور (ولو عندك لسة متبقى ممكن تكملى كمان طبقة من كل نوع
    ضعى على الوجة طبقة خفيفة من العصاج بالصلصة ورشة جبنة مبشورة
    ودخليها الفرن يا دوب حتحمر لان كل المقادير مستوية وبالهنا والشفا
  2. صاحبة الموضوع
    انا كلمتها بالتليفون يا مووتى.... حروح اطبخ بقى سلام مؤقت
  3. يا دينا ايه اخبار تلخيصات الجزء الاول و الثانى ؟ احلام خلصتلى خلاص و امتى الميعاد اللى هتتقابلوا فيه
  4. صاحبة الموضوع
    هانت يا وزووزتى قربنا ننزل الاول واحلام تبعتلى التانى حعمل فية حاجات وننزله وراة لان الجزء الاول كان كبير جدا
  5. انتى كل شوية تقولة ها اروح اطيخ وتكتبى رد بعدها


    يالا يا دندونة روحى بقى لاحسن العيال يحطو الكمبيوتر فى الفرن ...

تابعي تجارب أخرى من هذا القسم.