دورة التربيه الناجحه طريق لابناء صالحين ( عالمي يعلمني )

بعد ماخلصت المحاضره
بدوا الاهل يسالون الحرمي وانا اعتبر هالوقت اهم شي لان ممكن نستفيد منهم
من الاسئله
وحده منقبه وتلبس قفازات تقول بنتها دايما تقول لها ليش انا غير عن البنات اللي اشوفهم ليش احنا غير عنهم
رد عليها قال انتي لازم تسوين لها حمايه من داخلها ولاتخلين اي حد يخترق هالحمايه
وقال لها لازم تخلينها تتخلط ببنات نفسها عشان ماتحس انها غير او غريبه
وهو قال في البدايه
ان عقل الطفل مثل الكمبيوتر اللي اول مانشتريه نوديه ونسويله برامج لحمايته من الفيروسات
عقل الطفل نفس الشي لازم نسوي له حمايه داخليه عشان محد يقدر يخترقه ممكن يستقبل المؤثرات بس ماتاثر فيه

قال لازم نعتبر ان هالولد يعتبر صدقه جاريه لنا ولازم نحسن تربيته
وقال
تتمنى ابنك يكون جارك في الجنه
اعمل لهالشي

وهذا جزء من المحاضره ايضا

في بداية المحاضره
قال لنا
عندي طبقين
طبق فيه موز بس وطبق فيه فواكه مشكله ومن ضمنها الموز
اي الطبقين احب لكم
قلنا المشكل طبعا لانه احلى
قال الام اللي تمتلك مجموعة مهارات هي اللي محبوبه
لكن اللي ماتملك الا الصراخ والضرب غير محبوبه
وقال ان التحدي الحين بين الاباء والمجمتمع اللي يعيش فيه الابناء وليس الابناء
ولازم نسوي لهم حمايه فكريه لانها اذا ماكانت موجوده ممكن تتحول المؤثرات اللي تجي لعقل الطفل لسلوك احنا مانرضى عنه
وقال ان قانون القناعات اقوى من قانون العقوبات
يعني اقنع الطفل ولا اعاقبه
مثال
احنا دايما نقول حق عيالنا نبي نشوفكم في المسيد يعني اذا احنا محد الولد ماراح يروح المسيد لان ربطنا هالشي بوجودنا
بس لما نقول له ياولدي انا احب ان الله يشوفك في المسيد يقول اول مايدش ماراح يدور يميمن ويسار يدور ابوه
لا بيشوف فوووووق لانه مقتنع ان الله هو اللي يشوفه

بعض النصائح لزرع الثقه في الابناء

1-ابدال الوصف السلبي للطفل بالوصف الايجابي
2-احبي طفلك واقبليه كما هو
3- اعط ابنك الفرصه
4- اجعل ابنك يعتمد على ذاته
5-احسني الانصات الى ابنك
6-اخبري ابنك بحبك له
7-لاتوجهي لطفلك اللوم باستمرار
8-عدم انتقاد الطفل وانا انتقاد سلوكه
9-اعلمي ان سلوكك هو الذي يحدد سلوك ابنك
10-اظهري سعادتك بما يقدمه ابنك من انجاز مهما بدا بسيطا
11-زرع التنافس البناء في نفس الابن
12-عدم المقارنه بين الابن واخوانه او اقاربه فلكل قدراته الشخصيه الخاصه به
13-اذهبي مع ابنك في نزهه
14-ابتعدي عن العنف والحزم المبالغ فيهما
15-اغرسي في ابنك مفهوم تكرار المحاوله وعدم اليأس
16-مساعدة الابن على تحمل المسؤوليه
17-اهبطي لمستوى ابنك الفكري والعقلي
18-عدم انتقاد الابن وانما انتقاد سلوكه السيئ
19-لاتضايقيه بكثرة التوجيهات والملاحظات
20-مجالسة الطفل للكبار
21-لاتكذبي على ابنك ولاتعديه بشيئ لايمكنك الوفاء به
22-ادخال السرور والفرح الى نفس الابن
23-راقبي ابنك وتدخلي في الوقت المناسب
24-ساعدي ابنك على عمل علاقات طيبه
25-اعلمي ان طفلك ليس لديه نيه للخطأ