صديقتي والزواج

السلام عليكم
اخواتي عندي صديقة عمري مش متزوجه وانا متزوجه وعندي خمسه عيال وعمرها فوق الثلاثين بسنواااااااات مارح اقول كم المهم دايم يجونها خطاب متزوجيين مع ان قبل كان يجون غير متزوجيين وهي ماتبي تتزوج واحد متزوج مع ان اخر واحد كان وايد غني ويقدر يفتح اربع بيوت مش اثنين بس مارضت ومن حقها حياتها بس اللي ودي اقوله جاي لها واحد الحين مش متزوج واكبر منها بسنين بس حالته المادية عاديه بس هي سامعه عن هله انهم مب زينين ودايما مشاكل مع حريم عيالهم مش راضيه حتى تفكر حتى فيه - انا ابيها تفكر في عدة نقاط اولها انها مؤخرا ماجها واحد عازب هالشي مهم بالنسبه لها - ثانيا قتله سالفت اهله محلوله اني فبيت وهم فبيت - وثالثا هي كبيرة ومش راضيه تتنازل شوي لا احلامها نفس بنات 18 ابي حلو وابي غني وابي وابي اي كلنا نبي بس العمر يروح وهي قاعده تتشرط -


اللي ابيه منكم تعطوني طريقه افهمها بالهشي للعلم هي وايد حساسه يعني مستحيل اقولها انتي كبرتي ممكن تنقطع علاقتنا من هالكلمه -ابي كلام حكيم افهمها فيه ياجماعه الخير انا اشوف بنااااااات ياخذون رجال وايد اقل من مستواهم والله يسير لهم وتكون حياتهم زينه
بليز ساعدوني وايد تعز علي هلانسانه

9 تعليق 793 مشاهدة

شاركي في النقاش

سجلي الدخول لإضافة تعليق.

التعليقات

9
  1. @zyn_altbayaa_1

    ادعي لها في ظهر الغيب(لانها مستجابه) وهي لسه نصيبها ماجاء لوجاء رضت من غير شروط صدقيني
    :26::26::26:
  2. @beautiful_girls

    قولي لها الفرصه تجي للانسان مره والعمر يركض غمضي عين وفتحيها تلقين نفسك طفتي الخمسين
    اضغطي وقولي لها انتي بتتزوجيه هو مو اهله
    وش دخل اهله ترفض شاب مايعيبه شي عشان اهله وتعاملهم
    حرام وحده بعمرها وتجي هالفرصه ترفضها يمكن ربي يعاااااااااااااااااااااااقبها
  3. ‏عن ‏ ‏أبي هريرة(رضي الله عنه)قال ‏
    ‏قال رسول الله ‏ ‏صلى الله عليه وسلم ‏"‏إذا خطب إليكم من ترضون دينه وخلقه فزوجوه إلا تفعلوا تكن فتنة في الأرض وفساد ‏ ‏عريض" ذكريها بهذا الحديث وان اهم

    شي اللي متقدم خلووق مالها دخل باهله وبالمعامله الحلوه
    ان شاءالله تكسبهم..خليها تستخير وترا العمر يجري

تابعي تجارب أخرى من هذا القسم.