تتبيلة الشوي اللي الكل راح يسألك عنها وبتاكلون اصابعكم وراها

السلام عليكم ورحمة الله وبركاته :cook:

طبعا الكل يحب يتميز بتتبيلة الشوي وبما إن الكل يحب الشوي وأكله وطعمه وااااااو :27:

هذي اسهل طريقة للشوي ومكوناتها موجوده بكل سوبر ماركت ومره سويناها والكل سألنا عن سر الطعم :35:

واللي تعجبها تدعي لي

أول شي أعصري ليمون واهرسي ثوم في قدر التتبيل مع شوية فلفل اسود وبهاراتك

وصبي شوية زيت زيتون والصويا اللي عندك ومتعوده عليها

الحين نجي للسر الخطير شفتو اللي في الصورتين

وربي اذا حطيناهم في التتبيله تطلع طعم ولا اروع وتحسون بنكهة الشوي جربو ماراح تخسرون شي



الأول ماركة فريشلي وهو سبايسي شوية لكن مو مره وينفع برضو لأجنحة الدجاج وانا احطه برضو مع المكرونه واي شي

والثاني صلصة الباربكيو وانتبهو فيه ثنتين وحده بالعسل ووحده عاديه خذو العادية

اللي بالعسل ماجربتها احسها شوي حاليه
هذولي صبيهم بكميات متساوية على قدر التبيل وحطي الدجاج او النقانق او اللحم اللي بتشوينه
واثناء الشوي خلي عندك فرشة الدهن عرفتوها وكلما قلبتي الدجاج ادهنيها وهكذا الى ان تستوي

والله يوفقكم واستمتعوا بالطعم الرهييييييييييييييييييييييييييييييييييييييييييييييب

25 تعليق 13,424 مشاهدة

شاركي في النقاش

سجلي الدخول لإضافة تعليق.

التعليقات

25

تابعي تجارب أخرى من هذا القسم.