شاركي في النقاش

سجلي الدخول لإضافة تعليق.

التعليقات

2,131
  1. @mikomiko

    كل البنات: صباح الخير و مش عايزين افكار وحشة.
    فاطومة: ازيك يا قمراية.
  2. فاطمة الزهراء912
    اية دا انا دخلت ملف غلط ولا اية اية الزفت والهباب الى احنا بقينا فية دة بجد الملف بقى يقرف يعنى عندنا ناس داخلة على عملية وبدل ما نوقف جنبهم ونرفع من روحهم المعنوية لا كل واحد بيفكر فى نفسة ومش مهم حد تانى بحد مش عارفة لية الملف بقى مقرف …
    حبيتى شيمو انا يصعب عليا دموعك بجد و عشان كدة قلت ان تواصلنا مش حيقف على صفحتنا
    بس انا بجد مش قادرة اكون موجودة فى الصفحة "هنا" لكن موجودة فى قسم التاخير و موجودة فى تجمعات تانية برضو فيهم ناس لسة ربنا مكرمهمش
    و كان واضح من كلامى لشوشو انى بقول انى مش مهمة لكن هى مهمة لانها مؤثرة جدا و "محسوسة" انا لأ
    يعنى يا حبيبتى احنا ممكن نتواصل كتير
    و و اللهى و انا بكتب كلامى انتى كنتى فى بالى و مقدرش على زعلك
    و عشان تعرفى حاجة انا مش مشتركة خاااااااااااااااااااااااااااااااالص فى اى تجمع للامهات عشان برغم انى ام بس انا منكم انتو و احس اكتر بكتييييييييييييييييييييير بوجع اى واحدة فيكم
    بس بجد مش قادرة استحمل اكتر من كدة انى هوا مش قادرة

    و بعدين يا شيمو انا مش مصلحجية خالص عشان لما احتاجو ادخل و لما مش بحتاجو مدخلش
    لأ انا مش حدخل عشان انتو اللى مش محتاجنى و اذا على قصة حملى اللى ممكن بتدى امل لغيرى قصة حملى موجودة و حتفضل موجودة فى عقول كتير و الحمد لله انها ممكن تكون باب امل لغيرى
    لكن اللحم و الدم مش موجود
    و دا احساسى من فترة طوييييييييييييييلة
    و للامانة حصل فى الاخر القشة التى قصمت ظهر البعير
    و مش عاوزة اتكلم فيها خلاص
    انا ذى ما بيقولو لميت شنطت هدومى و حمشى
    و دا مش معناه انى مش حدخل اتطمن على الكل ذى ما بعمل تقريبا كل يوم
    و اللى عاوز يتطمن عليا الرسايل الخاصة موجودة يعنى حيفضل يعرفنى
    بس و اللهى مش قادرة اكتر من كدة مش قادرة








    متشكرة جددددددددددددددددددا و انا يا ست البنات مش عاوزة حد يمسك فيا ميرسى
    و انا ميهونش عليا اى حد ينفلق عشان ذى ما قلت اللى افرق معاه حنفضل نعرف بعض و اللى مافرفش فخلاص


    باقى البنات معلش مش حرد على كل واحدة فيكم عشان دول اكتر ردين وجعونى قوى باختلاف الوجع

    انا اقسم بالله بحبكم فى الله كلكم و ربنا يعلم انتو غاليين اد ايه


    ربنا يطمنكم و يفرحكم و يفرحنى بيكم بأذن الله

    بس اخر نصيحة ليكم
    توكلو على الله حق توكله ادعو و انتو عارفين من جواكم و من قلوبكم ان دعواتكم دى حتستجاب و صدقونى حتستجاب
  3. @ashtkt_alyk

    كوكررررررررررر
    قفشتك....تعاليلى يا بطة
    امبارح لما شفت كلامك قلت يا مين يلايمنى عليها و كان نفسى الاقيكى اون لاين
    خليكى معايا شوية الله يخليكى
  4. @ashtkt_alyk

    بصى يا كوكرتى
    أنا لما شفت ردك عليا يا حبيبتى .....وكلماتك فىا لمشاركات الأخيرة حسيت بالمشاعر اللى وصلتك....
    بس ديه مش مشاعر صح يا كوكر....أولا محدش فينا مهم و حد مش مهم......كلنا أهم من بعض...
    وزي ما كنت دايما باقول...احنا هنا عاملين زي طبق سلطة الفواكة...كل حد ليه طعم...و مينفعش نستغنى عنه...
    وبعدين احنا اهميتنا هنا مش معلومة ولا غيره لاننا مش دكاترة....احنا اهميتنا فى اننا نسمع بعض و نحس ببعض و نخاف على بعض...
    و كمان نحكى تجربتنا يمكن تدي امل لحد او تحمى حد من خطأ.......و أنتى يا قلبى دورك مهم و مشاركاتك اللى زي السكر ديه أنا باعشقها يا قلبى....

    بصى يا كوكو...يمكن فيه تغييرات كتير فى الفترة الاخيرة و مزهقة ناس كتير.....والتغيرات ديه حسستنا ان الملف فقد الى حد ما روحه المعروفة لينا.....يعنى مثلا عددنا زاد اوي و ده خلانا منقدرش نعمل زي زمان اننا فى كل مشاركة نذكر كل واحدة بالاسم.....وكمان الابتلاءات زادت أوي....و بقى اللى يدخل يتشغل فىا لمشكلة اللى قدامنا و ميلحقش يسأل على اللى غايب.....و لو تلاحظى كلنا هنا الى بيغيب نادرا ما بقى فيه حد يسأل عليه بسبب الاسباب السابقة....ومش معنى كده انه مش مهم ول ا ملوش لازمة.....

    ثانيا..
    انا عن نفسى و متأكده ان دم موقف بنات كاتير مبقيناش نسالك انتى بالتحديد و كمان ميزو و ريمو و لا نعاتبكم عن عدم الدخول كتير لسبب مهم....وهو انكم أمهات جدد.....و الضيوف الجداد بتوعكم محتاجين رعايتكم أكتر مننا...فكنا بنبقى ساكتين لان الأهم فالمهم....انتى فى حياتك دلوقتى كريم الاهم و بعدين احنا.....بس كنا واثقين ان اول ما الظروف تستقر مع واحدة هترجع تنتظم زي الأول.....و انا عن نفسى مكنتش باحاول اقول فينك لانى باقول اكيد محتاجة تركز مع كوكو و اول ما نومه ينتظم و يريحها هترجع زي الاول و أكتر.....من باب عدم العتاب على حاجة احنا مقدرينها يا قلبى....يبقى يا كوكرتى لازم تعترفى ان احساسك ده وصل غلط.......و طالما كده فهنجيب الفنكة و أدوات التعذيب و أي غياب فى يوم هنحاسب عليه....

    و فيه نقطة تانية هاذكرهالك حالا
  5. @ashtkt_alyk

    و النقطة ديه مش هاقولهالك لوحدك.....انا هاقولها لكل البنات....
    ان كان حد اتضايق من سلوك اللى بيضعف و ييأس و يلم رحاله و يمشى....يبقى يتضايق منى أنا الأول....لان انا اللى وصلتكم للحالة ديه بيأسى و احساسى ان بيا اومن غيري انتم هتكملوا و هتبقوا زي الفل.....و ده شعور انا باعترف انه غلط و كان فيه انانية....لان لو كل واحدة فكرت كده يبقى الملف هيفضى و الهدف منه اللى كان مخلينا كلنا هينتهى....يبقى انا اللى لازم اعتذر و اللى فيكم عايز يفش غله يفشه فيا أنا.....بس بالراحة يعنى متسوقوش فيها....

    و أخيرا يا كوكر...راجعى نفسك.....و متمشيش مش علشانا...لا علشانك أنتى....مش يمكن كلمة تخففى بيها عن حد فى أزمة و لامعلومة تذكريها و لا حتى تجربتك اللى تدي امل لناس كتير غيرك تكون سبب فى رفع قدرك عن ربنا و تكون سبب فى الخير ليكى و لابنك.....

    بصى احنا كلنا هنا مش هنحاسب حد علىا لغياب و هنبقى عارفين انا للى هيغيب ممكن يحصل كده لظروف عنده وا ول ما تخلص هيرجعلنا.....و انا عن نفسى كنت متأزمة لانى مش عايزة احس بالتقصير لكن لقيت اخواتى هنا مقدرين و كفاية انهم هيكونوا عارفين ان لو فيه غياب مش هيبقى ندالة لا ده بسبب ظروف و اول ما تنتهى الواحد هيرجع.....فكري كده و اعرفى ان ليكى حرية الدخول وا لخروج فى اي وقت و محدش هيلوم عليكى ول ا عليا و لا على اي واحدة فينا طالما واثقين ان اللى فىا لقلبى القلب و ان اي ظروف هتاخد وقتها و تنتهى....

    و أخيرا يا كوكو....فكري هتقدري تستغنى عننا و هتقدري تمنعى نفسك من الدخول للاطمئنان و هتقدري تلاقى ان فيه واحدة فى مشكلة و عندك اللى تقدري تخففى بيه عنها و متقوليهوش....انا ده تاه عن بالى فى لحظة و ادركت انى مش هاقدر و انتى مش هتقدري ول ا اي واحدة هنا هتفتكر انها شجيع السيما مش هتقدررررررررررررررررررررر......

    و يلا حالا لازم تطلعىعيلة و ترجعى فى كلامك......انا مقدرش استغنى عن كلامك اللى زي السكر.....وبرده مش هاقبل موضوع الخاص ده.....هى حبكت هنا....و بعد كده متقوليش معنديش جديد و لا الكلام ده....قوليلنا يومياتك و يوميات كوكو....قوليلنا ناوية علىا يه الفترة الجاية....

    و أهم نقطة فى كلامى ده...اوعىتزعلى من طمطم بالتحديد لانها حبيبة قلبى....ولان الكلام ده بيطلع من القلب و بسبب كتر المحبة و اللى بييجى بعده احباط بسبب رحيل الاحبة....و يا ستى انتى مش المقصودة بالكلام....هى كبتت مشاعرها قبل كده و المرة دي جت فيكى بدالى.....ده احنا اخوات يا كوكو و لولا العشم مكنش حد اتكلم ولا زعل....و لو مكنتش المشاعر تجاهك غالية كده.....مكنش حد زعل لما يحس اننا هنا عليكى...

    يلا انا فى انتظاااااااااااااااااارك

تابعي تجارب أخرى من هذا القسم.