السلام عليكم
حبيت نتناقش عن فرص الزواج بالنسبه للمطلقه
اتمنى كل وحده تدخل تحط لنا قصه عشان تشجع المطلقات وان الفرص مازالت سانحه وان باب الرزق مفتوح وان النصيب ممكن انه يجي باي وقت واي زمان
-راح ابداء انا بسرد ماعندي
وحده اعرفها من الجماعه مشاءالله انخطبت وزواجها بعد شهرين
وضعها : مطلقه وعندها ثلاث اطفال
عمرها:33 سنه
مدة طلاقها :4 سنوات
مدة زواجها: 8سنوات
مهرها :35 الف
خطبها ولد شباب مشاءالله وهي اول فرحته الولد ماعليه موظف ومبسوط واخلاق
يعني مافيه اي شي يعيبه بس عاد نصيبه
يوم الخطوبه امه واخواته فرحانين فيها وهدايا وحركات يعني مشاءالله تبارك الله كانها اول عرس لها
وهي ماقصرة على نفسها سوت لها خطوبه روعه في قاعه ولبست وتكشخت ورمت الماضي ورا ظهرها
قصه ثانيه لمطلقه
وضعها : مطلقه ماكملت السنه مع زوجها
عمرها:32 سنه
مدة طلاقها : سنه
مدة زواجها : اشهر بس مدري بالضبط كم شهر
حملت وسقطت من اول شهر
مهرها :30 الف
ومشاءالله برضو خطبها ولد شباب وتزوجت خلاص امها فرحت فيها وسوت لها عرس كبير وعزمت كل حبايبها
- غير ان فيه مطلقات كثير تزوجو من معددين وربي موفقهم
يعني الواحد يتوكل على الله ويدعي ويستغفر وان شاءالله ربي يرزقنا من واسع فضله
يعني كل شي متوقع
لا العمر مشكله
ولا الوضع الاجتماعي مشكله
ممكن يجي ولد شباب او مطلق او معدد
كل شي متوقع
بس نحسن الظن بالله
والله بيكرمنا ان شاءالله
ادعولي اني اتزوج ولد شباب ماعمره تزوج ابد ويوفقني معه ياكريم
بانتظار قصصكم:27:
شاركي في النقاش
سجلي الدخول لإضافة تعليق.
التعليقات
237- بابدا الاولى
باقص لك قصة صديقتي ساره
وسبق ونزلت عن مشكلتها بالمنتدى (عالم حواء)واسمها ساره
الحمد لله ع كل حال توفى زوجها بعد ان بهذلها توفى بحادث مروري
سبحان الله
وتزوجت من شاب اخلاق ادب جم سبحان الله وهي وولدها من الاول
بكندا لانه (زوجها) يحضر الماستر - ونفس القصه تقريبا الي حكاتها الي قبلي وحده مات زوجها وفي منتها الجمال ومات في نفس العام الي تزوجت فيه وكانت اتقول انها راحت عليها وحت كبير في السن ما راح تلقي ولكن الضروف والمكاتيب كتبت لها ان يرزقها الله احسن منو وشااااب خلوووق جدا كان هو كمان متزوج ومطلق وعمره 30 سنه وهي 28 سنه وهلا تحكي انها في منتهى السعاده
- اللهم ارزقني وارزق اخواتي الغاليات وعوضنا بكل خير ....
وماشاء الله هذه ارزاااااااااااااااق من عند الله ...اللهم لك الحمدكماينبغي لجلال وجهك وعظيم سلطانك......ونسال الله التوفيق في الدنيا والاخره ..
والله يعطيك العافيه اختي سامحني 2009.... - واعرف بنات تطلقو ... وتزوجو بعد الطلاق بشباب والان مبسوطات ولله الحمد
اهم شيء حسن الظن بالله والامل والدعاء - صاحبة الموضوع #42519533مشاءالله يابنات قصصكم مشجعه
انا ابذكر لكم قصيتن حصلت معي وبتقلون وش هالحظ الي لك <<<قولو مشاءالله تبارك الله:)
القصه الاولى
خطبني واحد مطلق ثاني شهر من العده وبصراحه من كثر قهري من طليقي كنت موافقه عليه بس امي وقفت لي وقالت والله ماستقبلهم ولا يدخلون بيتي
مره امي كانت زعلانه علي وقالت مافي ووقفت لي انا وابوي قالت مره ماني موافقه وبنتي مابي ازوجها:(
ابوه مره كان مصمم علينا وكان دايم الاتصال في ابوي وقاله ابوي البنت ماطلعت من العده انتظرو لين تنتهي
قاله احنى جاهزين بكل شي نبيها تتجهز ونعطيك المهر وماتخلص عدتها نملك عليها
كانو مصممين مرررررررررررررره
في نفس الاسبوع الي خطبوني فيه جاني شغل في مدرسة ابتدائي مدخلة بيانات معارف وماصدقت على الله ابي اطلع من جو الكائبة الي كنت فيه
وحمدت ربي انه رزقني بهذي الوظيفة وبالعريس وبنفس الاسبوع
المهم كنت جالسه مع المرشده الطلابيه بنفس غرفتها سبحان الله الي جابني عندها قمه في الاخلاق والثقافه والدين والفهم من جد احتوتني وخففت مكان فيني
قلت لها بعد اسبوعين اني انخطبت وفرحت مره
قالت لي وش شغله :قلت عسكري بالدفاع المدني
قالت لي وش اسمه:قلت سلطان
قالت لي يشتغل بجده : قلت ايه وانا مستغربه
قالت مطلق هو :قلت ايه
قالت زوجته مدرسة:قلت لها ايه قمت ضحكت انا هههههههههههههههه قلت شسالفه تعرفينه
قالت لي قومي معي قومي:قلت وين اشفيك
قالت لي اشفيني :اااااااااااااااه بس الله بعثك لنا بس
رحت معها يابنات فصل ثاني ابتدائي جالسه معلمه طيبه وبنت حلال وباين انها ضعيفه مره ومنكسره حسيتها كذا
قالت لي تعرفين هذي مين :قلت اكيد لا توي عندكم
قالت لي هذي زوجته
لالالالالالالالالالالالالالالا معقووووووووووله
والله العظيم يابنات اني انصدمت مره هذي زوجته وليش طلقها حرام عليه
وش الصدفه الي خلتني اتوظف في المدرسة الي فيها طليقته عشان اكتشفه على حقيقته
امه قالت لنا : طلق حرمته معها صرع وكل شوي هي عند اهلها بهذلتنا بلسانها وقويه وكلام كثير
الحرمه ابسط من البساطه وضعيفه ومنكسره
طلقها وهي حامل في بنتها وهي ماكملت سنه معه
-هي كانت مخطوبه قبله على ولد عمها وتوفى في حادث قبل زواجها باسبوع وسبحان الله جاها هالافندي وخطبها وتزوجها وماخلصت سنه الا وهو مطلقها
رجعنا المكتب وقالت لي كلنا حضرنا عرسها وكلنا فرحنا لها بس انه نذل بهذلها وانصدمت يوم طلقها
وقالت بعد تراه تزوج بعدها وحده ثانيه مطلقه وعندها بنتين وجاب منها بنت وهم بعد طلقها
قلت لها وش دراك عنه قالت حرمة عمه هم بعد معنا بالمدرسة وهي قالت لنا
كنت راح اكون الضحيه رقم 3 بس الحمدلله ربي رحمني وربي يسعد امي الي وقفت بوجهي في اول الهرجه بس بعد ماعرفت هالسالفه سكت وانتهت السالفه بدون اي كلام قلنا مالكم نصيب
وقالها ابوي وانا مقتنعه الف في الميه
-قبل فتره حضرت عرس وجات امه بالعرس وكلمت زوجة خالي لانه من طرف زوجة خالي سلطان باشا قالت الي خطبنها لولدنا موجوده بالعرس قالت لها ايه شوفيها مع بنتي وشافتني وانا على سنقة عشره
وسالتها اذا ولدها تزوج قالت لها ايه تزوج وحرمته حامل
الله يوفقه معها ويهديه
شرايكم معجزه صح ياربي ياحبيبي الف حمد وشكر لك
القصه الثانيه
في الصيفيه كلمت وحده من جارات عمتي وقالت لها انها تبي تزوج ولدها وانها تبي له وحده حلوه ومرتبه ومن هالحكي وعمتي رشحتني له
طبعا هو هم بعد مطلق بنت خاله
المهم جات امه واخته شافوني وعجبتهم مره
وسالتني اذا كنت خلصت الثانويه
قلت لهم انا خلصت الجامعه
وتفاجئت مره هي وبنتها حسيتهم انقهرو<<<مايبون جامعيه هذا الي فهمته
قالت لي انا عندي 7 بنات كلهم زوجتهم معدا الصغيره وكلهم خريجات ثانويه
المهم انا جلست شوي وقمت
وهم طلعو من عندنا وهي تدعي لي
شوي ولا دق التليفون واعتذرت وقالت لها امي الله يستر علينا وعليكم
حتى امي ولا سألتها تعجبني فديتها عزيزة نفس
المهم هي رجعت بيتها وكلمت عمتي وقالت لها والله البنت عجبتنا مررررررره انا وبنتي بس اول ماركبنا السياره وجلست اسولف له وقلت له انها جامعيه عيا وقال اتصلي اعتذري لهم مابي وحده احسن من خواتي<<<وش رايكم في هالتفكير طيب خواتك ربي رزقهم الزواج الله يوفقهم وش دخل دراستي بالسالفه مدري هو متعقد من الجامعيه ولا مايبيني اشوف نفسي عليه مدري والله
هو بعد خريج ثانوي دخل الكليه ومافلح ومسك تجارة ابوه
بعدها بشهر رحت مشغل ابي اقص شعري وابي اسوي ميك اب كنت معزومه
وسبحان الله يالصدفه طلعت صاحبة المشغل صديقه لي من ايام الثانوي وهي عرفتني انا واختي بس انا بصراحه ناسيتها بس اختي ذكرتني فيها
المهم جلسنا نسولف ونضحك وقالت لي مشاءالله يافلانه تزوجتي قلت لها ايه تزوجت وانفصلت قالت الله يعوضك يارب
حتى انا تزوجت بعد الثانويه على طول وجبت ولدين وتطلقت وماصدقت اني خلعته
بعدين سالتني مانخطبتي قلت لها الا يجيني خطاب بس ماعندهم سالفه سالتني ماجاكم احد من عائلةمعينه سمتها لي
انا استغربت سبحان الله الصدف هذي الي تجيني
قلت لها وانا مبتسمه الا قبل شهر جوني ناس من هالعائلة يخطبوني قالت اسمه عادل قلت ايه
قامت ضحكت
قلت اشفيك
قالت هذا طليقي ههههههههههههههههههههههههههههه
انا ضحكت مره قلت لالالالالالالالالالالالالالا مو معقول من جد
قالت والله انه هو طليقي ولد عمتي وانا الي خلعته
مو صاحي وكان يضربني من النوع الشكاك لايف على شلة خربانه وسهر وبنات وقلة حياء
المهم انا قلت لها :ابشرك هو رفضني قالت يحمد ربه لو وافقتي عليه بس ماله في الطيب نصيب
قلت يقول مايبي جامعيه
قالت وربي يافلانه ان ربي يحبك ويبي لك الخير احمدي ربك انك انفكيتي من هالزواجه
بذمتكم وش رايكم في هالصدف
قالت لي انا عندي لك عريس اهله كلمو امي بس انا مابي اتزوج تعقدت قلت لها تزوجي يابنت وفكي نفسك قالت لي لا مابي اتزوج
سالتها وش وضعه قالت لي متزوج
قلت فكيني والله مابي متزوج ابددددد
بعدها باسبوعين
دقت علي تعزمني على خطوبتها وباركت لها من قلبي
وقلت لها من العريس هو نفسه الي كلمتيني عليه قالت لي ايوه وقلت الله يوفقك
وتزوجت مشاءالله ومبسوطه معه
وطليقها هم بعد تزوج
شرايكم في قصصي قسم بالله يابنات زي ماقولكم سبحان الله يالصدف شي غريب مره
الحمدلله يااااااااااااااااااارب
مواضيع مشابهة
تابعي تجارب أخرى من هذا القسم.