قمت اللحين وخليته بالغرفه ودموعي على خدي ادخلو تعرفون ليش
بنات زوجي له فتره مطنشني ماهو من عادته دائما اذا لبست يمدحني حتى لو احط قلوس او اي شي بوجهي احطه يمدحه حتى لو عادي واذا جاء الليل مايقدر ينام الا لما يسولف معي ويحضني وينام اللحين له فتره عادي البس ماالبس ولاهمه واذا جاء ينام على طول ينام بدون سوالف او ضحك اوحتى بوس واليوم لابسه احس اللبس والميك اب اللي يحبه حاطته ومضبطه الغرفه لاني كنت مشتاقه له قالي بالحرف الواحدانتي مغروره ومنتي حلوه وشايفه نفسك وكبيره مع ان عمري 28وهو اكبر مني بعشر سنين وعندي ولد وبنت والان حامل بالثالث مع اني مالي الا 5سنوات على زوجنا وكان يحبني موت بس مدري ليش تغير لاتقولون اكيد في راسه وحده ثاني او يغازل الحمد لله هو ملتزم والانترنت مايحبه والقنوات كلها دينيه ودائما يحثني على صلاة الليل وحب الناس حتى الغيبه والنميمه مايحبها المهم بنات انا انهرت عنده وقلتله انت بعد منت بحلو وشيبت وانا توني صغيره وياليتني اخذه ولد عمتي كان اللحين انوع الدلع والسفر والهدايا وطلعت عيوبه كلها بردت على كبدي قلتله اذا كنت عايفني طلقني خلني اخذ رجال على قدي والله يابنات الكلام هذا مو من قلبي انا احبه واغليه بس قهرني مره وانا ادري انه يحبني بس مدري ليش تغير علي المهم كنت مره مشتاقه له عطيته ظهري وسويت نفسي نايمه والله بكيت ونزلت دموعي غصب وهو ولا حس ولاخبر نام واللحين طلعت من الغرفه وكتبت لاغلى بنات حواء الا اعتبرهم خواتي لا وبعد خواتي مقدر اشكيلهم بعد قولولي وش اسوي اطنشه لما هو يرجع لي