قمت اللحين وخليته بالغرفه ودموعي على خدي ادخلو تعرفون ليش

بنات زوجي له فتره مطنشني ماهو من عادته دائما اذا لبست يمدحني حتى لو احط قلوس او اي شي بوجهي احطه يمدحه حتى لو عادي واذا جاء الليل مايقدر ينام الا لما يسولف معي ويحضني وينام اللحين له فتره عادي البس ماالبس ولاهمه واذا جاء ينام على طول ينام بدون سوالف او ضحك اوحتى بوس واليوم لابسه احس اللبس والميك اب اللي يحبه حاطته ومضبطه الغرفه لاني كنت مشتاقه له قالي بالحرف الواحدانتي مغروره ومنتي حلوه وشايفه نفسك وكبيره مع ان عمري 28وهو اكبر مني بعشر سنين وعندي ولد وبنت والان حامل بالثالث مع اني مالي الا 5سنوات على زوجنا وكان يحبني موت بس مدري ليش تغير لاتقولون اكيد في راسه وحده ثاني او يغازل الحمد لله هو ملتزم والانترنت مايحبه والقنوات كلها دينيه ودائما يحثني على صلاة الليل وحب الناس حتى الغيبه والنميمه مايحبها المهم بنات انا انهرت عنده وقلتله انت بعد منت بحلو وشيبت وانا توني صغيره وياليتني اخذه ولد عمتي كان اللحين انوع الدلع والسفر والهدايا وطلعت عيوبه كلها بردت على كبدي قلتله اذا كنت عايفني طلقني خلني اخذ رجال على قدي والله يابنات الكلام هذا مو من قلبي انا احبه واغليه بس قهرني مره وانا ادري انه يحبني بس مدري ليش تغير علي المهم كنت مره مشتاقه له عطيته ظهري وسويت نفسي نايمه والله بكيت ونزلت دموعي غصب وهو ولا حس ولاخبر نام واللحين طلعت من الغرفه وكتبت لاغلى بنات حواء الا اعتبرهم خواتي لا وبعد خواتي مقدر اشكيلهم بعد قولولي وش اسوي اطنشه لما هو يرجع لي

109 تعليق 9,943 مشاهدة

شاركي في النقاش

سجلي الدخول لإضافة تعليق.

التعليقات

104
  1. هووونيهاا وتهوون

    كان سئلتيه ليه وش خلاك تقول كل ذا ..؟؟

    يمكن سويتي شي وانتي مو داريه او بالاصح مو قصدك واخذ موقف منك

    الله يهدي بالك .,.



    بتقعد هالفكره دايم بباله .,. وانك متحسفه انك ااخذتيه

    يمكن بعدين هالشعور مراح يخليه يتحمس يسوي شي يونسك فيه

    حااولي بعدين بعدين تغيرين هالفكره الي حطتيها براسه

    الله يهدي مابينكم ويسعدكم
  2. @syryn100

    الله يعينك يارب
    أنتي راجعي نفسك إذا متأكده انك ماتزعلينه بحركة حتى لو غير مقصودة خلاص طنشي وتعاملي معاه بلطف ورسمية بنفس الوقت وإذا شفتي إن الوضع استمر كم يوم زيادة اكتبي رسالة عتاب حلوة وبيني انك حزينة على تغيره وأعطيه وياااااارب تتغير حياتكم للأفضل

    انتبهي تذكرين شخص ثاني عنده (أكبر خطأ)
  3. @quotfl_oyasmynquot

    مدري احسك مكبره الموضوع او انتي حساسه حبتين بصراحه اخطيتي انك تعايرينه برجااال افضل منه عشان ماقال لك انت حلوه ولا ما ااحلى لبسك تعتبر نقطه سوووداء في ملفك
    يعني الرجال منعدل معكي مجرد ماتغير سويتي قضيه طنشيه او اعتمدي اي اسلوب
    يمكن عنده مشكله بالعمل ومايبغى يشغلك معه
    ربي يهدي حاالكم
  4. @o_am_talyn_o

    ياقلبي عليك والله اني حزنت لك
    اسمعي انتي خليك معاه رسميه يعني قومي بكل واجباته بس بيني له انك ماخذه على خاطرك منه
    وانتي قلتي انه نام ولا همه صدقييييييييني انه همه ونص واكيد الكلام الي قلتيه قهره بس الرجال مايظهرون
    مشاعرهم زينا اهم شي انك رديتي عليه وبردتي قلبك انا لو مكانك كنت راح اسوي نفس الي سويتيه بالضبط

تابعي تجارب أخرى من هذا القسم.