شاركي في النقاش

سجلي الدخول لإضافة تعليق.

التعليقات

43
  1. @hnyn_alhgaz

    اول الحمدالله على السلامة

    ثانين يا ليت اي وحدة تسوي هالحركة محد يرد علييها
    محنا فاضين احنا لهاالاسلوب
  2. @am_nzar_ozyd

    صاحبة الموضوع
    عدنا:
    بعد ذهابي للمستشفى وصعوني للفحص الداخلي ففحصتني الممرضة وكان التوسع 4 سم وقالتلتي مو ولادة ليش جاية الراس فوق والرحم سميك استغربت لانو فعلا ما في وجع وانا رحت عشان المية اللي نزلت
    فجاءت سستر تانية وفحصتني وقالت نفس الشي وكنت بدي اروح حكتلي خليكي لحتى ييجي الدكتور ويقيمك بعدها بربع ساعة فحصني وحكى للسسترات خلوها ودخلوها رح تولد اليوم فجهزوني وما كان في وجع بعد بساعة اجا دكتور تاني وفحصني وصار يصرخ "مين دخلها ما عندها ولادة الرحم سميك والراس بعيد" حكيتلو نزلت علي مية الراس فصرخ بوجهي "شو مية الراس ؟نادى السستر اعطيني المقص هسة بتشوفي مية الراس شوهي"وانكبت مني مية كتير وزي النار ساخنة وحكالهم اعطوها طلق صناعي وفعلا ركبو ع الساعة 1 30 ظهرا وضليت اتالم حتى الساعة 3 بطلت اتحمل واصرخ اعطوني مسكن وما حدا برد ناديت مع الطلقة بالم من شان الله حدا يرد علي اجت سستر وحكتلي بهدوء :يا حبيبتي التوسع عندك7سم شوي وبتولدي بدي افرغلك المثانة وعشر دقايق بتولدي هديت شوي وفعلا فرغت المثانة بالبربيش وبعدها صرخت الراس مبين قومي بسرعة بسرعة وفعلا ركاض عالغرفة وحكتلي اسمعي بنفس واحد بنزل البيبي ماشي بس يكون قوي قلت ماشي وفعلاصرخت وشديت وطلعت روحي من الالم وما نزل صرخت في اعطي اكتر اقوى بس انا ما ضل في وجع حكتلها اسحبيه يا حبيبتي متت حكتلي لاء انت شدي ولا تصرخي وما عرفت الا انو الوجع زاد من شدة الالم رفعت جسمي لفوق من غير وعي صرخت فيي غبية غبية كسرتي البيبي الله يلعنك شو حيوانة فصرخت عليها مو بايدي مو بايدي من الوجع وانت ما بتساعدي وحكتلي خلصتي وولدتي وهاد الخامس حكتلها كلهم مو هيك وما توجعت هيك وبعدها نزلت الخلاصة ونظفتني منيح وهي زعلانة ومكشرة بوجهي ولبسوني وطلعت وانا مرهقة ومكسرة وبلهث من التعب وشوي وجابولي لجين وكانت امورة وشقرا مختلفة عن اخوانها شكرت ربي ع نعمتو وروحنا تاني يوم ورجعت حياتي المليئة بالفوضى وصراخ زيد وتالا ومشاكل مارينا ونزار ورضاعة لجين وسهرها الله يكون بالعون وعقبال كل الاخوات المنتظرات وسلام

تابعي تجارب أخرى من هذا القسم.