ملف استشارة يوميه ...4

ميرسى اوى يابسمة الحياة على ردك وانا كنت عاملة كدة بس كان يظهر مرة و بعدين يختفى فقلت ان الطريقة دى مش صح بس خلاص هرجع اعملها تانى ربنا يخليكى و يشفى ابن اختك و كل مريض يا رب لولو يا حبيبتى انا الى دوختك معايا ربنا يخليكى كلك ذوق الله يبارك فيكى يا ام العلاء و تسلم ايدك على الترجمة الهايلة

السلام عليكم
بسمه كنتى بتسالى عن البسبوسة باللبن انا جربت بدل الزباادى احط لبن كامل الدسم وكانت حلوة ومش حسيت بفرق عن اللى بالزبادى

انا كمان تبع المنصورة

الف مبروك يا لمياء على تصليح الفرن وتسلم ايدك ماشاء الله



هههههههههههههههههههههه مبروك يا ناوناو على وصولك انتى ولولو الخمسين مشاركه فعلا حاجة تشل انا كنت بزهق اوى من التلت مشاركات دى بالنسبه للتوقيع يا ناوناو خدى كوبى وروحى على المربع اللى فيه هرم امسحى الاول اللى فيه وبعدين اعملى باست ودوسى تحت على اظهار التوقيع فى جميع المشاركات واعملى حفظ التوقيع يارب تنفع الطريقه دى



انا بضفها دايما يا أم يوسف وبيبقى طعمها جميل اوى بتدى طعم حلو بس مش بيبقى طعمها باين جامد

[

غريبه اوى حكاية انه يمنعك من البصل طيب حتى بودرة البصل لاء؟ بس معلش يا بسمة ماقدرش افيدك ان شاء الله باقى البنات يقدروا



تسلمى يا سموحه انا بعمل البسبوسه العاديه الاكياس وبزود زبادى وللبن بتبقى جميله بس عايزة اجربها مع سميد البسبوسه. وتسلمى على اللينكات الجميله اللى بتحطيها

بسمه حياه اولا بالنسبه للتبيل الفراخ ممكن تقطعي البصل شرايح انا بعمل كده هو والتوم عشان يبقي سهل انضفه قبل الشوي او ممكن تبشريه ناعم وتاخدي ميته او ممكن بصل بودره عمتا انا بخرط البصل والتوم وعليهم كوبايه زبادي نصف ليمونه روزماري وده بيدلها طعم جمييل وملح وفلفل والتوابل اللي تحبيها وبحط صويا صوص واسيبها منقوعه ب 3 ايام في الخلطه دي في التلاجه واشويها وكلي احلي فراخ ولا بتاعت الشارع ولما تطلع طشي فيها فحمه .

بالنسبه للبسبوسه عندك طريقه دون بالحليب ورائعه بتطلع زي بتاعت بره واحلي استني اجبهاللك.

وفي النهايه لمي نفسك انت وهي وهم عارفين نفسهم هاهههههههههههه ومتتريقوش علي التلات مشاركات بدل ما اجلكو والله واقعد عليكو زي ما بسمه كانت هتعمل لا وهجيب بسمه معايا كمان اهي تشارك واذا لزم الامر هجبلكووووووووووووووووو ؟
دا سؤال النهارده
بصي يا ستي انا عملتها ازاي :(دون)
المقادير :
كوب وربع سكر
كوب وربع حليب
3/4 كوب سمنة
1/2 كيلو سميد ( دقيق بسبوسة)
معلقة بيكنج بورد
نص كوب جوز الهند
شوية لوز مفروم نصهم للوش والنص التاني للعجينه
شوية فانيليا

الشرابات : 2 كوب ماء + 2 كوب سكر + رشة فانيليا ..... بدووووون ليمون


الطريقة:
نضع البيكنج بودر على السميد وجوز الهند والفانيليا واللوز ونخلطهم كويس

فى حلة حطي الحليب + السكر + السمنة على النار لحد مايغلوا ويقلبوا قلبتين
بعد كده حطيهم علي خليط السميد وقلبي كويس لحد ما السميد بشربهم وتتكون عندك عجينه اتخن من السيريلاك شويه
تكوني داهنه صينيه بالسمنه تفردي فيها العجينه دي
ورشي الوش بباقي اللوز المفروم
راعي ان مقاس الصينيه يكون مناسب للكميه اللي عندك والسمك اللي انت عاوزاه

مش عارفه الصينيه اللي عملته فيها مقاسها كام بس تقريبا قطرها 40 سم

بعد كده دخليها فرن يكون متسخن قبل كده ( ولعي الفرن قبل ما تبدأي تعمليها )
يادوب تتحمر من تحت ومن فوق مش هاتاخد اكتر من 20 دقيقه
طلعيها وحطي عليها الشربات وهو سخن وغطيها خمس دقايق

بس يا ستي وكلي احلي بسبوسه بالهنا والشفا

ميرسى يا بسومة اخيرا عديت 50 مشاركة على رأيك كانت حاجة تشل يلا عقبال الحبايب:hahaha::hahaha:انا مقصدش حد معين ولا حاجة وبالنسبة للحج توقيع ادينى بجرب و ربنا يسهل:angry: