ريجــــيـــــــــــم كـــــــــــافيـــــــــــــــ ــــــــــــــــــــــــــــــ ـــه

صباح الخير يا احلى حوائيات

صباح مملوء بالطاعة و بذكر الرحمن

يا ريت تقبلوني بينكم في الكافيه (انا من عشاق الكوفي شوب بالاخص في اول الصبح بس للاسف نادر ما احصل حد يوديني لكني ما افوت اي فرصة تجيني ههه)

حبيت اكلمكم عن الي في خاطري و خاصة قصت سمنتي ما اباكم تنغثون من اول الصبح لاني ان شاء الله ناوية آخذها بتفاؤل و ودي منكم انكم اتساندوني و لو شي اي نصيحة اكون شاكرة لكم

انا من بلغت و وزني يالس يزيد الين ما وصلت الاول الثانوي يتني ارادة و نزلت وزني و صرت رشييييييقة و الحمدلله انخطبت و بعدها ب3 سنوات اتزوجت و انا متينه تخيلو في يوم عرسي كان وزني 75 و طولي 152 !!!!

ما علينا عرسنا و الحمدلله و حملت بالمولود الاول و ربيت و بعدها بفترة بسيطة حملت بالمولود الثاني ما شاء الله و ربيت و زاد وزني بدرجة فظيعة و وصلت 83 و بعدها بسنتين تقريبا قمت اخفف الين ما وصلت 70 بالرياضة و رجيم اسامة حمدي الي صدق نحفني بالشكل اكثر من الوزن ،

و بعدها حملت و ربيت ما شاء الله لكن اول ما ربيت كان وزني 79 حسيت اني لازم اضعف لكني كنت ارضع فقمت اخفف باني ما آكل مقالي و لا حلويات الين ما صار عمر ولدي 6 شهور و بعدها قمت اسوي رجيم السعرات و رياضة المشي كل يوم و لمدة 6 شهور تقريبا صار وزني 61 ما شاء الله و زوجي كان طاير فيني و كنت البس الي اباه لان شكلي كان مب وحدة وزنها 61 لا ما شاء الله كاني55 لكن يا فرحة ما تمت،

قمت ازيد شوي شوي الين ما رجعت لل73 و بعدها حملت و ما شاء الله ربيت و لما صار عمر بنتي 6 شهور قلت لازم اتغلب عالسمنة و قمت اسوي رجيمات الين ما صار وزني ما شاء الله 58 و فرحت كم شهر و بعدين قمت ازيد و ازيد و ازيد


للاسف الحين وزني 71 و مب ناويه احمل قبل 3 سنين ان شاء الله و كنت قبل وااايد احس بضيق لان احس جسمي اتعود عالرجيمات و ما قمت انقص في الوزن تخيلو سويت رجيم البروتينات اسبوعين و ما نقص الا 1.5 كيلو!!!

و سويت رجيم 3 ايام بس على عصير الليمون و نقصت 1.5 و اول ما اكلت بعدها (وكان تخفيف الاكل ) رجعت الي نقصته!!!


اليوم يوم جديد و يا رب يكون يحلو علي و عليكم ، نصحتني صديقتي باني اسوي هالرجيم:

الفطور: 1 سليس اسمر+1 جبن قليل الدسم

الغدا: صدر دجاج مشوي+سلطة

العشا: 1 فاكهة

و ببدأ فيه من اليوم ان شاء الله مع شرب 1.5 لتر ماي+رياضة المشي نص ساعة


يا رب اصير رشيقة وياكم

اقبلوني بينكم لاني صدق حابة اكون وحدة منكم و فيكم

لكم حبي و تقديري

ام ابراهيم

هلا بالجميع وششششششششش اخباركم ؟؟؟؟؟؟

ادري اخباركم ملللل وطفش من هالرجيمات <<مثلي بالظبط

ااااااااااه والله مليت ابي انحف ابسرعه كل يوم اطالع جسمي في المرايه <<متفائله الاخت هههههه
المهم اذا فيه شي جديد عندكم ينحف ويساعد في الرجيم علموووووني اوكيييييييييييييييييييييي

اختكم 000 المليااااااااااااااااااااااانه

بنات استعمل حبوب تنحيف واتمرن تقريبا ساعه على السير 4 مرات لي اسبوع ووزني زي ماهو باصيييييييييح