السلام عليكم ورحمة الله وبركاته...
من زمان عنكم:time: اشتقت لكم...:27:
ما كان عندي نية افتح موضوع هنا لولا محبتي لكم ومعرفتي بصفاء نياتكم ان شاء الله...
لاحظت اننا معشر بنات حواء نتحمس مع موضوع الشاكية وناخذه على انه امر مسلم به ونقوم معها وندعي على زوجها او اهل زوجها او مرة اخوها او اخت زوجها او جارتها ....الخ بناء على كلامها هي....
خلونا نفكر شوي...هل تظنين ان فيه حرمة تشوف نفسها غلطانة وتعترف؟؟:35:
كل وحدة منا الحين لازم تواجه نفسها وتقول انا غلطانة...كلنا غلطانين لاننا بشر ولسنا ملائكة...
لكن البعض تزود به... وعشان يغطي على اغلاطه الفادحة يقعد يشهر بخلق الله ويطلع فيهم الف عيب وعيب واحنا مع الخيل يا شقراء....نسب ونشتم وندعي كأننا عايشين معهم وشاهدين على كلامها!!
والله اني استشف الغيرة والحقد من بعض المواضيع وادري انها مفبركة لاستمالة العواطف...واذا رجعت لملفاتهم لقيت البلاوي...غيرة حتى من البزران..
تجي وحدة تقول اخت زوجي تطنشني ما تسلم علي...وما تعلم انها مسوية فيها الشنايع!!!
والثانية تسب مرة اخوها وانها قليلة ادب رغم انها هي اللي اختارتها ومن هالحكي ...وما تقول انها هاينتها ليل ونهار!!:angry:
كثير وكثير جدا يظلمون الناس ويجون يتشكون....يحسبون بنات حواء بيدفعون عنهم العقوبة اذا صدقوهم؟؟
خلونا على الاقل نتبين من المواضيع ..بدون ما نكذب صاحبة الموضوع نستفسر منها بلطف واذا شكينا ننصحها بلطف ونطلع من الموضوع وندعي لها بالهداية...مو نشيل ذنبها على ذنوبنا..
ولازم نخاف الله فيما نقول....اللي قاعدين نسبهم ونظلمهم بيرفعهم ربي ويعطيهم من حسناتنا زود وناخذ من سيئاتهم وما راح ينفعونا بنات حواء ولا غيرهم...
استغفر الله استغفر الله استغفر الله....
شي في خاطري وكتبته..استودعكم الله..
شاركي في النقاش
سجلي الدخول لإضافة تعليق.
التعليقات
16- {..جزاكـ الله خير على كلماتكـِ الطيبهـ ..
~باركـ الله فيكـِ وسدد خطاكـِ وجعلكـِ مباركهـ اينما كنتـِ~ - استغفر الله العظيم
- صادقه والله مو كل من كتبت صارت مظلومه
لا والقهر اذا جتك وحده تقول تهاوشت انا وزوجي على سبب تافه
طيب قولي لنا وش السالفه
يمكن الموضوع بالنسبه لزوجك وبالنسبه لنا مو تافه
ولا الي تكتب تزاعلنا لسبب ما ابغى اذكره
اجل وشوله متعبه نفسك و كاتبه موضوع - ام الخمايل ؟؟؟؟؟ مش مصدقة نفسي( :
كلامك عين العقل والله وكتير نشوف في مواضيعهم كره للاخرين لمجرد انهم اهل زوجها او هيا مرت ابنهم يا كترها .
قبل ساعة تقريبا قريت موضوع ان ام زوجها ضربتها وما قدرت استوعب الا انها ما حطت السبب واكيد السبب كبير والبنات ماشاء الله تفاعلوا معاها بقوة وكأنهم على قولتك شاهدين اللي حصل - روووووووعة الله يجزاك خير
مواضيع مشابهة
تابعي تجارب أخرى من هذا القسم.