~~~* ملف تفسيــــر أحـــــلام الحوامـــــل ونوع الجنيـــــن *~~~// الجزء الثانـــــي

انا بالشهر السادس حلمت اني جبت ولدين توأم وذكرت اسمائهم

وبعدها بـأسبوع حلمت نفس الحلم بس زاد عليه انه لما جيت البسهم واحد منهم رجوله الثنتين سود مرره

والثاني بس رجل وحده سودا والثانيه عاديه ( كامل الرجل السواد ) وزوجي كان متضايق مره وكنت اقوله احمد ربك ان هالشي

صار بأولاد مو بنات .. الولد يقدر يخفيه بس البنت لا .. وبس

هل هالاحلام لها دخل بجنس الجنين او شي يخصه ..؟

جزاكى الله خيرا وتم عليكى حملك وولادتك على خير

السلام عليكم
حلمت اني انجبت بنت بدون الم كأني كنت نايمة وقمت انها معي عريانه وينزل علي دم النفاس بقوه واني فرحانه فيها ومحد درى غير زوجي وبناتي ولبستها لبس بناتي وقالي زوجي يابنت الحلال لبسيها لبس ولد والله العظيم انها ولد مو بنت وجلس يحلف ويعيد علي وقمت غيرت ملابسها بلبس ولادي ازرق

حبيبتي شذا يعطيكي العافية ع المجهود وموفقة في الجزء الثاني يارب حبيت أحط بصمتي في هذه الجزء مو معقوله ماأدخل خخخخخخ عموما حلمت أن عندي بنت صغيرة وقاعده عند أهلي وأشوفهم يطالعو فيا وأنا أقولهم هذا ولد مش بنت أقوم أفتح الحفاضة أوريهم خصية الولد عذرأ ع الكلمة بعدين أخدها في السرير وأقول لأختي تعالي شوفي هاذي مش بنت هذا ولد وأفتح الحفاضة أشوف عضوين ذكرية صغيرة مش مطهرة فوق عضو التناسلي للبنت والحلم الثاني حلمت أني أتنقش حنة عند وحدة وأشوف رجولي وأيدي أقولها أنا محنية من أول خلاص لا تحنيني تحط في أيدي شوية أقوم أغسله وبعدين تدخل مرات اخوية معاها طفل صغير ماأعرف أيش جنسه أستغرب منها عشان ماعندها طفل صغير وعدين أطلع من الغرفه أشوف فساتين بنات كثيرة طايحة في الأرض أقوم أختار واحد لونه أبيض وفيه شي بسيط موف وفيه فص يلمع في الوسط أخرج في مكان زي القاعة كلها رجال أشوف زوجي أقوله تعال يقولي أنتي تعالي كيف أجي وكلهم رجال بعدين أطلع أشوف أخوية لأبس قميص زهري وكرفتة بيضاء يقولي أن بنت جارتنا تقلو انه في بشت أسود للبيع قالي ع السعر بس مش فاكره بعدين اقولو أيوه انا قالتلي عليه ونطلع بره نلاقي الدنيا مطر جامد نقوم نندس تحت الشجرة وبس طولت عليكي سامحيني وجزاك الله خير