تجمع الموقنات برحمة الله ( خبرات متبادلة حول مراكز تأخر الحمل في مصر ) ج 12
متابعة النقاش، صفحة 66
شاركي في النقاش
سجلي الدخول لإضافة تعليق.
التعليقات
1,528أم اياد 2009 ريمو حمد لله على السلامة يا قمر الف سلامة عليكي وعلى انس خدي بالك منه عشان الجو ملخبط ليومين دول وبالنسبة لاخباري ان يا ستي نشطت بس متبعتش عند اي دكتور لان نفسيتى مش متظبطة اوي انا بس خدت التنشيط كدة وخلاص واللى في الخير يقدمه ربنا
ليه بس كده يا ام اياد حتى انتى كمان عملتى نفس الغلطة دى .. احنا بنستهون بالتنشيط اللى بناخدة ومش بنتابع ليه بس .. معلش مهما كانت النفسية ولا الظروف انتى فى النهاية المفروض تبصى لمصلحتك وانك فوتتى شهر تنشيط بدون اى فايدة ومن غير داعى كده يعنى بعد ما اخدنا التنشيط نيجى على اهون سبب نضيع تعبنا يعنى ينفع الكلام ده بقه .. والله انا زعلت جدا دلوقتى عموما قدر الله ماشاء فعل وربنا يقدم اللى فيه الخير الشهر الجاى ...بس لو سمحتى اللى حصل ده ميتكررش تانى ارجوكى ..somaya119 هدى انا هعمل ان شاء الله حقن مجهرى ربنا يسهلنا الخير جميعا رمال الف سلامه عل ابنك ربنا يشفيه يا رب ريمو هيه ممكن نسبت التكيس ديه تروح؟ بنات بجد انا بحبكوا اوى ربنا يكرمنا جميعا ويجمعنا تحت عرشه سؤال بيدور فى خيالى من ساعة معرفتكوا هوه …
بصى يا سومة ياقلبى .. بمنتهى البساطة كده التكيس يعنى ارتفاع هرمون ال LH عن مستواه الطبيعى .. واللى اعرفه ان كل محاولات التخلص من التكيس هى محاولات للحد من زيادة الهرمون اكثر من الحد اللى وصل له .. لكن انك تخفضى نسبه الهرمون وترجعيه لمعدلاته الطبيعيه وتثبتيه على المستوى ده .. ده مش هنقدر نعمله لان الهرمون لما بيعلى مش هنقدر نرجعة تانى .. لان طبيعته مش زى هرمون البرولاكتين مثلا اللى لما بيعلى ناخد له علاج يقوم ينزل ويرجع لمستواه ويثبت عليه لا يا سمسم ..
والدليل على ده ان مثلا شوشو لما كانت بتعمل تحاليلها وتتابعها بعد مده من العلاج والدايت كانت بتلاقيها ما تغيرتش كتير عن اللى كانت عليه قبل العلاج وكان دكتور عادل مش بيطلب منها اعادة التحاليل دى لانه كان واثق انها مش هتتغير وان ال LH نسبتة مش هتتغير عن النسبه اللى كانت عليها ..
بس كل اللى احنا بنعمله لما بيكون فى تكيس وارتفاع فى الهرمون ده اننا بنوفر بيئة وظروف مناسبة للهرمون بحيث اننا بالبلدى كده نضحك عليه وعلى الغدة النخامية علشان يوطى ويحصل حمل لما بنيجى ناخد التنشيط ...
والبيئة المناسبة دى بتتلخص فى ..اولا انك يكون الوزن مش كتير وحتى لو كان وزنك قليل بس فى دهون فى منطقة البطن برده ننزلها شوية ودى اول خطوة وثانيا عقار الميتفورمين وبعدين ناخد التنشيط اللى بيه بنحاول نحط الهرمون فى المعدل الطبيعى لفترة مؤقتة اللى هى فترة التبويض وحدوث الحمل .. وبعد كده لو مش حصل حمل لاقدر الله بعد التنشيط الهرمون هيرجع يعلى تانى لما الجسم بيتخلص من اثر التنشيط ياقمر .. فهمتى القصه بتمشى ازاى ..
ودى معلوماتى ولو فيها اى غلط ياريت حد يصحح لى لانى برده معلوماتى فى الموضوع ده مازالت ضعيفه
ها يا شوشو صححيلى الكلام بتاعى لو سمحتى يا ميس
على فكرة يا سومة شوشو هى اول واحده شرحت لى الموضوع بالبساطة اللى انا نقلتها لك دى فا الفضل يعود ليها فى فهمى لنقط كتير فى موضوع التكيس مكنتش اعرف عنها شئ ربنا يكرمك ياشوشو ويبارك فيكى ياحبيبتىboba boba صباح الورد عليكو جميعا ريمو ياحبيبة قلبى انتى وحشانى اكتر والله انا لسة كنت قلقانة عليكى وبفكر اوصلك ازاى عشان اطمن عليكى لقيت ردك على البنات فرحت قوى والله انا دخلة انهاردة مخصوص ياريمو عشان اطمن عليكى وعلى انوس الف سلامة عليكى ياقم…
معلش يابوبو ما هو الرجالة دول زى الاطفال بالظبط انا هقوللك ايه ولا اعيدلك ايه خلينى ساكتة احسن لى .. المهم انا مبسوطة انك مش نايمة فى الخط ياحبيبتى وربنا يكرمك ويرزقك قريبا بالذرية الصالحة ويهدى زوجك معلش خدية بالراحة جدا وبالسياسة وعلى فكرة موضوع جهاز الضغط فى البيت كويس وهيشجعه على انه يقيسه على طول بس انتى اتعلمى تقيسى الضغط لو مش بتعرفى يابوبو وخلى الموضوع على سبيل الضحك والتهريج وانك لسه متعلمه وهتجربى فيه وكده يعنى .. وربنا يخليكوا لبعض ياحبيبتى ويرزقك الذرية الصالحة ياربoxygenatom ريمووووو ... ياااه انا كنت لسة بسأل عنك ومكنتش شفت مشاركتك لسة ... عودا حميدا لبيتك التانى ... الف سلامة عليكى وعلى انوس جعله الله شفاءا لايغادره سقما ..... انا بالنسبة ليا لسة مفيش اخبار ... لاجديد تحت الشمس ... حاليا انا حطة دكتورين فى ا…
ربنا يكرمك يا اوكستى ياحبيبتى ويبارك فيكى ويجازيكى خير على دعائك الجميل ده .. يارب يارب تستقرى على الطريق السليم واستخيرى كويس جدا ياحبيبتى قبل مده الانتظار دى لانى حاسة انها طويلة شويه وافضل فى الامور دى انك ما تأخريش اكتر من اللازم وربنا يعمل اللى فيه الخير يا حبيبتىفاطمة الزهراء912 ريمو الف مليون سلامة عليكى وعلى انوس يا حبيبتى خلى بالك منكو وطبعا ان مقدرش انساكى دا انا لو نسيت الدنيا كلها مش ممكن انساك يا حبى
ربنا يجبر بخاطرك ياحبيبتى ويبارك فيكى يارب وتروحى وتيجى بألف سلامة ياطمطم وبعد ما ترجعى مش عايزة اشوف ولا لحظة تكاسل منك لاحسن انتى كنتى موقفة كل حاجه بقالك مده ومش عايزة اى تأخير تانى سمعانى
مواضيع مشابهة
تابعي تجارب أخرى من هذا القسم.