|| أبغــى الحــل لمشكـلتي مع شخصيه كبيـره || ~

| مراحب بخواتي الحوائيات |

السلام عليكم ورحمة الله وبركاته ...

مساء نقي كـ نقاء أرواحكم ..



أولاً أقسم بالله العلي العظيم أن كل كلمه بكتبها هنا أني صادقة فيها ..
عشان ما آحد يقول قصه خياليه أو تحلمين :confused-

أنا من قبيلة كبيره و من عائله معروفه :35: متزوجه من 10 سنوات من ولد عمي وعندي بنتين و ولد
و مبسوطه ولله الحمد في حياتي الزوجيه ..
___

مشكلتي قبل 4 شهور أتصل فيني رقم على جوالي ورديت وسأل هل هذا الرقم للبيع قلت لا ؟
وقفل ولا عاد أتصل بس أستلمني هالشخص رسائل ليل نهار
و علمت زوجي من أول رساله و عطى أخوه الرقم لأنه بشركة الأتصالات و حدد الحي اللي ساكن فيه و طلع رقمه طلع من عائله كبيره كبيره يابنات :35:..

المهم أنه صار يرسل في اليوم وربي ما أبالغ 30 أو 40 رساله كلها حُب يقول أبغاك :44:
أحبك تطلقي بتزوجك عطيني رقم حسابك
بكتب لك أراضي بكتب لك أملاك برسل لك هدايا
بشتري لك طقم ألماس وبرسله لك ..
و أي خدمه تبغونها أخدمكم سواء في تعيين أو نقل أو فلوس ..
و أنا أموت فيك و أتخيلك و أنتي حلوه ولا يستاهلك إلا أنا تزوجيني و الله أن تنسين زوجك و حياتك معه
شئ يابنات لو أكتب لين بكرى تنهبلون :icon33:
و رديت عليه أنا و زوجي أني متزوجه وش تبغى فيني وعندي عيال و زوجي يسوى عندي الدنيا كلها ..
و أنك مراهق و حتى لو لو أنك من هذيك العائله الكبيره ..
أستح على وجهك و ما بقينا تهزئ تطنيش بس مانفع معه ..

و أرسل صور له وصورة بطاقته الشخصيه
عمره 23 سنه ..
وأرسل رقم لوحة سيارته ( وطلعها زوجي بعد بنفس الأسم )
و كتب لي أسم أمه و خواته ..
و أنهم بيجون يتعرفون علي ..
و شئ يشيب الراس :06:

المشكله أن زوجي ماهو راضي أني أغير رقمي
بس نقله بأسم سواقنا الهندي :frown: ..

والأتصالات قالوا رقمه عليه حمايه
مستحيل يفصلونه أو يحظرونه ما يرسل لي ..
و هالحين له يومين يهددني أن تعرفين علي بالغصب و أن تردين بالقوه أنا الكل يحلم فيني و الكل يتمناني و أنتي مغروره و متكبره علي
و هو محدد مكاني بعد و عارف أني بنت ناس معروفين :44:

أبغى يا بنات كل وحده تخيل نفسها مكاني وش تسوي ..
و أبغى حل أقنع زوجي أغير رقمي ..
لأني والله أني صرت أخاف من تهديده ..
و زوجي يقول أعلى مافي خيله يركبه
بالطقاق ماعليك منه خلي رقمك و هو مصيره يمل و يدري أنه مستحيل يطولك ..

:26:ودي و وردي لكم :26:

191 تعليق 16,583 مشاهدة

شاركي في النقاش

سجلي الدخول لإضافة تعليق.

التعليقات

185
  1. @alsmkh_alfoshyh

    من البدايه انا مااكذبك
    بس مصدومه من الكلام ولااعرف وش اكتب
    طلعي الشريحه وكسريها
    وخلي اهلك يجبون لك رقم جديد
    هو زوجك الله يهديه ماخذه مسالة عناد
    والله لو ضركم زوجك ماراح يقدر يسوي شي
    ولاحد يجي يقول حنا في بلد فيها قانون
    قانونا للاسف بلوه واشربو مويتها
    هذا على حسب مافهت الواسطه بكبرها
    ومافيه احد يقدر يوقف بوجه
    الله يعينك
  2. @dlaa_dnyay

    تتوقعين لو انك غيرتي الرقم مو واصلك

    لو هو يبي بيوصلك

    عليك الكثره من الأستغفار وقيام الله ان الله يكفيك شره ويصد عقله وقلبه عنك

    الله يوفقك لما يحبه

تابعي تجارب أخرى من هذا القسم.