مجلس الآنسات ... هموم وتطلعات ...

أخيتي :: وحدي في البيت ::

حياكِ الله معنا :) ...
لم أنسكِ من ردودي ولكني فضلتُ أن يكون رداً منفصلاً ...



ومن يدري ربما يكون العكس :D ...
أخجلتم تواضعي بكلماتكِ الجميلة هذه ، أتمنى أن أكون عند حسن ظنكِ بي ...
أختكِ شكيمة أخذت إجازة من المجلس لمدة بسيطة وهاهي قد عادت من جديد ... <<< إعلانات :30:

&&&

يعلم الله كم حزنتُ عند قراءتي لقصتكِ وتأثرتُ بها ،،، ولكن ...

أولاً: قولي الحمدلله على كل حال ، قدّر الله وما شاء فعل ...

ثانياً: ابتسمي أخية :) وقولي لنفسكِ لا شيء يستحق أن أحزن عليه ، ما دمتُ محافظة على ديني ، ومعافاة في بدني ، وعندي قوت يومي ...

ثالثاً: اعلمي وتيقني بأن الخير فيما قضاه الله حتى وإن ظهر لكِ العكس ، وتذكري: وعسى أن تكرهوا شيئاً وهو خيرٌ لكم ...

رابعاً: بالنسبة للجمال، أكيد إن الجمال مهم وأهم شيء عند البنت أن تتحلى بالجمال ...

ولكن ما مقياس هذا الجمال؟ من الذي يحدد مستوى هذا الجمال؟
قد أرى فتاة بارعة الجمال ، وتراها صديقتي عديمة الجمال ...
قد تصف أم الرجل خطيبته بأنها أروع الفتيات جمالاً، ولكنه عندما يراها ينصدم بأنها عادية ...
إذاً مسألة الجمال نسبية ...
وبرأيي الشخصي كل فتاة تمتلك جمالاً خاصاً حتى لو كانت في نظر نفسها قبيحة ، لذلك علينا أن نكتشف مواطن الجمال في أنفسنا ثم نبرزها ...
وصدقيني بأن التزام المرأة في دينها يضفي عليها جمالاً خاصاً عجيباً رغم إنها في نظر نفسها عادية ، لكن الآخرين يرونها بشكلٍ آخر ، سبحان الله ...

خامساً: تأكدي بأن هذه الفترة التي تمرين فيها هي فترة اختبار من رب العالمين ليرى مدى صبركِ ورضاكِ ...

سادساً: إياكِ وقطيعة والدتكِ والدعاء على أختكِ والتمسي لها العذر فهي طلبت منكِ ذلك عن حسن نية، وكان القرار بيديكِ ...

سابعاً: أنصحكِ بالاستخارة أمام كل أمرٍ تحتارين فيه حتى ترتاحي أكثر ...

ثامناً: تقبلي نفسكِ بشكلكِ الجديد وأشعريها بالثقة والمحبة ، تُفتح لكِ أبواب السعادة ...

تاسعاً: مباركٌ عليكِ الوظيفة وأهلاً وسهلاً بكِ في الميدان التعليمي ...

عاشراً: بس خلصت ... <<< أدري زودتها :D ...

أتمنى أني لم أثقل عليكِ بالكلام ، وأنتظر ردكِ أخية :) ...
وفقكِ الله ، ورزقكِ كل ما تتمنين من خيرٍ في الدنيا والآخرة ، وعوّضكِ خيراً ...

السلام عليكم
حبيبتي وحدي بالبيت .
ذحين انتي مشكلتك انك فقدتي الثقة في نفسك بخصوص شكلك اللي انتي تقولين انه تشوه بعد التقويم اللي سويتيه .
عاد انا بحلل مشكلتك وقضيتك من خلال كلامك .
شوفي حبيبتي مشكلتك انك تستشفين جمالك من اطراء الناس لك اذا مدحوك قلتي في نفسك انك حلوة وثقتك بنفسك مالها حدود واذا ذموك قلتي في نفسك انك قبيحة وانك منت حلوة مره . لا ياحبيبتي انا ما اقول لك ان كلام الناس ما ياثر الا ياثر انا عندك اتأثر بكلام الناس بس انا لازم يكون لي رايي الشخصي بنفسي اذا كنت حلوة او لا
يعني انا بشرح لك موقف في وحدة شافتني في الجامعة والله ما كنت كاشخة ولا حتى كنت متمكيجة والله انها طلعتني السماء بالمدح
وبعدين نفس هذي الانسانه شافتني في زواج وكنت كاشخة ولا علقت ادني تعليق . يعني المهم ماراح نجلس نسمع لكلام الناس ايش قالوا علينا
انتي ادري اذا انك حلوة او لا
واذا على حكاية الاسنان انا والله اعرف وحدة اسنانها الله يعلم بها بس والله البنت وجهها فلقة قمررر والكل يمدحها ويقول عليها انها ملكة جمال…
وانا حاسة انك تبالغين بخصوص تشوه شكلك .بدليل ان امك واختك ما شالوا هم الموضوع هذا وكانهم يقولون لك . <<لا تكبرينها وهي صغيره >>>
وبعدين اختك ماقالت لك كذا الا تبغى مصلحتك ولو انها تدري انه بصير معاك كذا ما كانت قالت لك
انتي محتاجة تعيدين الثقة بنفسك لازم ضروري عشان تشوفين نفسك احلى وحدة اذا جات على الاسنان بس بسيطة والله
ايش تقولين باللي يتشوهون بحرق في وجهها ايش تسوين لو انك في مكانها
وعلى فكرة عجبتيني والله لما قلتي انك راضية عن شكلك ذحين ولا تبغين تسوين فيه شي . حلو هذي اول خطوة
احمدي ربك انتي عندك ميزات كثيرة غيرك يتمناها
معليش لو كنت قاسية معاك في الكلام بس والله لازم تفكيرين في كلامي
واذا عندك تعليق عليه مافي مانع واذا ودك تضربيني وتحطين حرك فيا ايضا مافي مانع
والف مبروك على الوظيفة <<< وعلى فكرة هذي وحدة من الميزات اللي غيرك يتمناها وانا وحدة منهم :D

همسة غلا : ودي اكتب لك كلام كثير انتظريني

أخواتي العزيزات اللي مروا على موضوعي وردوا علي :
وردة ياريت تكبرين خطك شوي طلعت عيوني وانا احاول اقرا.. وبعدين انا ماكتبت مشكلتي الا عشان اسمع منكم وبتقبل كل اللي تقولونه وانتوا خواتي واكثر..
شكيمة النسيم وردة طبيعية ومريومة ونسمة وبحرينية::

أولا شكرا على المواساة والنصائح الحلوة ..
ثانيا: الحمدلله ألف ألف ألف مرة على كل النعم وخاصة نعمة الصحة ...هذي بروحها تسوى الدنيا بكبرها وعلى نعمة الوظيفة اللي ادري غيري كثير مب محصلها (ولي كلام ثاني مع اللي ماتوظفوا للآن)..
ثالثا: ترى انا مو بشعة الحمدلله فيني مميزات مو موجودة في غيري يعني انا بيضة ولوني الكل يمدحه وعاجبني وايد (والحمد لله )
وطويلة وطولي حلو بس يبي لي أمتن لأني واااايد ضعيفة .
وشعري مشاء الله طوييييييييييل وناعم وملفت ( والحمدلله )
وكل من يشوفني يعطيني أصغر من عمري ويقول عني نااااااااااااعمة .
بس ملامحي عادية جداااااااا، الشي الوحيد اللي كان حلو في ملامحي هو شفايفي واسناني والحين اختربت وهذا اللي مضايقني ..تعرفين شنو يعني يكون فيكي شي حلو تحسين انه هو مصدر جمالك وسر تألقك وفجأة تفقدينه !!!!!
وبالطريقة (السينمائية ) هذي :: يعني برجولي اروح للي خربوها وأتحمل ألم التقويم (وما أدراكي ما ألم التقويم) ! وأدفع فلوس بالهبل للدكاترة وأشوف اسناني جدام عيني تخترب وتتشوه وانا مب قادرة اسوي شي ..حسبي لله ونعم الوكيل الف مرة ..مب قادرة أنسى ،شلون انسى والمنظرة في كل مكان ؟؟ :icon33: :icon33:
انا اللي مضايقني اني بسبب هذا التقويم ضاعت مني فرص زواج تحلم فيها أي بنت ..
بس ارد واقول الحمد لله ألف مرة ودايما ارددأ(اللهم اجري في مصيبتي واخلف لي خيرا منها)
قولوا :امين .

اختي وحده بالبيت انا اشوف انج واااااااااايد مكبره السالفه وهي ماتستاهل وبالنسبه للي صار لج في حلول مش حل واحد لعلمج تعالي البحرين وانا بنفسي اوديج للدكاتره يا حبيبتي الطب تطور في اشياء اخس من الاسنان مايتطور في السن الله يهداج بس وثاني شي قدر الله ماشاء ومافعل واختج حبت تعمل خير بعد هي وشعرفها بالغيب انه راح يحصل لج هالشي هذي اختج مو تقولين ماكلمها شهالحجه هذا هذا مو كلام وحده عاقله ومثفه لاتزعلين مني انا الكل يعرفني صريحه وماحب اجامل وثاني شي شنو ماتكلمين امج ها:mad: ردي علي ليش محد ياخذ ذنب غير سمعتي هذي ام ومثل ما انتي بنتها هي بعد بنتها والله مارت تتبره منها مو شرط الانسان اللي انتي تكرهينه غيرج يكرها لالالا هذا مو تفكير منطق واحب اقولج شي انتي ايمانج اضعيف لان لو كان قوي صج كنتي قلتي هذا قدر ومكتوب مو تتحسبين على اختج حطي في بالج تره ترجع لج وانمى الاعمال بالنيات خصوصن وهي نيتها النصح فوضي امرج لله وخلاص والنصيب نصيب راح يجي في ناس مايتشاهدون خذور روحي شوفي من خذو خذور ريايل يقولون لقمر قم ونقعد مكانك يايمه هذا رزق من الله والرزق لايعرف فقير ولا غني ولا كريه ولا جميل وانا متأكده انج مكبره السالفه وااااااااااااااااااااايد مب شوي وهذاني اقولج طلعي وكلمي امج واختج انتي مالج غنى عنهم هذول هلج اللي لمن تمرضين هم اللي بيفزعون لج ماحد غيرهم لا احنا ولا غيرنا تعوذي من الشيطان وخذيها قاعده الريال مو كل شي بالحياه الاهل لين خسرتيهم خلاص ما في حد يعوضج مكانهم وابيج تكوني قويت الشخصيه مو اضعيفه مثل الحين البنت اللي عندها قوة شخصيه تكون واثقه في نفسها مش تتهرب من العالم لا وهذاني اقولج روحي وردي لطبيعتج مع الكل واهم شي اختج وامج وتركي عنج الدلع الزايد اللي ماله معنه وهذاني انا اقولج انا مستعده اساعدج انا عن نفسي حاضره بس مثل ماقلت لج امج واختج تره لو بعيد الشر يحصل لهم شي بتتحسفين حسف قد شعر راسج واكثر وقتها مارح تنفع دموعج اللي تذرفينها صلي على النبي وذكري ربج وتعوذي من الشيطان وعن الدلع حبوبه

يله ابي ادخل مره ثانيه اشوفج يايبه اخبار حلوه :27:

امين ان شاء الله...

ما ادري حاسه اني باعقد البنات اللي في المجلس بقصصي...
انا من النوع اللي يحب يسرد القصص وعلى صاحب المشكله التفكير فيها والاتعاظ وحمد الرب تعالى على نعمة العيش..

واذكر لك هالسالفه...
وحده من صديقات بنات خالتي كانت بتنظف الشبه(خيمه في فناء او حوش البيت)وكانت دايخه او مزكمه المهم انها غلطت بالتنظيف وانفجرت فيها الشبه واحترق تقريبا اغلب جسدها ...
البنت كانت عاديه جدا لكن بعد عمليات الترقيع طول النهار وهي تطالع بجسمها وتصيح كأن صايبها برص جسمها كله مرقع حتى الاماكن الحساسه..تخيلوا كيف شكلها...
لكن سبحان الله الدنيا لسه فيها خير من يدري يجيها واحد يسوا الدنيا باللي فيها ويحترمها وممكن يعالجها على حسابه وممكن انها تكون بنظره احلى مافي الكون...
والحمد لله على كل حال...

صغرت خطي عشان ما احد يتعقد من سوالفي..
بس ايش رايكم بنات نسولف بالمجلس عن هالنوع من القصص عشان الواحد يتعض اكثر...

عشان خاطرك عدلت الرد وكبرت الخط مره ثانيه ..