الو
قصدي السلام عليكم
كيفكم ياحوائيات ؟؟وش أخباركم؟؟؟حلوين,,
اليوم ابقول لكم سالفة تقرقع بقلبي قرقعة
ولو بيدي شئ والله ثم والله لأدخل على أبو متعب ومعي ملف هالقضية:icon33:
يابنات الموضوع اليوم هو حال ((معلمات الابتدائي))
كلنا درسنا فيها ونذكر كل شئ صار لنا
الابتدائي قبل مايكونون طالبات هم أطفاااااااااااااااال
عارفين ايش يعني أطفال؟؟؟؟
حرام اللي جالس يصير لهم من حال التعليم عندهم
يعني مع احترامي لمعلمات الابتدائي بس هذا الواقع
لا اسلوب تربوي لاثقافة تربوية لا ثقافة ثواب وعقاب
ضرب واستهزاء وتفريق في المعاملة بين الطالبات
اكيد دام ان شهاداتهم ابتدائي ومعاهد
انا يابنات يوم كنت ادرس بالابتدائي وربي صارت عندي عقد من سوء تعامل المعلمات معي
اذكر وحدة من المدرسات ماتتخيلون يابنات تعطينا رياضيات
تعذبنا ماتدرسنا الله لايبيحة على شئ سوتة فينا
وربي يابنات ان فية طالبة عندنا اذا حصة الرياضيات بعد الفسحة ماتفطر؟؟؟؟؟؟؟؟؟؟؟
من الخوف والهم ,,,,,
لا ومرة تخيلوا المدرسات طقمو بالقمصان بالمدرسة انا لليوم مدري وين التوجية عنهم
جلسوا فترة طاقين القمصان ويدرسونا تقولين ببيوتهم.....
بس قال من أمرك قال من نهانن,,,,,,
مدرسة الرياضيات تشرح لنا جدول الضرب بأسلوب بدائي ومتخلف تقول اذا جاك
خطي بالعددين خطوط متقاطعه وعدي نقاط الالتقاء ويطلع لك الناتج؟؟؟؟؟
طبعا هذا ماضي وشئ خلاص مر وانتهى بس تدرون ايش المصيبة
انهم لليوم موجودات وعلى رأس العمل
وخوذو القصص من مدرسة اختي
الادراية تضرب بنت على راسها لأنها تطاقت مع زميلتها((حتى الاخوان يتطاقون))
وش كان العقاب طلعتها قدام الطابور وطخ على رأسها بالعصا,,,,,
البنت طاحت وتصيح رأسي راسي....
طبعا بتعرفون ليش العقاب كذا شديد ,,,,,
المعتدى علية بنت وحدة من المدرسات ,
ومرة تقول اختي المساعده راحت بنت اخوها لها وقالت ان اختي سرقت كرسيها دققو بالتهمة
قامت العمه اللي هي المساعده طلبت اختي وقالت ليش تسرقين الكرسي شايفين العقلية كيف
المهم تقول اختي بفتح فمي أرد الا سماعة التلفون بجبهتي تقول لاتردين؟؟؟؟؟؟؟؟؟؟
لا وبالحفل الختامي ياسبحان الله بناتهم متفوقات ومثاليات
واللي ماهي شاطرة مو مشكلة تنرقع لها اي شئ نظيفة مواظبة المهم تتكرم
طبعا اسلوب تعليم سئ الأمن رحم ربي لاوسائل تعليمية ولا تشجيع وتغيير بالتدريس,,,,
انا ماأعمم على الكل ومو كلهم كذا بالعكس بعضهم وربي فاهمين ولا أظلمهم بس هالنوع موجود
ولازم نتكلم الى متى واحنا ساكتين الابتدائي أهم مرحلة ليش يتعين فيها اقل الدرجات العلمية
هالمرحلة اكثر مرحلة تحتاج معلمات دارسين ابجديات التربية واساليب العقاب الحديثة...
الضرب المفروض المعلمة اللي تضرب تفصل لانها بالعربي جاهلة
الام وهي الام المفروض ماتضرب الا بأضيق الحدود فكيف المعلمة
اتمنى بصراحة ايجاد حل لهالمشكلة كافي كافي تخلف ,,,
طبعا احنا نقلنا اختي للأهلي بس غيرنا مايقدر,,,,
يالله اللي عندها موقف من أيام الابتدائي تجي وتقولة ...
وسؤال هل تفضلين تدرس بنتك الابتدائي بحكومي...أو أهلي؟؟؟؟؟ولماذا
((لاتطلع لي وحدة تقول امي معلمة ابتدائي اوجدتي انا اتكلم عن واقع عشتة ويعيشة غيري اليوم
,,,,,,,,,,,,,,,)))
الموضوع مغلق