شاركي في النقاش

سجلي الدخول لإضافة تعليق.

التعليقات

67
  1. انا بصراااحه اشوووف انها تطلق
    عشااان مع الايااام بترتاااح شوي لكن لو جلست معاااه مستحيييل ترتاااح الا بيزيد عذااابها

    الاولااااد راااح يتعودووون وبيكبرون وكل واحد بيروح وينشغل عنهااا وهي بتتعب
    ووظيفتها تساعدها على انها تقرر الطلااااق

    هو ماراااح يتغير وماراااح يصير قنوع

    صدقيني الطلاق هو الحل لانه هو الحين مرتاااح وعارف انها ماراااح تطلق ويبغاها مربيه بس

    والناااس اذا عرفت انه تزوج بنغاليه وفلبينه ومصريه وو بيعذرونها في طلاقها وماراااح ينظرون لها النظره اللي هي تتوقعها

    خلاص نظرة الناس تغيرت للمطلقه لانهم عرفو انه غالبا هي المظلومه ومافي وحده تبغى تطلق الا لسبب قوي

    ومافي اهم من رااحة البااال بس هي تتوكل على ربها وتطلب الطلاق وبعده بايااام بترتاااح وياااما فيه اطفال اهليهم منفصلين ومااثر عليهم الا بالبدايه يمكن


    والله انا ادعي لها من قلبي
  2. @bnt_shyk

    &&جودي&&
    قهرني هذا الرجال الله يعين اختك ويرجعلها زوجها يحبها اكتر من اي امراة عرفها رأيي انها تسيبله البيت والأولاد كمان تسيبهم عنده حتى اصغر واحد فيهم عشان يعرف كيف حيكون حال البيت بعدها ’’’ اتمنى تجرب وان شاء يحس بقيمتها ’’’
    رايي من راي الاخت جود
    يا اختي كيف سايبينها في بيتها معاه ؟؟ ممكن تصاب لا سمح الله بمرض
    كارتفاع في ضغط الدم او تصاب بانهيار عصبي؟؟؟؟ حتى لو تقولكم سيبوني في حالي لا تسمعوا كلامها هيا في صدمه دحين واعصابها تعبانه واخطر شي انها طول الوقت ساكته واذا جات تتكلم تبكي؟ هيا كده داخله على اكتئاب وعواقبه وخيمه انتبهوووو
    اعرف وحده صبرت على مصيبه مشابهه لمصيبه اختك مسكينه ارتفع عليها الضغط وفي واحد يوم جاتها جلطه في الدماغ واصيبت بشلل نصفي
    باسم الله على اختك ربنا يحفظها بس لا تستهونوا بالموضوع
    صحيح الانسان لازم يلجأ الى رب العالمين وربنا هو الي يصبر الانسان ولكن الله لا يكلف نفسا الا وسعها
    وهيا عليها ضغوووط اكبر مما تقدر تتحملها
    اكبررررررررر ضغط عليها الان هو الضغط الاجتماعي ... لو اطلقت ايش يقولوا عليها واحنا في مجتمع ما يرحم
    تاني ضغط هو الضغط الاسري ... كيف عيالها يتربوا وهما بعيدين عن ابوهم والتفكك الاسري مشكله تؤثر على الابناء بالدرجه الاولى
    ثالث ضغط انها مو طايقه زوجها والان حتتضطر انها تعتني بملابسه (القذره الي زي اخلاقه ) <<< اسفه جدا بس انا مني طايقته
    وحتطبخله والمطلوب منها انها تكون زوجه وخادمه لانسان ما يستاهل

    شوفي يا بنت الناس هيا الان في وضع ما تقدر تتخذ فيه اي قرار
    روحيلها ومعاكي احد كبير من العيله الوالد مثلا او عمك او جدك او امها او حماتها اي احد تسمع كلامه ... ويخرجها من الحاله الي هيا فيها وتروح لبيت ابوها وتسيبله الاولاد والبيت خاصه في هذا الوقت الي حتسافر فيه الشغاله ... ويقولو لزوجها انها اعصابها تعبانه و تحتاج انها ترتاح.. وتروح تاخد عمره
    لازم تشن عليه الحرب بدايه بانها تترك البيت يحوس فيه لوحده وصدقيني ما حيكون اكبر همه ممكن يروح في يوم وليله يتزوج وحده تانيه والمسكينه هيا الي تمرض
    ترا القهر بعض الاحيان يسبب المرض البطال عشان كده اقولك انتبهو عليها ولا تسيبوها معاه في البيت لانها كل ما حتشوفوا وهو كده عايش حياته عادي ولا همه ولا بيحاول يترجاها تسامحه حتزيد حالتها سوووووء

    بعدين هيا الان مجروحه جرح كبير في قلبها ما حيداوي جرحها الا انها تبعد عنه
    وتاني شي لازم يحس انها غاليه وانها ما ترضى بالغلط لانها لو جلست معاه في بيت واحد ولا كانه صار شي ما حيحس بغلطه وممكن في المستقبل يكررها ولما تهدأ
    بعدين تقرر وتشوف ايش تسوي في حياتها يا اما تطلب الطلاق يا اما ترجع بشروط
    هيا الي تقرر بس بعيدا عن الضغوطات

    على فكره الي حكيتلك عنها الي جاتها جلطه ترا عندها اربع اولاد كبار وهما الان الي بيلوموها ويقولولها ليش ما طلبتي الطلاق بدل البهدله الي احنا فيها دي ؟؟ لان ابوهم طبعا صار يتمادى مو كفايه الي سواه في امهم كمان بيبهدل الاولاد

    بالنسبه للطلاق اقولكم شي ... صحيح هو ابغض الحلال .. ولكن ربنا ما احله الا لان فيه فايده ... يعني لو عاشت في جومتوتر مع زوجها الابناء حاسين بالمشاكل وحالتهم حتتدهور اكثر يمكن الطلاق فيه رحمه اكتر .. ولا تحرموا ما احل الله , الطلاق حلال
    وربنا يعوضها برجل افضل منه تحتسب عند الله صبرها وتعتبره ماااااااااات وتكمل حياتها كانه مو موجود عادي ولا تسيب نفسها عرضه للامراض والضغط النفسي
    والله افتكر قصه قراتها في المنتدى هنا ... وحده صبرت على زوجها الي اتزوج عليها وحده تانيه ... لاحظي .. الزوجه تعرف انه حيتزوج .. واتزوج وحده فقط مو زي الاخ ما خلى ولا بقى احد الا اتزوجها ما شالله" زوج انترناشونال"
    حسبي الله عليه والله لا يجعله يفرح ولا يتهنى مع غيرها ولا يشوف يوم راحه
    الله يصبرها وارجو انكم تتخذوا خطوه ايجابيه ولا تتركوووووووها ترا الاعراض الي قلتيها اعراض اكتئاب حاد انتبهوووو
    وسلامتها من الحزن ربنا يرفع عنها واسفه على الاطاله بس فعلا كلنا اتأثرنا من هذه المأساه وطمنينا عليها اختي

تابعي تجارب أخرى من هذا القسم.