أيتها الزوجة المصون : إذا أنتي مو قد الزواج .. ليش تزوجتي ؟

30 مارس 2010

وهـ

الله يجزاك خير كلام عين العقل، فعلا بعض الزوجات حنانات ما همها الا مصلحتها الشخصية الله يهديهن اجمعين

جزاك الله خير الجزاء أختي أم زياد
إحنا محتاجين مثل هالمواضيع لأنه وللأسف الشديد أشوف المنتدى فيه كره شديد لأم الزوج وأخواته وكأن الوحده ودها إذا تزوجت تسوي غسيل مخ للزوج وتغسل مخه من شي أسمه أمه وأخواته
شفنا بالمنتدى مواضيع بصراحه تضيق الصدر لهدرجه وصل بنا الكره وحده تقول ألحقوني أخته كلمته وقالت له ودني لهالمكان
والثانيه تقول ليش ضروري الأم تجلس قدام والثالثه تقول ليش أهله يرتبون شقتنا قبل الزواج وهذيك تقول عطى أمه فلوس وعطى أخته وعطى أخوه
وإلا عاد اللي تبي حركات وشلون تقهر أمه وإلا هذي تقول لحقوني أهله بيسافرون معنا
وقصص بصراحه نأسف إنها تصدر من مسلمات
والأدهى والأمر إذا الوحده حطت قصص خياليه عن أهل زوجها وأنهم سيئين لأقصى درجة
وقصص خياليه عن أهلها أنهم كاملين لأخر درجة
أما النصائح عاد حدث ولا حرج اللي تقول إذا جلستي مع أمه تدلعي عليه خليها تنقهر وهذي تقول خليك رسميه مع أهله وهذيك تقول وريهم العين الحمراء
طيب ليش تحكمون وأنتم ما تعرفون الناس يمكن أهل زوجها هم الطيبين وهي الشريره وأنتم قاعدين تزيدون هالكاتبه شر وبعدين ما نحكم على الناس بمنظور واحد أنهم أهل زوج يعني لازم أعاملهم كذا فقط
أما التعميم حاجه ثانيه إذا وحده حطت مشكله قالوا يا كرهي لأهل الزوج طيب أنا أخت زوج وزوجة أخو وأنتي أخت زوج وزوجة أخو وهي وهي كلكم زوجات أخوان وخوات زوج يعني على هالحال كلكم كذا تسوون مع زوجات أخوانكم ...؟:(
وإلا عاد اللي تقول ليش تزوجه وهي بتسوي وبتسوي أرد واقول زي ما قالت صاحبة الموضوع طيب أنتي ليش تزوجتي ليش ما دورتي لك واحد ما عنده أم ولا خوات أحسن لك ولها
للأسف الأم تحمل وتولد وتتعب وتشقى وتربي وتسهر الليالي وبعدين تسعى لأنها تدور له الزوجه الصالحه علشان تسعد ولدها وتجي الوحده تسب أمه على أمور تافهه
أما اللي تقول أمه تغار وخواته يغارون من لبسي ومن طبخي:44: ليش يغارون ترى كل الناس تعرف تلبس وتعرف تطبخ مو بس أنتي لكن لأن الكره أعمى قلب الوحده صارت تقول يغارون مني اللهم لا تجعل في قلوبنا غِلاً للذين أمنوا
لا تقولون أم الزوج عصبيه أو شديده أو تتدخل الوحده مننا تقدر تملكها بالطيبه وبالأخلاق ما هوب بالعناد وبحركات نص كم
والغيره هذي اللي تقولون عنها إحنا اللي نخلقها بتصرفاتنا وحركاتنا
بذكر لكم قصة وحده أعرفها تقول تزوجت وسكنت مع أهل زوجي بنفس البيت تقول صار بيني وبين أمه بعض النقاشات وإختلاف في وجهات النظر تقول صاحبة المشكله رحت لزوجي قلت له أنا أكره أمك تقول سكت زوجي وما قال شي تقول لما شفته ساكت حسيت أنه ما همه وعادي عنده أني أسب امه صرت أي كلمه تقولها أمه أجي رأساً وأقول له أمك سوت وأمك قالت وأمك تغار مني تقول ظليت شهور على هالحاله وكل مالها المشاكل مع أمه تزيد ومره من المرات جالسه أسولف لزوجي عن أمي تقول الأخت قال لي زوجي كلمه هزت كل شي فيني قال شوفي أسم أمك ما تجيبينه عندي أنا ما أحبها أنا أكره أمك تقول قلت له ليش تكرهها وش جاك منها تقول: قال الزوج بس كذا شعور متبادل أنتي تكرهين أمي وأنا أكره أمك
تقول تمنيت الأرض تنشق وتبلعني ولا سمعت اللي سمعته
تقول جلست بيني وبين نفسي أقول ليه أنا حزت فيني كلمته...؟ وهو قالها مره وحده ...وأنا لي شهور وانا أقول له هالكلام وهو صابر ومتحمل تقول من بعد هالسالفه قررت أني أغير تصرفاتي وأحترم أم زوجي وأعاملها زي ما أحب زوجات أخواني يعاملون أمي
تقول وأكتشفت أنها حبوبه وطيبه وصرت أحبها وهي تحبني تقول وعرفت أنها ما كانت تغار مني زي ما كنت أتخيل
بس بسبب تصرفاتي حطيت فجوه بيني وبينها

ولنتذكر الدنيا دواره اللي بتسويه الوحده اليوم بأم زوجها بكره عيالها بيسوونه فيها

صحيح البنات متعلمات بس للأسف بعضهم علمهم ما نفعهم مع العلم إن أغلب الأخوات الأن تسكن بمنزل لوحدها عكس أول ومع ذلك ما فيه أي إحترام وتقدير للأم والدليل المواضيع اللي فيها سب بأم الزوج يفوق عدد الردود 200 رد وكله سب ودعاوي على الأم واللي فيها نصيحه وتوجيه ما فيه وحده تكلف على نفسها تقول جزاك الله خير وعدد الردود ما يتعدى 25 رد

أنا أعرف إنه فيه كلمات لابد تصدر من الناس اللي حوالينا سواء أم أو أب أو أخ أو أخت أو صديقه أو الزوج أو أمه أو أخته لكن لازم نعرف كيف نتعامل مع هالناس كل واحد حسب سنه وتفكيره وعقليته
وبعدين بعض الأمهات فيهم جهل بدال ما نسبهم ليش ما نحاول نعلمهم ونساعدهم لأنهم يجهلون بعض الأحكام وبعض الأمور
ليش ما نعلمهم بطريقه غير مباشره

أيتها الزوجة المصون : إذا أنتي مو قد الزواج .. ليش تزوجتي ؟

التعليقات

احسموها مين سيدة كل المدن ؟ الرياض،جده،الطايف،ابها،حايل

المرأه قادره انها تدير بيتها وعملها ..والرجل ؟ 🫣

أيها العابس☹️

سلوك بنتي المختلف مع ابوها

أيها المسلمون إننا في هذه الأيام نستقبل عاماً جديداً