محتاجتكم .. أنا لا أنظف البيت إطلاقاً !! / تعديل

اول شي سمي با لله ثم شغلي اذاعة القران وافتحي شبابيك البيت كلها وقومي لمي الملابس الوصخه بزاوية غرفه ثما جيبي كيس زباله واذا ماعندك اي كيس مو مشكله ولمي كل ازبايل ثما لي الموعين المتراكمه وحطيها في المغسله ثم حطي بعلبه تايد وكلوركس وسفنجه للحمام وقومي اغسلي دورات امياه ثم جيبي منشفه لتمسيح ومسحي ا\المكتبه وغرفه النوم ثم كنسي وبعدين ادخلي المطبخ وغسلي الموعين والغاز والارظيه واكيد الثلاجه لا تنسيها والغسيل اليوم الثاني وكمان ترتيب الدوليب حقة المطبخ والملابس واما الشغل الي با الاول يومين وتذكري الرجال ما يحب الوصاخه وراح يتركك ويتزوج الرجال مو مجبور على الوصاخه

انا قبل كنت خايبه مااسوي شي بس مو لهالدرجه يعني المكان ينكنس كل اسبوع بس كانت الارض وسخه الحمامات كنت كل عشره او اسبوعين اغسلها فكانت مغبره والمطبخ دمار من الدهون

الحين تغيرت 180 درجه صرت مااحب اشوف غبار الاثاث امسحه كل يومين الحمامات كل يومين ثلاثه تتغسل الملابس ابدا ماتبقى تنغسل وتنكوي اول باول نظفت البيت من الاساس وتنظيف عميق هذا اللي بديت فيه كل يوم امسك مكان لين اخلص منه والان ماشاء الله بيتي نظيف كله ويلمع وريحته تجنن حياتي مرتبه وزوجي تغير صار انسان ثاني لما شاف هالتغيير والحمد لله تعودت على الشغل صرت مااحب اقعد بدون شغل لو ملعقه بالمجلى مااخليها الا اغسلها وارجعها مكانها المسؤوليه والاطفال خلتني اتسنع اخاف على عيالي من الوصاخه


ولعلمك عندي ولدين وحامل لكن بيتي ماتجي الساعه 2 الظهر الا وهو مرتب ونظيف وعيالي متغدين وسابحين ونايمين وماعندي شغاله

انتي حاولي تعودين نفسج وشوي شوي بتتعودبن على الشغل وبيصير شي روتيني وسهل وبتحبينه لان بتشوفين نتيجه مرضيه وبتنعكس على حياتكم وماعندك اطفال يعني مافي حد يحوس المكان

ابدئي كل يوم بركن ونظفيه بدقه مو اي كلام وبعدها بترتاحين لان بيصير العمل اسهل لان كل شي مرتب اصلا واللي عليك تحافظين على نظافته بشكل دوري بس

وعشان تتشجعين كل يوم صوري ركن ونظفيه وصوريه بعد التنظيف والبنات بيشجعونك

... ما اعتقد أنك صادقه بكلامك .. مع احترامي لك ..